استيراد سيارات bmw انصاص من الكويت

**medmoud3** · 23-11-2011 10:12 PM

السلام عليكم ورحمة الله
انا كنت قريت موضوع انصاص السيارات وعجبتني ردود كتير بس الصراحه دماغي ساحت وحسيت اني مفهمتش حاجه .. انا عندي اصدقاء وقرايب في الكويت وكنت عايش هناك والمانيا وامريكا .. ومؤخرا فكرت ان شاء الله اني استورد سيارات انصاص مقسومة فئة بي ام دبليو فئات الثلاثة ةالخمسة والسبعه بموديلتها .. هو انا ممعيش راس مال كبير انا بس بفكر اني مثلا اجيبها من الكويت سيارة واحدة بسعر مناسب مقسومة .. وابيعها بس طبعا هشوف ناس تشتري قبل ما اجيب .. هي فكرة بسيطه وكل شهر مثلا اعمل كام عربيه لحد ما ربنا يسهل .. الاول هجيب السيارات باسمي وباسماء معارف .. ولو مشيت اعمل شركة وسجل تجاري وتكون شركة صغيرة متوثقه ..انا بس بسال الناس اصحاب الخبرة في رايهم خصوصا اني مش هجيب ولا من دبي ولا سنغافورة ولا ايطاليا .. انا هجيب من الكويت في كونتنر شحن بري ..بس فيه حاجه كمان عاوز اعرفها ان الموصفات الخليجي مختلفة عن سيارات مصر .. ايه رايكم يا جماعه .. اخوكم مودي

**medododo** · 23-11-2011 10:20 PM

الموضوع ده ليه ناسه أو بمعني اصح حيتانه
على العموم ربنا يوفقك

**MASERATI** · 24-11-2011 12:39 AM

السلام عليكم و رحمة الله و بركاته

مبدئيا, أنا من رأيى, لو هتشتغل, خليك فى الفئة التالتة و الخامسة.

الحاجة التانية, حكاية أنك تبيع قبل ماتجيب, ده ممكن فى حالة, ما اذا كانت الحاجة اللى أنت هتجيبها, مطلوبة أوى فى السوق و بضاعة مفيش أختها, أو أنت هتجيبها بأسعار أقل من أى مستورد, ده اللى يخلى التجار هنا يشتروها منك قبل ماتجيبها, لكن عامة, مجايب العربيات الأنصاص, التجار حافظين السكك بتاعتها زى ما حافظين كف ايديهم و أنا من رأيى , أنك لو عاوز تخش الكار ده صح و تعرف أوله من آخره و عشان ماتخسرش فلوسك, اشتغل عند أى تاجر و لو ببلاش لمدة سنة عالأقل, شيل و حط و فك و بيع و انقل و خزن عشان تعرف الدنيا ماشية ازاى و بعد كده, قرر, اذا كنت هتكمل فى الموضوع ده و لا لأ و لو هتكمل, هتجيب منين و هتجيب ايه و ماتجيبش ايه و هتجيب بكام و أحسن مكان تجيب منه ايه, لكن مش تبدأ شغلك فى السوق بقطم عربيات BMW 7 series !!!!!!!!!!!!, هى مصر كلها فيها كام BMW الفئة السابعة عشان أصحابها يدورولها على قطع غيار استيراد !!!!!!!!!!

**wama1903** · 24-11-2011 12:55 AM

مبدئيا, أنا من رأيى, لو هتشتغل, خليك فى الفئة التالتة و الخامسة.

الحاجة التانية, حكاية أنك تبيع قبل ماتجيب, ده ممكن فى حالة, ما اذا كانت الحاجة اللى أنت هتجيبها, مطلوبة أوى فى السوق و بضاعة مفيش أختها, أو أنت هتجيبها بأسعار أقل من أى مستورد, ده اللى يخلى التجار هنا يشتروها منك قبل ماتجيبها, لكن عامة, مجايب العربيات الأنصاص, التجار حافظين السكك بتاعتها زى ما حافظين كف ايديهم و أنا من رأيى , أنك لو عاوز تخش الكار ده صح و تعرف أوله من آخره و عشان ماتخسرش فلوسك, اشتغل عند أى تاجر و لو ببلاش لمدة سنة عالأقل, شيل و حط و فك و بيع و انقل و خزن عشان تعرف الدنيا ماشية ازاى و بعد كده, قرر, اذا كنت هتكمل فى الموضوع ده و لا لأ و لو هتكمل, هتجيب منين و هتجيب ايه و ماتجيبش ايه و هتجيب بكام و أحسن مكان تجيب منه ايه, لكن مش تبدأ شغلك فى السوق بقطم عربيات bmw 7 series !!!!!!!!!!!!, هى مصر كلها فيها كام bmw الفئة السابعة عشان أصحابها يدورولها على قطع غيار استيراد !!!!!!!!!!

