الموضوع: الفرق بين زيت المحرك التخليقي والمعدني وايهما انسب

المشاركة الأصلية كتبت بواسطة ls1090

المنتشر فى مصر ان فى زيت بيمشى 2000 كيلوا وزيت 5000 كيلوا وزيت 10000 تلاف
الكلام ده غير صحيح للاسف ثقافة الزيوت فى مصر معدومة
انا هعمل الموضوع جزئين فى الاول هنتكلم عن الزيوت التخليقية والزيوت المعدنية
وفى الاخر هنتكلم نعرف نترجم الرموز الى مكتوبة على العبوة
الجزء الاول
يعنى ايه
1- زيت تخليقى
هو زيت تكوينه الكيماوي معدل في المعمل من زيوت لها خواص مختلفة عن زيت المعدنى لانه زيت صناعى
مثل موبيل 1 شل التر كاسترول ايدج
2-الزيت المعدنى
هو زيت مصدره البترول المستخرج من باطن الأرض يعنى من مشتقات البترول وبيتم تكريره وتنقيته
مثل موبيل xhp وشل الاصفر وشل الاحمر
3-زيت نصف تخلقى
نوع نصف تخليقي من زيوت معدنية وزيوت غير معدنية بحيث إن الزيوت المعدنية ماتزيدش عن 30%
مميزات الزيوت التخليقية:
1- ثبات كيماوي وفيزيائي أفضل (يعني مش بيتحلل أو يفقد لزوجته بسرعة)
2- موفر في الوقود لإنه بيساعد الموتور يتحرك بسهولة أكبر
3- بيحافظ على الموتور لما بندوره الصبح لإنه بيوصل بسرعة للأجزاء اللي ما اتزيتتش
4-عمر أطول للموتور
5-سرعة تدفق أعلى من الزيت العادي، فيقدر يزيت الموتور أحسن
6-معدل بخر أقل
7- أداء أحسن في درجات الحرارة العالية قوي والمنخفضة قوي
عيوب الزيوت التخليقية

1- لازم يشتغل على مواتير بتستخدم بنزين خالي من الرصاص
2- غير مفضل في المواتير الرحوية أو الدوارة Rotary (ودي نادرة ومش موجودة إلا في المازدا RX-6، RX-7، RX-8)

الجزء الثانى قراءة الرموز
اول رمز
SAE (Society of Automotive Engineers
مثل رمز 5W-30
هو مقياس لسرعة سريان الزيت داخل المحرك كلما انخفض الرقم زادت سرعة السريان
الزيوت نوعين احادى الدرجة وده sae 50 لا يفضل للسيارات الحديثة
النوع الثانى sae 5w-30 مثلا
الرقم الاول بتاع حرف w ده المقصود بيه درجة السريان عند بدا تشغيل المحرك والرقم 5 و0 احسن رقمين لان سرعة السريان عالية والزيت اعلى يقال يتم التزيت فى خلا 1.3 ثانية علميا المحركات تتاكل فى بداية التشغيل اسرع
نجى للرقم الثانى الى هو 30 درجة سريان الزيت عند ارتفاع درجة حرارة المحرك
فى معلومة ثابتة كلما ذاد الرقم الثانى الى هو 30 الى 40 او 50 استهلاك الوقود ارتفع والاداء قل ولكن التبخير هيكون اعلى
ثانى رمز American Petroleum Institute API
معهد البترول الامريكى
ده تقيم للزيت وكفائة الزيت
مثال API SM/CF
الرمز S يرمز لمحركات البنزين ومحركات C لمحركات الديزل
الحرف الثانى M او F ده مستوى الزيت كلما تاخر الحرف كلما كان الزيت افضل يعنى M افضل من L و N افضل من M
واعلى تقيم موجود API SN/CF
الموضوع خلص
اى عضو عايز يسال يسال واى عضو عايز يصحح يصحح
وللامانة بعض المعلومات منقولة من
404 Page Not Found وتمت الترجمة

---------------------------------------------------------------------------------------
كلام مظبوط واحب اضيف ان الزيوت تتكون من 80% base oil اساس + 20% اضافات - بالنسبه للاساس فيكون فى الزيوت المعدنيه من المازوت !! naphthenic - اما فى الزيوت التخليقيه (الحقيقيه) فيكون الاساس من البرافين او من تركيبه كيميائيه بحته (بولى الفا اوليفين) ويوجد 4 عناصر للمقارنه بين الزيوت المعدنيه والتخليقيه - مع ان المقارنه غير منصفه لانك مينفعش تقارن بين مرسيدس مثلا وبين لادا - وهى :-
1- الاكسده
2- معامل اللزوجه viscosity index
3- Flash point - درجه الحراره التى عندها يحترق الزيت ويتلف تماما ( 150 للمعدنيه - 525 للتخليقيه)
4- thickness وهى معدل التصاق او سمك الطبق التى تلتصق بسطح المعدن (2.5 ميكرون للمعدنى - 5.5 ميكرون للتخليقى)
اما الاضافات فهى (خلطه سريه لكل شركه زيوت تنفرد بها) ولكن فى اختراعين وهما ماده MOLY وماده Penetro وصاحبه حق اختراعهما هى شركه اميريكيه اسمها SCHAEFFER وهما اضافتان يعملان عمل السحر فى الزيوت لان ماده المولى تتكون من 39 طبقه فوق بعضهما يرتبطان بب عضهما بخاصيه مغناطيسيه وتكون ما يشبه الدرع الواقى على سطح المعدن فيقلل التاكل بنسبه 95% - اما البينيترو فهو عباره عن (بلى) صغير جدا يعمل على الانزلاق Sliding مما يقلل استهلاك الوقود ودرجه الحراره 10 د م -
اما الزيوت الشبه تخليقيه فيضاف البرافين الى المازوت لتحسين الخواص
ولذلك لا يوجد زيت معدنى ممكن يصمد داخل موتور اكثر من 5000 كم ولا يوجد زيت شبه معدنى ممكن يصمد اكثر من 10000 كم فى حين ان الزيوت التخليقيه (اللى بجد) ممكن تصمد الى 40000 كم وعن تجربه .. وشكرا