يابشمهندس تبشر خير 4جنيه مين - ان شاء الله مفيش بنزين يغلى ولاحاجة - وانشاء الله 95 يوصل الصعيد كله
عرض للطباعة
ممكن جدا 95 بالذات يغلى بس معتقدش حيوصل 4 او 5
رغم ان ده سعرو الحقيقي
بس لو جيت حسبتها الدعم قاطم وسط الحكومة والواحد متوقع في اي وقت زيادة
ربنا يستر
بس اي حد حيشتري عربية لازم يبقى عامل حسابو يا اما يحط خيارات تانية قدامو
ممكن تكون عربية جميلة جدا وكل حاجة وفيها حاجة بسيطة زي موضوع البنزين تقرفك
طب وعلى ايه
استخير وسيبها على الله
السلام عليكم جميعا
الفرق مابين 92 و ال 95 فى الإستهلاك وده انا لاحظته فى عدد مرات تموين السيارة
بيقل مع 95 وبيزيد مع 92 ولكن السرعة هى هى مبيفرقش بالدرجة اللى المؤثرة قوى
ولكن فى التجميع السريع للسيارة بيفرق
ياريت المتابعة
السلام عليكم
لاحظت اخواني الاحباب ان سعر السيارة سبورتاج مقارب للسيارة بيجو 3008 موديل 2012
و هي فرنسية تصميما و تجميعا
فلماذا يتم اختيار الكوري و يترك الفرنسي
ارجو الافادة ارجوكم ممن يعرف الاسباب الحقيقية لاني بقارن الان بينهم
تحياتي لكم جميعا
م.حاتم السباعي
انا بفكر جديا في اقتناء العربية ... مشكلتي اني راكب عربية كويسة برضو "فورد فوكس جيا" و بصراحة انا قلقان من اني انزل من اوروبي ل كوري ... لكن خليني اسأل الملاك الجدد عن نقاط مهمة يمكن تقدر تساعدني في الوصول لقرار .
سؤالي لييكم هو ...
ايه اخبار عزل السيارة و هل لاحظتم عليها اختلاف في الصوت اثناء السفر (نتيجة لعلوها عن الارض و مقاومة الهواء) ؟؟
ايه اخبار الكروز كنترول اثناء السفر و هل فيه اي مشاكل اثناء استرجاع السرعة من الذاكرة (ساعات الار بي ام بينط فجأة نتيجة محاولة العربية استرجاع السرعة ) ؟
ايه اخبار الثبات عند الانحراف علي سرعات عالية ؟
ايه اخبار كرسي السائق "خصوصا أثناء السفر " (مزعج - جيد - مريح - مريح جدا)؟
هل زاوية رؤية الطريق افضل ام في السيدان ؟
بخصوص الاوبشنز .. انا اعرف ان فيها حساس ضوء و ركن و لا يوجد بيها حساس مطر .. هل ده صحيح
بخصوص الصيانة الدورية : هل عندكم فكرة عن تكلفة زيارة الصيانة الدورية في المتوسط شاملة الزيت و الفلتر .. و لو عملتهم .. يا ريت لو تقوللي قعدتم قد ايه لغاية ما خلصو شغل ؟
معلش انا اسف اسئلة كتير ... بس اكيد حتفيدني و حتفيد الاعضاء بردكم عليها إن امكن... و شكرا