+1111111111

**medmoud3** · 24-11-2011 08:30 PM

اخ ميزراتي .. كلامك احترمة جدا جدا وعلى راسي انا فعلا بفكر بالطريقه دي .. بس برده محتاج معلومات من اهل الخبرة في الموضوع لاني حاليا وده سبب اشتراكي في المنتدي .. في مرحلة تجميع المعلومات قبل البدء ان شاء الله .. ولك مني جزيل الشكر على رايك المحترم ونصيحتك الغالية (انت انسان محترم ) .. الف شكر !!!!

**beautiful0mind** · 24-11-2011 11:40 PM

واية اخبارسعار ا السوبارو امبرينزا مستعمل هناك ؟

لو ناوى تنزل عربيات قولى ممكن اقولك تجبلى حاجة من هناك لو ناوى تجيب حاجة غير البى أم

**medmoud3** · 25-11-2011 12:51 AM

منور بيتفول ميند .. قولي انت عاوز سبارو موديل كام وعاوز انصاص ولا قطع غيار ولا عاوز العربيه كلها قولي البيانات .. ولو عاوز نتواصل اكتر .. بلغني ... منورين يا جماعه كل اللي في المنتدي ..
اللهم اغفر للمسلمين والمسلمات والمؤمنين والمؤمنات الاحياء منهم والاموات انك قريب سميع مجيب الدعوات يارب العالمين .. والحمدلله رب العالمين !!!

**omar-saad** · 25-11-2011 01:04 AM

بص ياباشا
بحكم خبرتى المحدودة فى مجال قطع الغيار
موضوع الاستيراد دة حباله طويلة جدا
اولا انتا لازم تكون صامم العربيات اللى حاتجبها
بمعنى حافظ كل حاجة فيها بالاسم الصحيح والدارج فى السوق
وتكون خبرتك فى العربيات بشكل عام جيدة جدا
ودة علشان تعرف تشترى كويس وتعرف توقع عربيات صح بمبالغ صغيرة عن السوق علشان تعرف تكسب فيها كويس
لازم تنزل وتلف وتروح الحرفيين وبورسعيد وتسال على الاسعار ومين احسن تاجر هنا ومين اغلى واحد ومين ارخص واحد ومين اللى بضاعته مش كويسة
لازم تكون دارس الموضوع دراسة مستفيضة
ونا من رايى الشخصى انك تفتح محل لقطع الغيار الجديدة وتحط فيها حجات واحدة وحدة
زى طقم السيرفس-فوانيس اكصدمات حجات فى العفشة وهكذا
لان مافيش تاجر فى الدنيا بيكمل عربية ولو كمل يبقى فعلا وصل لان العربية 33000 قطعة غيار!!!!!
او زى ماقال الاخ انك تشتغل عند اى حد ولو ان الحل دة هيعرفك السكة من برة بس لكن الخبايا لا
وربنا يوفقك للخير

**medmoud3** · 25-11-2011 07:00 AM

اخ عمر .. صباح الفل ... :)
!!!

**omar-saad** · 25-11-2011 04:25 PM

المشاركة الأصلية كتبت بواسطة medmoud3

اخ عمر .. صباح الفل ... :)
!!!

انا اسف لو كنت صعبت عليك الموضوع
بس لاززم تكون شايف الموضوع صح من كل الجوانب علشان لاقدر الله
مايتضحكش عليك او تتعرض للخسارة واى استفسار تانى انا تحت امرك

الموضوع: استيراد سيارات bmw انصاص من الكويت

LinkBack

أدوات الموضوع

عرض

-

-

-

-

المواضيع المتشابهه

حصري جدا معظم قطع غيار بروتون ساجا موجوده خارج التوكيل و كمان انصاص استيراد للسياره

تغطيه وصول سيارات روي الصينيه الي الكويت لكن تحت اسم mg

فريق سيارات من الكويت

عرض سيارات متعدله فى الكويت على كيف كيفك

عرض سيارات متعدله فى الكويت على كيف كيفك

الكلمات الدلالية لهذا الموضوع

المفضلات

المفضلات

ضوابط المشاركة