حد هنا من الجمرك يقدر يخدمنى ؟؟

**Mshawky** · 23-11-2011 09:39 PM

انا طبعا ثقتى فى اعضاء المنتدى انهم كلهم اسره واحده وكلنا ناس بنخاف على بعض وبنقف جنب بعض
انا حبيت اطرح الموضوع لو حد من الجمرك يقدر يساعدنى ويقف معايا فى مشكله اكون شاكر ليه جدا حتى لو الموضوع تطلب بعض المال مفيش مشكله

الموضوع باختصار كنت جايب شحنه باور بالانس والمخلصه رخمت فى قرية البضائع ووقفت وطلبو تتعرض على لجنه سياسات رغم ان الشهاده الجمركيه مفيهاش كلمه عرض مكتوبه عليها

وكل واحد يحدفنى للتانى شويه فانتو شايفين ايه و اقدر اتصرف ازاى لانى اتخنقت اوى واول مره اكره بلدى اوى كده لما اتعاملت مع الناس ويبصو فى وشك ويقولك برضه هنوقفلك حاجتك مش فاهم ايه التلذذ بالاذى ده

مستنى رد الاعضاء من نصائح او مساعده

وجزاكم الله كل خير

**minicooper20** · 24-11-2011 02:35 AM

ده حوار سافل
ربنا يكون فى عونك

**mohamed_selim** · 24-11-2011 09:54 AM

عايزين الحلاوه ... هو ده النظام فى الجمرك

**Mshawky** · 24-11-2011 11:24 AM

والله ياجماعه لو تشوفو الناس فى الجمرك ده بتعامل ازاى واكيد فى ناس تصدق على كلامى ده بجد بجد المكان ده خارج ارض مصر من كتر مافيه من قرف ووساخه مشوفتهاش فى حياتى لدرجه الناس تسرق حاجات من الكرتونه اللى فيها بضاعت شغلك والله وبيستحلو الحرام عادى جدا

وللاسف اى حد جوا بيتلذذ بوقف حال الناس وكله يقولك مش هنخرجهالك وابقا قابلنا وكلام بقا يحرق الدم

وكل ده بسبب انى حبيت اغير المخلص بس واجيب مخلص تانى علشان يسعف الوقت ليه وليه بقا انى عملت كده
كانى طعنته فى شرفه ويوطى على الست يكلمها فى ودنها وتحس بحالة تآمر غريبه عليك بالاخص انك وجه جديد كمان

الواحد والله زهق من المناظر ديه لسه فى بلدنا وبيتعاملو معانا كده