عاوز اعمل رخامة حوض المطبخ

**mrghost** · 24-11-2011 09:29 PM

السلام عليكم ورحمة الله وبركاته
كنت عاوز اعرف النوع اللى ممكن يتعمل بيه الرخامه اللى فيها حوض المطبخ علما بأن ابعادها 2 متر * 65 سم وياريت لو حد يعرف الاسعار والمصنعيه

**smsm2015** · 24-11-2011 09:37 PM

جرانيت انسب حاجة لرخامة المطبخ ..

**chicobon** · 25-11-2011 12:09 AM

الجرانيت اكيد انما نصيحة بلاش و ركب حوض استنلس انضف احنا عملينها في البيت و الميه بتنزل علي الارض عشان مافيش تصفيه ليها و هتلاقي الدنيا غرقانة ميه ديه نصيحتي

**mrghost** · 25-11-2011 07:16 AM

الف الف شكر على الردود بس بالنسبه لحكايه الاميه بتيجى منين معلش مش فاهم قصدك لو الحاجه اتحطت على الرخامه بعد الغسيل؟

**chicobon** · 27-11-2011 11:49 PM

المشاركة الأصلية كتبت بواسطة mrghost

الف الف شكر على الردود بس بالنسبه لحكايه الاميه بتيجى منين معلش مش فاهم قصدك لو الحاجه اتحطت على الرخامه بعد الغسيل؟

وانت بتغسل اي حاجة مواعين و كده طبيعي الميه بترطش حوالين منك الجرانيت ده بقي مالهوش مكان ينزل المياه يقوم ايه يتلم حوالين الجناب و هتلاقي الميه بتنقط من الجنب نصيحة بلاش و عن تجربه الاستنلس افضل

**أبو صلاح** · 28-11-2011 08:59 AM

بص ياباشا انت ممكن تبدا من رخامة خلالة بأنواعها بداية من 90ج
لحد لما توصيل الجرانيت وهتسمع اسعار فلكية تعدي 800ج للمتر المربع

انا عن نفسي رحت جيبت رخامة اسمها جلالة فص دي اعلى انواع الجلالة (على حد معلوماتي) وكان فيها فصوص على لون محمر مفس لون الاوميتال اللي عندي فعجبتني واشتريتها
وحاول لما تتفق اتفق بالمصنعية والمشال وكله علشان وقت التركيب ممكن الصنايعي يطلع عينك بطلباته

علشان المياة ماتقعش على الارض هم بيعلوا جنب الحيط شفة عالية 5 سم او اكتر حسب طلبك وبيعملوا من بره شفة 2 سم وبتتشطف علشان متعورش اللي واقف
اهم شيء يقفل بالسيلكون الشفاف بلاش الابيض علشان متلاقيش لون مختلف عن الرخامة وخد بالك من الفروق بي الرخام وبعضة وبين الرخام والحوائط

**أبو صلاح** · 28-11-2011 09:08 AM

دي صورة تبين الشفة ال 5 سم بجانب الحوائط

**MohssenRashed** · 28-11-2011 09:14 AM

انا مركب عندي دبل بلاك و عامل الشفه اللي ابو صرح بيقول عليها و مفيش مشاكل.

اهم حاجه: تتفق مع الصنيعي على كل حاجه و متخليهوش يفتح مكان الحوض جوه الشقه عشان الشقه كلها هتتبهدل, يايجبها مقطوعه او يقطععها على السلم او البلكونه انت مش متخيل الرخام و هو بيتقطع بيعمل ايه.

**أبو صلاح** · 28-11-2011 10:04 AM

المشاركة الأصلية كتبت بواسطة mohssenrashed

انا مركب عندي دبل بلاك و عامل الشفه اللي ابو صرح بيقول عليها و مفيش مشاكل.

اهم حاجه: تتفق مع الصنيعي على كل حاجه و متخليهوش يفتح مكان الحوض جوه الشقه عشان الشقه كلها هتتبهدل, يايجبها مقطوعه او يقطععها على السلم او البلكونه انت مش متخيل الرخام و هو بيتقطع بيعمل ايه.

مين أبو صرح ده ؟

بالنسبة لفتحة الحوض دي للاسف لازم تتفتح بعد لما الرخامة تتثبت (على حد كلام كل الصنايعية اللي رحتلهم) وده علشان يظبط موقع الحوض كويس على الطبيعة بعد تثبيت الرخامة

هي بتعمل عفرة غبية بس لابد منها

لو صنايعي وافق يعملها عنده في الورشة هتوديله الحوق ويكون واخد مقاسات كويس
بس الصنايعي هيخاف يعملها لان لو فرقت معاه ممكن يلبس هو الرخامة كلها

**MohssenRashed** · 28-11-2011 10:27 AM

المشاركة الأصلية كتبت بواسطة أبو صلاح

مين أبو صرح ده ؟

بالنسبة لفتحة الحوض دي للاسف لازم تتفتح بعد لما الرخامة تتثبت (على حد كلام كل الصنايعية اللي رحتلهم) وده علشان يظبط موقع الحوض كويس على الطبيعة بعد تثبيت الرخامة

هي بتعمل عفرة غبية بس لابد منها

لو صنايعي وافق يعملها عنده في الورشة هتوديله الحوق ويكون واخد مقاسات كويس
بس الصنايعي هيخاف يعملها لان لو فرقت معاه ممكن يلبس هو الرخامة كلها

أبو صلاح ( اسف ياباشا غلطه مطبعيه).

كلامك 100% بس موضوع مقرف العفره دي . و فعلا عندي مرضاش خاف تكسر منه و مرضاش حته يقطعها في البلكونه.

انا قولت احذر صاحب الموضوع بس.