مارأيكم فى فيكترا 95 cc1600

السلام عليكم شباب

بناء على المكالمة التي دارت بيني وبين الاخ العزيز طناني
اشار علية ان اخذ رأي الاعضاء فى هذة ال عربية
امامي عربية فيكتر موديل 95 cc1600 منوال فبريكة من جوه وبرة حالتها نظيفة شوية خدوش فى الصاج مش كتير ماتور حالته 75% التكييف بيقول عاوز شحن فقط كوتش جديد بس مش اسبور العربيه بجد واقفه طالب 40 الف ياريت تنصحوني السعر ده بالموصفات دى كويس ولا كتير وكمان الموديل ده كويس ولا ايه يعني افيدوني بما عندكم ويترا الدبرياج بتاعها سلك ولا زيت تقيل ولا خفيف علشان اللى عندي فى الدتسون تعبلي ركبتي الشمال ولو العربية مظبوطه تعمل كام كيلو فى الصفيحة جوه البلد وخارجها مع التكييف وبدون التكييف

منتظر ردودكم



طيار

وعليكم السلام ورحمه الله..
-العربيه دي تحفه حته ملبن قوه كماليات سعر سهوله صيانه وقطع غيار
-قبل ماتستلم العربيه خلي صاحبها ييجي معاك وتكشفوا علي التكييف عند حد تعرفه انت كويس لان ممكن يكون وراه كتير مش مجرد شحن وتصليحه مؤرف ومكلف
-الدبرياج ضغط زيت
-بتعمل 180كم داخلي -250كم في السفر بالنسبه للصفيحه

بص انا رايى تبعد عن الاوبل عشان بتسخن فى الصيف مع التكييف

وقطع الغيار غالية كمان خليك فى الانسر وكمان عشان تعرف تبييع الاوبل مقرف فى البيع اوى

زى ما قال فادى

اقتباس:

---

المشاركة الأصلية كتبت بواسطة kokoabdallah

بص انا رايى تبعد عن الاوبل عشان بتسخن فى الصيف مع التكييف

---

لو العربية مظبوطه و مش ملعوب فيها
السخونه حاجة عادية جداً

اقتباس:

---

المشاركة الأصلية كتبت بواسطة kokoabdallah

وقطع الغيار غالية كمان خليك فى الانسر وكمان عشان تعرف تبييع الاوبل مقرف فى البيع اوى

---

مينفعشى تقارن لانسر باوبل

اقتباس:

---

المشاركة الأصلية كتبت بواسطة hellboy

وعليكم السلام ورحمه الله..
-العربيه دي تحفه حته ملبن قوه كماليات سعر سهوله صيانه وقطع غيار
-قبل ماتستلم العربيه خلي صاحبها ييجي معاك وتكشفوا علي التكييف عند حد تعرفه انت كويس لان ممكن يكون وراه كتير مش مجرد شحن وتصليحه مؤرف ومكلف
-الدبرياج ضغط زيت
-بتعمل 180كم داخلي -250كم في السفر بالنسبه للصفيحه

---

تسلم فادي على المعلومات دي بس ماقولليش ايه رأيك فى السعر ده كتير قليل يدوب على الموصفات دي كده يعني


طيار

اقتباس:

---

المشاركة الأصلية كتبت بواسطة kokoabdallah

بص انا رايى تبعد عن الاوبل عشان بتسخن فى الصيف مع التكييف

---

يحترم رأيك بس انا حابب الفيكترا قوي ربنا يستر
على فكرة اكتر من واحد قالي نفس كلامك


طيار

اقتباس:

---

المشاركة الأصلية كتبت بواسطة tananybasha

لو العربية مظبوطه و مش ملعوب فيها
السخونه حاجة عادية جداً


مينفعشى تقارن لانسر باوبل

---

كلامك مظبوط طناني باشا

طيار

السعر حلو طبعا ..اقل من كده يشكك
الاوبل عربيات بتشتغل في درجه حراره عاليه (تكنولوجيا الالمان في معظم الانواع) حضرتك اخر مدي حراري في العداد 100د ..عندك المرسيدس 130د!!! وطبعا ده له مميزاته في الاستهلاك والعزم
العربيه لو مظبوطه عمرك ماهتلاقي امبير الحراره معدي 88د
وكمان كل الخامات المصنوعه منها مكونات حوض الموتور والمغذيات مصصممه لتتحمل درجه حراره اعلي من 100د وماتقارنش الماني بياباني .

