الموضوع: حدث فى الطائرة

المشاركة الأصلية كتبت بواسطة sab3aawy

حدث اليوم اثناء رحلة العودة الى القاهرة على احدى الطائرات ، احدى المضيفات كانت تتعامل بعجرفة مبالغ فيها مع كل ركاب الطائرة اثناء شغل المقاعد وترتيب الحقائب، وقامت بتوجيه احد الركاب بأسلوب اقل ما يقال عنه انه تعدى حدود الخروج عن الاحترافية الى الخروج عن اللياقة العامة، وقام الراكب بالرد عليها بان تتحدث اليه بأسلوب مناسب، فما كان منها سوى ان ذهبت للشكوى لقباطنة الطائرة، وبعد الاقلاع فوجئنا باحد الطيارين صغير السن يتوجه للحديث مع الراكب المذكور وظننا انه جاء اللاعتذار، فاذ به يتحدث مع الراكب بمنتهى العجرفة ويهدده بأنه ان لم يقم بالاعتذار للمضيفة فسوف يقوم بتوجيه تحذير مكتوب له ويتخذ اجراء ما، وفى خطوة تحسب لركاب الطائرة الذين اثبتوا لى ان المصرى تخلى عن فكرة(وانا مالى) رددنا جميعا على الطيار بأن الراكب لم يحطئ وأن المضيفة تعاملت معنا جميعا بعجرفة، فتحدث معنا بأسلوب يقطر غرورا وتركنا وذهب الى كابينة القيادة، وبعد قليل وجدنا كبير قباطنة الطائرة ،رجل كبير السن والمقام واشهد له بالأدب الجم بالتوجه الى الراكب ومحاولة لم الموقف، لكن الراكب تمسك بحقه، الى هنا وتصورنا ان الموقف انتهى، لكن بعد هبوط الطائرة -الذى كان جافا جدا برغم هدوء الجو خارج الطائرة-بشكل لا ادرى ان كان متعمدا لتأديبنا او غير مقصود،حتى ان الطائرة لامست الأرض وهى مائلة قليلا على احد الجانبين -بدأنا الخروج من الطائرة، واذ بعدد يزيد عن العشرة من موظفى المحطة من شركة الطيران بهم عدد لا بأس به من ضخام الجثة قد احتشدوا امام باب الطائرة فى الأنبوب الناقل وبمجرد خروج الراكب صاحب المشكلة حاولوا احتجازه واعتقاله ومدوا يدهم عليه وحاولوا إيذائه، فى موقف يدل بوضوح على ان الطيار صغير الن قام بتصعيد المشكلة فى محطة الوصول من خلال اجهزه الاتصال مع العلم ان الموقف داخل الطائرة لم يتعد ارتفاع الأصوات دون اى كلمة خارجة ودون اى تصرف يؤثر على الرحلة-بأى وجه حق لا أدرى، ولولا اننا تجمعنا جميعا حول الراكب واصررنا على انه أما نحن جميعا معه او لا أحد سوف يتم احتجازة وصنعنا حوله درعا بشريا لما تمكنا بالخروج به من ايدى هؤلاء حتى خارج المطار، هذا ما حدث اليوم ولا ينفى ان هذه هى المرة الأولى التى اشاهد فيها موقفا كهذا من الشركة التى تعاملت معها العديد من المرات كلها مشرفة، ولا ينفى الأدب الجم والتفانى فى العمل لموظفى محطة الركوب، وكذلك نضوج كل من كبير قباطنة الطائرة وكبير طاقم الضيافة، اسم الشركة ورقم الرحلة وبطاقة الصعود والعديد من الشهود من الأصدقاء(كنا زملاء من شركات عديدة على رحلة واحدة لاداء احد الاعمال) موجودين معى للمرجعية

بس يا جماعة المشاركة مافيهاش حاجة تدل على إن الشركة المقصودة هي مصر للطيران؟؟؟ ولا كان فيه حاجة واتعدلت في المشاركة مثلا وأنا ماشوفتهاش

