ولي العهد عايز يستحمى

**Ahmed A Rahman** · 23-11-2011 05:41 PM

الى الاصدقاء الأعزاء

سيرزقني الله في الايام المقبلة بولي العهد حامي حمى الجوار وامين لجنة سياسات العائلة

وحيتولد في شهر 12 الجاي في عز البرد

عايز دفاية ادفي لحضرته الحمام عشان ميجيلوش نزلة شعبية

جربت قبل كده الهالوجين وحسيت انها مش صحية
جربت قبل كده السلك اللي بيحمى وادامه مروحة وشميت ريحة شياط

هل مفيش حاجه ادامي غير الزيت ؟؟؟؟

انا عندي دفاية زيت 11 ريشة توشيبا العربي
مش حاسس انها بتعمل حاجه في الاوض العادية او الريسيبشن
هل احطها في الحمام ولا فيه حاجه احسن ولا اجيب حاجه اصغر
ولا احطها في الحمام واجيب حاجه اكبر

حد ليه خبرات في الموضوع ده ؟؟؟؟

**ashouhdy** · 23-11-2011 05:52 PM

لفة ببطانية متخفش قوى كدة دول عفاريييييييت .....الف مبروك وربنا يباركلك فية

**zago** · 23-11-2011 05:59 PM

الف مبروك
اخترناه وبايعناه :)

حضرتك كده جربت كل حاجه مش باقي غير انك تولع حطب في الحمام
:)

**abogogo** · 23-11-2011 08:16 PM

معلش هو الطفل المولود حديثا بيستحمى في الحمام يادكتور ..!!! من واقع الخبرة السابقة في عروستين عندي اولا الطفل لما تحميه خصوصا حديث الولادة بتشتري بانيو بيبي بيكون بلاستيك وعلى مقاس الطفل وفي حجرة النوم وبشوية مياه دافئه وشامبو اطفال وقطعة إسفينج ويستحمى في حجرة النوم بعد غلق جميع اماكن تيارات الهواء شباك او باب وياريت تدفي الحجرة بدفاية وتحط حاجه تحت عقب الباب وبعد ماتحمي البيبي مايخرجش من الاوضة يرضع وينام على طول .... لأنك لو حميته في الحمام هتخرج به على جو الشقة ممكن لا قدر الله ياخد برد .... وربنا يكرمك ويبارك لك فيه ويكون صالح بأذن الله
صور البانيو

**Hamdy Masria** · 23-11-2011 08:26 PM

المشاركة الأصلية كتبت بواسطة abogogo

معلش هو الطفل المولود حديثا بيستحمى في الحمام يادكتور ..!!! من واقع الخبرة السابقة في عروستين عندي اولا الطفل لما تحميه خصوصا حديث الولادة بتشتري بانيو بيبي بيكون بلاستيك وعلى مقاس الطفل وفي حجرة النوم وبشوية مياه دافئه وشامبو اطفال وقطعة إسفينج ويستحمى في حجرة النوم بعد غلق جميع اماكن تيارات الهواء شباك او باب وياريت تدفي الحجرة بدفاية وتحط حاجه تحت عقب الباب وبعد ماتحمي البيبي مايخرجش من الاوضة يرضع وينام على طول .... لأنك لو حميته في الحمام هتخرج به على جو الشقة ممكن لا قدر الله ياخد برد .... وربنا يكرمك ويبارك لك فيه ويكون صالح بأذن الله
صور البانيو

كنت داخل اقول نفس الكلام بس حضرتك سبقتى
اوعى يا دكتور تحمية برة غرفة النوم مش هيستحمل
ربنا يبارك فية ويجيلك على خير ان شاء الله

**icehearted girl** · 23-11-2011 09:23 PM

بلاش فكرة تدفيله الحمام ي خالص لان الجو بيكون سخن يطلع برة فلهوا ياخد برد بردوا مش حل

بص

حضرتك اولا متحميهوش فلحمام..والله بتكلم جد.. ف اوضة النوم تقفل الباب وتجيب بانيو بلاستك صغنتوت كدا....ومية دافية وتحميه ف خلال 5 دقايق بلكتير..والموضوع دا مش كتير..يعني مرة كل اسبوعين تلاتة مثلا..غير كدا الحموم يكون علناشف..قطن مبلول بمية دافية ولوسيون..وتعري جزء جزء من جسمه وتمسحهوله..بس هو يشرف بالسلامة بس

**zago** · 23-11-2011 09:57 PM

المشاركة الأصلية كتبت بواسطة moustafa_saad

ههههههههههههههههه
نفسى افهم انت بتالف الردود دية منين

ده انا كنت حكتبله يجيب غساله فول اوتوماتيك بالمجفف
وكده يتغسل وينشف على طول
بس خفت الناس تفكرني بهرج
:)

**zago** · 23-11-2011 09:59 PM

البانيو البلاستيك ده بيتباع في كارفور المعادي
ب 170 جنيه تقريبا
بس اييييييه مقولكش
حاجه كده اخر الاجه :)
وفيه سداده زي بلاعه البانيو العادي
ومكان تحط فيه الصابونه
والارضيه بتاعته مبتزحلقش
حاجه فعلا تليق بمقام امين لجنه سياسات :9

-

-

الموضوع: ولي العهد عايز يستحمى

LinkBack

أدوات الموضوع

عرض

ولي العهد عايز يستحمى - انشر الموضوع فى :

-

-

-

-

المواضيع المتشابهه

وفاه ولي العهد السعودي

عايز الاقي كتاب العهد القديم

العهد الجديد

الطبقة الحديثة العهد بالسيارات

يا سبعاوى أوفى العهد

الكلمات الدلالية لهذا الموضوع

المفضلات

المفضلات

ضوابط المشاركة