ابيزا 94 ولا بونتو 94؟؟

يا جماعة انا محتار و ياريت حد يقولي
اجيب ابيزا 94 ولا بونتو 94؟؟
العربيتين ادامي و حالتهم كويسة و سعرهم تقريبا واحد
ممكن حد يعملي مقارنه سريعه بين الاتنين في قطع الغيار و الاداء؟؟

السلام عليكم
طالما نفس الحالة وتقارب السعر، توكل على الله واشتري بونتو، بحيث إن البونتو تتمتع بتقارب قطع الغيار مع الإيبيزا مع كفاءة محرك أعلى وثبات أفضل على الطريق في السرعات، صاج الإيبيزا أمتن بقليل من البونتو، بس صالون البونتو والمحرك ودورة التبريد أفضل مع قطع غيار أكثر توافرا، ولو مكيفة هيكون تكييف البونتو أفضل. والله أعلم... وبالتوفيق

مفبش فروق كبيرة بين الاثنين
غير أن قطع غيار البونتو أكثر توفرا و أرخص

غير كدا ......... مفيش فرق كبير بس أنا ميال أكتر للبونتو ....... مع ملاحظة أن مواتير الفيات عموما حساسة للحرارة و بتحتاج متابعة منتظمة.
كمان الموتور مينفعش تزودله مياه و هو شغال أو و هو سخن ........ العربية على طول بستحب هوا في دورة التبريد و العربية بتجيب جوان وش سلندر ......... أو وش سلندر لو ما أخدتش بالك و مشيت عليها و هي سخنة.
غير كدا العربية ممتازة .

الف شكر ليكو علي اهتمامكو و ردكو يا شباب
و كل سنة و انتو طيبين

ابيزا افضل في الاتزان وقطع غيار منتشرة وارخص وقابلية اكثر للتعديلات لو انت من هواة التعديل