ينفع الواحد منا يركب اتنين بطارية فى العربية علشان لو بطارية نامت التانية تقومها و انا متهيالى فى العربيات المرسيدس بيبقى فى بطارية رائيسية و التانية صغيرة تحت كرسى السواق.
تفتكروا الفكرة ديه كويسه و خصوصا فى العربيات الاتوماتيك
عرض للطباعة
ينفع الواحد منا يركب اتنين بطارية فى العربية علشان لو بطارية نامت التانية تقومها و انا متهيالى فى العربيات المرسيدس بيبقى فى بطارية رائيسية و التانية صغيرة تحت كرسى السواق.
تفتكروا الفكرة ديه كويسه و خصوصا فى العربيات الاتوماتيك
ينفع بس انت تضمن منين انا التانية هتقومها + حمل الشحن على الدينامو + لما تيجى تدور الشحنة هتتسحب من البطاريتان
انت عاوز حاجة زى ال ats يدخل البطارية التانية فى حالة الشحن او فى حالة الاولى نايمة و يفصل الاولى
هو لو في شاحن للبطاريه لو نامت هيحل مشاكل كتير......حاجه كده زي فكره الدينامو بس يكون بيشتغل بالكهربا أو بيتلف يدوي مش سير بيلف مع لفات المحرك.... ماتدققش ف كلامي أوي عشان ممكن يطلع فانتازيا.....
انا عندي تونجر بيدي توصيله
بيقوم ب220 فولت
وبيطلع 12
الهدف منه زي توصيله للعربيه
ينفع بس بشروط
وفي الأخر مش عمليه زي ما إنت متخيل
اشتري بطاريه وخليها معاك في العربيه وماتشغلهاش لو بطاريه العربيه نامت ركب التانيه
ياباشا ينفع ومش حتأثر على حاج ولا دينمو ولا اى حاجة حتتوصل على التوازى يعنى موجب مع موجب وسالب مع سالب وحتبقى 12 فولت بردة بس المشكلة فى مكان البطارية التانية
كان من وسط البلد من بتاع 5 سنين
ب70 جنيه
كان تصفيات شركه
فيه كمبرسور هواء ثلاثي الوظائف فيه
لمبتين منفصلين
وكباس هواء بمبين للضغط (ساعة)
وبطارية 12 فولت زي بطارية الكشاف اللي في البيت متراوحة السعة , ودي اللي بتفرق في سعره
وبيتشحن زي المحمول من كهرباء البيت بadaptor او من ولاعة السيارة
وبيكون معاه كابل ناحية تركب فيه والتانية في ولاعة العربية لتعزز جهد بطارية العربية النايمة- مش بطال وحجمة مش ضخم
يبدأ من 220 ريال سعودي لفوق ال400 ريال في ساكو (الشركة السعودية للعدد والادوات ) يا YOKO
معرفش فيه منه في مصر ولا لا
تمام
انا مقلتش إن مش ممكن لكن تقوم العربيه النايمه بس لحد ما تقوم لكن متتوصلش عمال على بطال
ولو هيوصل بطاريتين مع بعض لازم تكون نفس النوع ونفس الأمبير عشان الvoltage drop وعشان ال internal resistance ويتعمل حساب الفيوزات والضفيره إن لو حصل قفله التيار هيبقى أعلى من التيار الي هيمشي لو القفله على بطاريه واحده
مشكور سمير باشا عالمعلومة هو طبعا صيني واللي شفته اسمه wagan اصفر في اسود
وياعم yoko - وفقك الله -فيه حاجة لزوم وقت الزنقة بس زي الups والا كان الواحد حط عربية احتياطي في شنطة العربية واستنسخ لنفسه من نفسه ول و من حبايبه كام نسخة وتبقي الدنيا زبادي في الخلاط
وطبعا شكرا لصاحب الموضوع اللي خلي الكلام يجيب بعضه منين وازاي معرفش ووووووتحياتي للجميع
السلام عليكم. من الاسهل اذا كانت بطاريتك على وشك الخلاص من اممكن ان تشترى كابل توصيل يبقى معاك على طول بحيث انه-لا قدر الله- لو العربية مرضيتش تدور يبقى توصل باى عربية من اللى حواليك- ولو البطارية كررت الموضوع ده ابقى غيرها اسهل ليك -لكن مش صح من الناحية العملية انك تحط اتنين بطارية فى السيارة -لان البطاريات ليها عمر افتراضى-حتى لو لم تشتغل- يعنى خسارة على الفاضى
ودظبط نفسك بحيث ان كل اسبوع تخرج بالعربية مشوار طويل شوية- نصف ساعة يعنى علشان البطارية تشحن