موقف مؤسف ومحزن لسه بدرى لحد مانفخر بأى حاجه مصريه ونثق فيها

حسبى الله

المشاركة الأصلية كتبت بواسطة eng\ahmed

هل حضرتك عندك دليل على الاهمال فى الصيانة ؟ , لو فى ممكن حضرتك تقدمة

بعد اذنك

هوة لية حضرتك ملتفتش لتعليقى على الاداء بتاع مصر للطيران و الى اعتقد انك متاكد انى مبفتريش عليهم و علقت على انى بتمنى ان الاهمال ميكنش طايل الصيانة مفيش تمنى بيتقدملة دليل

عند فساد راس الهرم ( اقصد راس الادارة و المتابعة ) يفسد الهرم باكملة - و من امن العقاب اساء الادب - و اعتقد ان فى ناس كتير قوى فى مصر دلوقتى آمنة من العقاب

تقبل تحياتى

المشاركة الأصلية كتبت بواسطة mohamed_selim

معلش انا بسافر بمعدل مره او مرتين كل سنه و عادة مواعيدى بتتناسب مع لوفتهانزا بس جربت السويسريه و اير فرانس و مصر للطيران و الاماراتيه كذا مره... شهادة لله مصر للطيران اتحسنت قوى ... لو هقارن الخدمات الارضيه مصر للطيران نمره 3 (بس مش سيئه ... مره كان فى ترانزيت وقته ضيقو شنطتى مرجعتش معايا من الجزاير و عملت محضر الساعه 7 مساء... على 11 صباحا تانى يوم كانو مبلغينى انها فى الجزائر و اتحملت على طيارة اليوم و رحت اخدتها على الفجر) ....
الاكل بلا منازع مصر للطيران احسنهم
الضيافه اتحسنت جدا ممكن احط الاماراتيه اول ناس بفرق كبير و يليهم لوفتهانزا و بعدها مصر للطيران بحاجه بسيطه و بعديها اير فرانس
الطيارين مفرقتش قوى ...

ممكن يكون فى تفضيل للكفاءات لخطوط معينه يعنى مثلا طيران اوروبا ال staff بتاعه مختلف عن طيران الدول العربيه مثلا و الله اعلم

اسمحلى يا فندم اختلف معاك

انا سافرت على air France و Royal Morocco و Kenyan airways و Turkish airways و للاسف بالنسبة للاكل مصر للطيران هى الاسواء لدرجة انى بطلت اكل فى اى رحلة لمصر للطيران من الى بحصلى بعد الاكل من تلبك معوى و خلافة

على فكرة انا بسافر دايما Business

اما الامتعة - كنت جاى من اوغاندا و كان فى رمضان و اصرو ان شنطيتى ضاعت من هناك و روحت من غير شنطيتى و لقوها اخر النهار - عارف لية - الباشوات مكسليين يفرزو الشنط كويس خاصة كان فية ركاب ترانزييت كتير على الطيارة و رمضان بقى و كل سنة و انت طيب
اصلا هوة نزل على السير حوالى 8 شنط فى ساعة الا ربع

بصراحه أنا سافرت على مصر للطيران مرتين تلاته و حرمت بعدها. الخدمه سيئه و الطياره لازم تتاخر و مفيش اعتذار على التأخير و المضيفات عاده بيكونوا قالبين وشهم و مش طايقين نفسهم مش عارف ليه، الاكل بارد و طبعا الانجليزى بتاع الطاقم كله بما فيهم الكابتن. All English all the times و بتبقى فقره تريقه محترمه على اللغه خاصه لو كان فى أجانب على الطياره واحيانا بيعرضوا حاجات السوق الحره على الطياره بطريقه شبه البيع فى الاتوبيسات

و على فكره الوضع ده شفته خلال الرحلات للدول العربيه اما اوروبا و امريكا فالوضع بيكون افضل شويه لكن برضه اقل من الشركات التانيه و مفيش سبب واضح . هو الوضع كان اتحسن كتير بعد الثوره لكن مع الاسف بعد شهرين تلاته رجعت ريمه لعادتها القديمه