ممكن اعرف ايه هيا الحاجات الغير مشموله في الضمان بعد 10000 كيلو لاني ساعات بسمع ان الطنابير مش مشموله و كدا :O_stupid[1]: فكل الي يعرف الحاجات الي مش مشموله بالضمان يكتبها و بتخرج من الضمان بعد اد ايه :11:
عرض للطباعة
ممكن اعرف ايه هيا الحاجات الغير مشموله في الضمان بعد 10000 كيلو لاني ساعات بسمع ان الطنابير مش مشموله و كدا :O_stupid[1]: فكل الي يعرف الحاجات الي مش مشموله بالضمان يكتبها و بتخرج من الضمان بعد اد ايه :11:
بص يا احمد
كل ماهو استهلاكي وبتغيره دوريا حتي لو مفيش مشاكل في العربيه هو بره الضمان وما يخرج عما سبق فهو في الضمان
زي التيل والسيور و البوجيهات و الفلاتر و السوائل و الترصيص وضبط الزوايا .........واللي يعرف حاجه يزودها
مع العلم ان الحاجه دي لما بتتغير بتخش فتره ضمان جزئيه تاني يعني لو لسه مغير سير واتقطع يبقي عليهم طبعا وما ينجم عنه من مشاكل طالما مغيره ف يالتوكيل
الطنابير فيها اقاويل مش هقدر احدد لان في ناس غيرتها في الضمان وناس بره الضمان
الظريف ان في حاجات عليها ضمان ممكن متبقاش معروفه زي البطاريه والكاسيت والكاوتش والدهان
انا الي اعرفه ان اي حاجه بره الضمان هي الي مكتوبه في كتيب نيسان بتاع الصيانه في الجزء بتاع غير مشمول بالضمان غير كده ماليش دعوه
متابع بإهتمام شديد
يا باشمهندس انت شاغل بالك ليه بالضمان
اى حاجة تضايقك فى العربية اطلع بيها ع التوكيل وريح دماغك
عشان سمعت ان الطنابير بتاعة الفرامل بعد ال 10000 خارج الضمان و ده مش مكتوب في دليل الصيانه و كمان لو ان مبغيرش التيل في مواعيده يبقى حقهم لكن لو الصيانات في مواعدها و مبفوتش واحده و الطنابير تبوظ و يقولي خارج الضمان يبقى ايه !!!!! زي الاخ بتاع كاوتشات تراب المساعدين دي مش مذكوره في غير مشمول بالضمان في الكتيب و مش مسئوليته و لا اهمال منه انهم باظو
و الصراحه حاسس بتخريف طنابير عندي و رجه لما ادوس فرامل ف عاوز اعرف
فحبيت اعمل موضوع عشان عاوز توضيح رسمي للغير مشمول بالضمان عشان برضه الواحد يعرف الي ليه و الي عليه
ما تقلقش نفسك اوى كده
انا عامل 56000 كم دلوقت والحمد لله لسه ما غيرتش تيل قدام ولا ورا وكل صيانة بينضفوها وخلاص من التراب ولو فيها مشاكل كانوا قالولى
اما كاوتشات المساعدين فدول طبعا مش هايبوظوا مثلا من الركنة اكيد من المطبات وسوء الاستخدام والذى منه وانا غيرت الامامية بعد ما لبست فى مطب على سرعة 50 كم والفرامل قفشت منى والتكلفة كانت 300ج فى صيانة ال40 الف كم
ومعلومة ع الماشى كده لو لا قدر الله عندك عيب فى المساعدين وتم الكشف عليهم ووجدوا ان المساعدين الاماميين او امامى وخلفى جهة اليمين او الشمال يعنى فى ناحية واحدة يبقى التغيير على حسابك لسوء استخدام نتيجة مطب بسرعة عالية انما لو مساعد واحد لوحده بايظ يبقى عيب صناعة ويتغير فى الضمان
كاوتش التراب