تقرير عن صيانة الالف لصني 2010
زي مانتم شيفين اسم العنوان هتلاقوا إن العربية بقالها مايقرب من سنتين .. أنا طبعا ساعتها مكنتش اعرف حاجة عن المنتدى الجميل ده .. فـدلوقتي حبيت إني اكتب تجربتي مع الصني في عدة صيانات مع إنهم قدام شوية بس عشان حبايبنا يستفادوا و هم صيانة 1000 و 5000 و 10000 و 15000 .. و قريب إن شاء الله هاعمل لسة صيانة 20000 ..
نبدأ بـ صيانة 1000 ..
ما قبل الصيانة ..
أول طبعا ماجت العربية anisa .. لونها نبيتي وانا كان حلمي إني اجيب نيسان صني عشان كنت بحب العربية ديه قوي .. جت بقى العربية الحمد لله وطبعا كنت فرحان بيها قوي اكنها واحد من عيالي هههههههههه .. قلت بقى أما ايه اسافر بيها مشوار كده سقع .. رحت رايح بيها إسكندرية .. طبعا كنت ماشي بين 90 و 110 طول الطريق .. عشان كنت بلين وكده .. جيت بقى من إسكندرية بعد ماعملت تقريبا 900 كيلو وكده قلت أعمل الصيانة ..
مرحلة الصيانة ..
أنا بقى جنبي مودرن الدقي .. خطوة رجل واكون هناك .. كان ساكن جنبي مهندس محترم ربنا يمسيه بالخير في مودرن .. كلمته وكده وقال لي تعالى وكده .. رحت رايح ودخل العربية وبتاع .. كنت خايف عليها بقى هههههه أول مرة تخش صيانة .. قال لي هنغيرلك زيت 5000 وكده .. وهنشيك على كل حاجة .. قلتله ماشي .. دخلت العربية وقعدت ساعة في العملية ههههههههه .. والحمدلله العملية نجحت هههههههههه ..
الحساب
رحت بقى عشان احاسب كانت مفاجأة ليَّ إن المصنعية ببلاش .. مش فاهم حاجة بقى .. طلع إن أي عربية في صيانة الالف المصنعية مجانا هههههههههههه .. المهم حسبت على
3 لتر زيت
+
فلتر
=
أظن كانوا 175 جنيه
وكنت مسترخص جدا الصيانة عشان أنا كنت متعود على هيونداي عند غبور وطبعا كان غالي ..
بعد الصيانة ...
العربية كانت جامدة بصراحة .. كانت بتسحب حلو .. وحسيت بيفرق بعد الصيانة الحمد لله ..
احب أكون خدمتكم بالتقرير ده ..
و شكرا ...