الموضوع: تقرير عن صيانة 5000 لصني 2010

زي مانتم شيفين اسم العنوان هتلاقوا إن العربية بقالها مايقرب من سنتين .. أنا طبعا ساعتها مكنتش اعرف حاجة عن المنتدى الجميل ده .. فـدلوقتي حبيت إني اكتب تجربتي مع الصني في عدة صيانات مع إنهم قدام شوية بس عشان حبايبنا يستفادوا و
هم صيانة 1000 تمت وعملت تقرير بيها وهو
http://www.nilemotors.net/Nile/258125-2010.html
و 5000 و 10000 و 15000 .. و قريب إن شاءالله هاعمل لسة صيانة 20000 ..
نيجي بقى للجزء الثاني للصيانات عربيتي صيانة 5000 بتاريخ 17.12.2010 ....

ما قبل الصيانة ..

وعدوا بقى يا جماعة 5000 من عمر عربيتي و وعاده سبحان الله بسرعة ساعتها عملت 5000 كيلو في 3 شهور .. طبعا العربية في آخر شهر حست إن صوتها علي .. طبعا ساعتها خدت العين وازاز العربية اللي ورا اتكسر وده بسبب ربنا يبعدوا عنكم إني جنبي مدرسة وفيها عيال ربنا مايوريكم أساتذة في رمي الطوب وسرقة العلامات .. والحمد لله عملت الازاز بره بـ 250 جنيه التوكيل طبعا عشان بـ600 جندي .. الحمد لله برده كل العلامات اتسرقت من الاكصدام لاكصدام .. بعديها على طول رحت التوكيل عشان اعمل الصيانة ...

مرحلة الصيانة ..

دخلت العربية .. وقابلني المهندس صاحبي وقال لي فين العلامات .. قلتله كلتهم القطة هههههههههههههه .. قال لي معلش .. وقال لي لو عايز علامة قدام بس قال لي بـ 90 جندي قلتله إن شاء الله معناها اتركبت هتتسرق تاني .. راح مات من الضحك ههههههههههه .. المهم قال لي عايز زيت 10000 ولا 5000 .. قلتله 10000 عشان صوت الموتور مش عجبني واكيد بسبه .. وقال لي في أي ملاحظات قلتله سلمتك ..

بعد الصيانة ..

العربية في خلصت في ساعة ونص لحظه إن كل مرة بتزيد نص ساعة ههههههههههه .. المهم كل حاجة اتعملت الحمد لله .. وجه وقت الحسااب ..

الحساب ..

حسبت أنا بقى على

75 جنيه صيانة 5000
195 جنيه زيت موبيل 1
50 جنيه فلتر
10% ضريبة مبيعات . 32 جنيه
10 جنيه خدمات
=
362 جنيه فقط لاغير

نفسي اعرف ليه بيكتبوا جملة فقط لاغير ديه بتغيظني اويييي هههههههههههه ..

تجربة العربية ..

حسيت إن العربية مرتاحة اويييييييي بدرجة مش معقولة .. ملهاش صوت خالص .. وكأنها نيمة على ريش نعام .. بقت بتجري عن الأول .. لكن الباقي كله زي ما هو كويس ...

احب أكون خدمتكم بتقريري ده ...