الموضوع: مشكله غريبه فى الحراره عندى

المشاركة الأصلية كتبت بواسطة wesam_salom

عندى مشكله غريبه فى الحراره فى العربيه مقابلانى اليومين دول وهى تخريف عجيب فى الحراره والمراوح
بمعنى عداد الحراره عندى المفروض يكون فى المنتصف بالظبط فيه اوقات بيعلى شويه من غير المروحه ما تشتغل
اوقات تانيه المروحه بتشتغل والعربيه بارده يعنى ممكن ادور العربيه 10 دقايق الصبح علشان تسخن وقبل ما اركب العربيه اسمع صوت المراوح (شكبت فى موضوع ثرموستات الحراره فى كوعه الميه ولغيته لحد ما اتأكد)
اوقات الاحظ ان درجه الحراره فى العداد اعلى من الطبيعى والمراوح فاصله اشوف العربيه الاقيها سخنه بس مش لدرجه الغليان (بعرف من ضغط الخراطيم الواصله للريدياتير وفى مره فعلا فتحت الريدياتير علشان اتأكد)
ده ممكن يكون عيب ايه علشان انا اتجننت وبفكر فيه كتير وعاوز احله بنفسى

رأيي : إنك تروح للتوكيل عشان يتم الكشف عليها بجهاز التشخيص consult
وده عشان الجهاز فيه طريقة لإختبار المروحة كنت شفتها مرة من زمان
(من خلال الجهاز بيقدر يطفي المروحة / أو يشغلها على السرعة البطيئة / أو السرعة العالية)
وبالتالي بيعرف إذا كان في أحد الريليهات Relays بايظ أم لا..
وكذلك بيشوف إذا كانت مسجلة error أو في مشكلة في حساس الحرارة أو غيره اللي ممكن يؤثر على دورة التبريد.
واتاكد ان وصلات الكهربا اللي رايحة للمروحة سليمة وراكبة كويس .. (لإنك غيرت الردياتير سابقا)

بالنسبة لثرموستات الكوعة .. لازم تركبه تاني
لو في مشكلة في دورة التبريد لازم تعالجها .. لكن شيلان ثرموستات الكوعة ده مسكن مش علاج.

المشاركة الأصلية كتبت بواسطة wesam_salom

1 ايه المسئول عن عداد الحراره فى التابلوه (ساعه الحراره ولا الكمبيوتر ولا له شىء تالت) لانى شكيت فى عداد الحراره
ساعة الحرارة coolant sensor
2 ايه المسئول عن تشغيل المراوح يعنى فى العربيات القديمه كان فيه ثرموستات فى الريدياتير ده مش موجود فى الصنى
فعلا في العربيات القديمة كان ثرموستات كهربي راكب في الردياتير وكنت تلاقيه بيشتغل 82/67 درجة مئوية مثلا.
أما عندك في الصني المسئول عن تشغيل المراوح 2 أو 3 ريليهات في علبة الريليهات جمب إربة الميه.
3 غالبا العربيه بتسخن والمراوح مبتشتغلش وانا ماشى فى الزحمه يعنى ار بى ام قليل وفعلا العداد بيرفع فوق كتير مجرد ما الطريق يفتح وادوس بنزين الاقى العداد نزل بسرعه جدا كأنه كان مهيس ورجع لوضعه الطبيعى فى خلال ثوانى
يمكن ريلاي السرعة العالية للمراوح مش شغال.. والله أعلم.

الغريب برضه ان انا كمان ممكن بتحصل لعربيتى نفس الموضوع بس بتحديد اكتر :
الطبيعى ان المراوح بتشتغل على النص بالضبط بس اوقات بالاقيها بتشتغل قبل النص بشويه و بعدين بتفصل لوحدها و اول ما توصل للنص تشتغل طبيعى
ممكن يكون السبب ايه؟
مستنى ردودكم
و الف شكر ليكوا