الموضوع: الكاوتش الرفيع دة أية بقى ؟ و هل خطر على الجنوط ؟

والنبى ما حد يستغرب من الصور دى أو يشتم على البلد و كفاية إلى أنا قولتة جوة منى دا أنا عايزة أعيط لحد مايغمى عليا

المشاركة الأصلية كتبت بواسطة manola

ميرسى يا أخوانا بس مينفعش على جين تو مثلا ؟
أصل أنا قبل كدة كمان شوفته على هامر و جى أم سى و عربيات تقيلة (على النت طبعا)
و أكيد يا مينى كوبر فيه تعديل فوتوشوب عشان شكل الصورة يكون جميل لكن دا ميمنعش أن الكاوتش فعلا رفيع

ينفع على الجين 2 طبعا وعلى اي عربية بشرط انك لازم تغيري الجنوط وتجيبي مقاس اكبر
في واحد معانا في المنتدى معاه جين2 ومركب جنوط 18 مع كاوتش 205- 35
ال 35 دي اللي هيا سمك الكاوتش زي ماحضرتك بتسألي ويعني 35 في المية من عرض الكاوتش اللي هو 205
طبعا لو المقاس 35 ده جربتيه في مصر طبعا لازم تاخدي بالك وتمشي على اقل من مهلك علشان لو فيه نقرة او حفرة
وكمان اغلب الناس بتركب جنوط 17 مع كاوتش 205 - 45
وده احسن شوية والعربية هتبقى انعم من المقاس السابق