تمام
الصنايعية يقولوا على المواتير الألمانى
مواتير حامية بتمسك حرارة

اقتباس:

---

المشاركة الأصلية كتبت بواسطة kokoabdallah

بص انا رايى تبعد عن الاوبل عشان بتسخن فى الصيف مع التكييف

---

مش مظبوط الكلام دة-العربية فيها ترموستات كوعة بتحافظ على درجة الحرارة 88-90 والمروحة بتشتغل على 92 ودى الواطية ومبتحتجش العالية الا لو مشغل التكييف ودرجة الحرارة الخارجية مرتفعة او واقف فى عز الشمس ودى مبتزتش على 95 د دة بالنسبة للماتور ال 1600 .
موضوع سوق العربية تقيل هو طبعا مش زى الكورى واللنسر بس العربية الكويسة بتتباع لوحدها وزبونها موجود وبيدور عليها وماسكة سعر اليومين دول ودة من كلام الميكانيكى مواخرا
والله الميكانيكى كان معاه نوبيرا 2005 زيرو وبعها وجاب اوبل 95 وبيقول دى برقبتها
اتوكل على الله لو الحالة 100\100 والتكييف شغال يبقى السعر معقول

العربية ال95 بالذات تحفة
السعر عالي شوية بسيطة بس مش اوي في مقابل الحالة
الأوتوماتيك الحالة الكويسة بتعمل حوالي من 38 لحد 42
فاعتقد تقل شوية عشان المانيوال والتكييف

والله المستعان
،
،

واللهخ لما انت كلمتنى قلتلك ايه
خد راى الناس
اختلاف الأراء لا يفسد للود قضية

بص يا طيار توكل على الله انا جبت اخت الى هتجبها والله العربيه دى فعلا محترمه بس اهم حاجه تكون بحاله ممتازه علشان متقرفكش بالنسبه للتكيف على راى طنانى باشا لو مش شغالنزل 2000 جنيه وش

نفس الكلمه قولتها
يا اما ياخده شغال

تمام يا كبير

شكراً شباب

بالوضع ده افهم من كده 38 الف يقى تمام عليها مش كتير بعد خصم الفان علشان التكييف صح كده؟

طيار

من وجهه نظرى
صح

كله كلام جميل بس بردة بتمسك حرارة مع التكييف وعلى بركة الله

عارفين والله
الألمانى كله كده

ياعم على بركة الله انا واحد صاحبى كانت معاة كانت بتمسك حرارة مش عارف بقى جايز تكون مش مظبوطة توكل على الله واعمل صلاة استخارة وربنا يباركلك فيها

و نعم القول

السلام عليكم
دي اخر التطورات فى موضوع العربية
النهاردة رحت شوفتها وركبتها. قبل كده كنت بشوفها من بره بس العربية طلعت تحفة فعلاً وكل اللي شفوها قالو كده بس فيه كام نقطة جديدة
1- العربية cc2000 مش 1600
2- راكبلها ماتور 97
3- عملة 265 الف كيلو بالماتور القديم والجديد معاً
4- الدبرياج سلك وتقيل قوي وده اكبر عيب انا شايفه علشان ركبتي يتري ليه حل علشان انا لو مش هشتري يبقى علشان السبب ده

برجاء الرد علشان انا محتار

طيار

وفيه حاجه كمان السواق بتعها مش صاحبها قالي انه كل اول صيف يروح يشحن مرة واحدة وبتكفيه طول الصيف

زى ما قلتلك
الموتور ده بتاع 95 عشان انت قولتلى انه الموتور الأبيض
مش الأسود
موضوع الدبرياج
يا ديسك
يا اما الواير فيه حاجة

التسريب البطئ ده بيبقى غالباً اويل سيل الشفط بتاع الكباس فى اوله

سؤال في السريع لو الدبرياج بيزيق زي البيجو 504 اعمل فيه ايه ؟

لو فيكترا ايه
شوية wd40
تفك الواير و ترش جواه

اقتباس:

---

المشاركة الأصلية كتبت بواسطة tananybasha

لو العربية مظبوطه و مش ملعوب فيها
السخونه حاجة عادية جداً


مينفعشى تقارن لانسر باوبل

---

اقتباس:

---

المشاركة الأصلية كتبت بواسطة tiar

السلام عليكم
دي اخر التطورات فى موضوع العربية
النهاردة رحت شوفتها وركبتها. قبل كده كنت بشوفها من بره بس العربية طلعت تحفة فعلاً وكل اللي شفوها قالو كده بس فيه كام نقطة جديدة
1- العربية cc2000 مش 1600
2- راكبلها ماتور 97
3- عملة 265 الف كيلو بالماتور القديم والجديد معاً
4- الدبرياج سلك وتقيل قوي وده اكبر عيب انا شايفه علشان ركبتي يتري ليه حل علشان انا لو مش هشتري يبقى علشان السبب ده

برجاء الرد علشان انا محتار

طيار

---

دي اخر التطورات فى موضوع العربية تاني مرة
العربية موديل 94 فبريكه بره وجوه صالون الفبريكة ونظيف جداً مفهاش ولا حتي قلم بوية شوية خدوش فى الصاج وراكبلها ماتور موديل 95 2000 سي سي وحالته 75% حلو يعني .
الفتيس به مشكلة وهي التالت ساعات ميخدشي الغيار
عملة 265 الف كيلو بالماتور القديم والجديد معاً
الدبرياج سلك وتقيل قوي وده اكبر عيب انا شايفه علشان ركبتي يتري ليه حل علشان انا لو مش هشتري يبقى علشان السبب ده
التكيييف شغال بس محتاج شحن مع بداية كل صيف
السعركان 40 الف وبالعافية خلاهم 38 الف مش عاوز ينزل ولا مليم تاني

على الوضع ده اشتري ولا بلاش برجاء الرد


طيار

بلاااااااااش
هتلاقى انضف منها

هو اية الفرق بين 94 و 95
في ال1600 المانيوال

مفيش فرق