-
شداد الشاهين الخلفي 2006
يا جماعه انا زهقتكوا فعلا بس النهرده وانا في التوكيل الميكانيكي نزل تحت العربية وبيقلي الشداد الخلفي القصير عايز يتغير فيه بوش كتير فقلتله وده ليه تأثير جامد يعنى مهم اغيره قالي طبعا هيعوم معاك العربية جدا ده غير تأكل العجل وضعف سحب الموتور وبصراحه انا مش واثق في كلامه فعايز اعرف هل مهم جدا اغيره ولا لأ مع العلم ان المشكلة عندي مش ماديه بل في الوقت وده معناه اني وقت ما افضى ممكن يبقى بعد شهر او 2 او 3 كمان فهل في خطر لو قعدت المده دي كلها من غير تغييره ولا ايه؟؟؟
افيدوني لو سمحتوا.....................
-
البقاء بشداد مبوش له 3 مشاكل
1- عومان السيارة
2- صوت الطقه مع كل مطب
3- التعرض لأن ينقطم فى اى وقت نظرا لأنه قديم ومتآكل
نصيحة غيره، ده مش بياخد غير 10 دقائق شغل للشداد الواحد (انت عندك 2 منه واحد يمين وواحد شمال) ومش بيحتاج ظبط زوايا بعد كدة لأنه ورا
-
طيب يا استاذ سبعاوي علشان هروح التوكيل بالمرة يفضل اغير الاصلي ولا بلاش ده اولا؟؟؟
ثانيا ايه اللى بيبوظ الشداد؟؟؟
ثالثا عايز رد في موضوع فتيس الشاهين كمان لو سمحت
-
يا استاذ سبعاوي انت رحت فين
انا عايز بس اعرف الاسباب علشان احاول احافظ عليها ثانيا مدى اهميه علشان اغيره بره بدل التوكيل علشان الوقت ثالثا رد موضوع فتيس الشاهين والزيت علشان لو رحت التوكيل يبقى يوم واحد واخلص
انا متآسف للتطويل
-
الموضوع مش محتاج توكيل ولا حاجة.أى ميكانيكى يغيره.المهم تجيب نوع أصلى.مثلا من يوسف اللى فى الدقى. أنا بأجيب حاجتى منه.
-
على فكرة أنا مهندس و فقط عاوز أكسب ثواب
-
انا بصراحاة محتجتش اغيره فى عربيتى وبالتالى معرفش ايه المتاح منه فى السوق، بس اقترح عليك إسأل على نوع اوكاب الأيطالى (ده بينزل منه عفشة امامية للشاهين وال131)، اسأل لو فيه منه شداد خلفى هيكون كويس جدا
اما اللى يبوظ الشدادت فهو نفس اللى بيبوظ عفشة جميع السيارت فى بلدنا وهو المطباات والبلاعات والطوب الحفر وكل البلاوى الموجودة فى شوارعنا، الشداد آخره من الناحيتين جلب كاوتش، الجلب دى بتتهرى وتضرب وبالتالى يحتاج الشداد للغيار
نصيحة بالنسبة للشاهين عموما، طالما معندكش شغل فى الكومبيوتر سيبك من التوكيل
انا كانت معايا الشاهين لمدة 5 سنوات عمرى ما رحت التوكيل ولا اعرف سكته، وحتى قطع الغيار اللى عندهم هم مش بيستوردوها من تركيا لكن بيجيبوها من بتوع قطع الغيار فى مصر ، وبيبيعوها بضعف التمن، انا كنت جايب علبة الديريكسيون السيزماك لعربيتى ب 220 جنيه ولقيت واحد جايبها من التوكيل ب 400 جنيه هى هى
-
المتاح في لاسوق نوع مصري كده مالوش لزمه .. و نوع تركي ممكن يقضي الغرض ...
Content Relevant URLs by
vBSEO 3.6.0 PL2