الموضوع: كيفية تركيب كاسيت كلاريون arx1970 بدل كاسيت كلاريون برده هههه arb0350

السلام عليكم
بيتهيألي الجواب باين من عنوانة بس علشان نزيل الشكوك ان أنا اشتريت كاسيت ولا حاجة في ظل الظروف الي بتمر بيها البلد وللاسف جيبي كمان
من يوم ما اشتريت العربية(لانوس مو 99 ) من سنة والكاسيت الكلاريون ال ARB0350 وهو موجود فيها وطبعا الخبراء هنا عارفيين امكانياتة الجامدة ...... جدي ودي صورتة

جامدة مش كدة !!!!
ودي صورة السوكيت اللي راكب فيه:

وبعدين كنت بشتكي لواحد صاحبي ابن حلال من صوتة ال...... وهو برده عندة لانوس مو 2008 أو 2009 مش فاكر قوي فقالي انا بعت العربية والكاسيت اللي كان جاي معاها لسة عندي وبحالتة ماستخدمتوش خالص هاجبهولك بس هو شرايط برده لكن أكييد صوته أحلي وطلع الاتي كلاريون ARX1970 علي فكرة صاحبي ده مسيحي وانا مسلم علشان ماحدش يقول اننا مابنحبش بعض.


وبعدين فرحت قوي ان شكل الكاسيت طلع أحسن كتييربصراحه وبما ان انا خبير فك تابلوه لانوس وعامل توب اسكوور 30 ثانيه ههه رحت أركبه وانا متشوق جدا لسماع الفرق في الصوت وكانت المفاجاة :....

السوكيت مختلف ده فية اتنيين سوكيت وانا عندي سكيت واحد
عاوز أعرف اركب ازاي الكاسيت الجديد وانا بيتهيألي برده ان السلوك هي هي بس الفرق في التوزيعه , أقطع والمس كل سللك في لونه ولا اشيل السلوك من السوكيت القديم واركبهم في الجديد مش عارف !!!!!؟؟؟
ياريت يا جماعه لو حد كمان يقولي ايه نظام الكسيت ده حلو ولا لأ ؟
وهل لو ركبت عليه ام بي ثري نضيف هيبقي الصوت كويس ؟؟؟ خرج صوته حلو يعني ؟؟
وبعدين انا دخلت علي النت لقيت مكتوب انه 2 RCA channels يعني إيه RCA وكل ما زاد كل ما كان أحسن ؟؟
أنا ماعنديش أي فكره عن الصوتيات خالص.
اسف جدا جدا للإطالة بس القافية حكمت وكان لازم ألقيقفلة كويسة للقصة بس أنا عارف ان رجالة المنتدي قلبهم كبيير زي ما عودوني وبيستحملو كل الناس.
حلوة ولا ملتوتة !

السلام عليكم
انا عندي لانوس 2000 و تقريبا نفس الكاسيت و عاوزه اشيله و احط سي دي .. اعمل ايه؟