هل ده عيب بطارية ولا عيب اخر فى الكهربا ؟

السلام عليكم
العربيه بقالها كام يوم (اكسيل 1500 مانيوال مو 95 )
اجى ادور الصبح لا حس ولا خبر
مسمعش صوت الكونتاك ولا المارش
او بالكتير صوت ترترترتر (( والغريب ان الكاسيت اشغله يشتغل وصوت الريموت والسرينه عالى ))
خبط على القطاطيش بتاعت البطارية
دورت واشتغلت
روحت لبتاع البطاريات قاسها قالى كوسه
وحطلى عليها مياه سخنه قالى كانت متأكسده بس ( كان عليها تمليحه بيضا وحوالين اقطاب البطارية نفسها كنت بلاقى مادة بسيطه كده لونها نبيتي وبكمية قليله )
واشتغلت كويس يومين
وجيت فى يوم ادور الصبح الاقى نفس النظام اخبط على القطاطيش تشتغل
وفى نفس اليوم بطلت 5 دقايق وجيت ادور عملت نفس الحركه
فروحت للكهربائي قالى نفس الكلام
وفك القطاشين وصنفرهم وصنفر اقطاب البطارية وحط شحم عليهم من بره قالىعشان ميصدوش او يتأكسدوا تانى وسالته هل في شئ تانى بيعمل كده قالى لا
المهم تانى يوم عملت تانى الصبح وخصوصا وهى بارده
هل ده عيب بطارية ولا عيب اخر فى الكهربا ؟
مع ا لعلم البطارية جديده من شهرين فقط اى سي ديلكو جافه ودينامو جديد كمان
نرجو الافاده العاجله من فضلكم
وشكرا جزيلا

ساعات ياباشا الكهربائيه ما بيربطوش الاطاش كويس يعني تهزه بايدك تلاقيه بيتهز معاك فحاول تربطه كويس

اقتباس:

---

المشاركة الأصلية كتبت بواسطة ahmedomran

ساعات ياباشا الكهربائيه ما بيربطوش الاطاش كويس يعني تهزه بايدك تلاقيه بيتهز معاك فحاول تربطه كويس

---

شكرا لاهتمامكم
وساعات تشتغل لوحدها من غير ما اخبط على القطاش او اهزه حتى
هل ده له علاقه بالريلاي او الكتاوت
ولا له علاقه بالقطاش وكابلات الارضي مثلا
ولا البطاريه
ولا ده مجرد ربط القطاش زى ما حضرتك تفضلت
وشكرا جزيلا

هو وداها للكهربائي مرتين يعنى اكيد قرطو جامد ولو هزها اكيد مش هتتحرك
اكيد المشكلة ف حاجة تانية

عندي نفس المشكلة، البطارية تمام و كل الكهرباء في العربية بتشتغل إلا لما أجي أدور!
لو لقيت حل للمشكلة ياريت تفيدنا :-)

اقتباس:

---

المشاركة الأصلية كتبت بواسطة ahmedsamy

عندي نفس المشكلة، البطارية تمام و كل الكهرباء في العربية بتشتغل إلا لما أجي أدور!
لو لقيت حل للمشكلة ياريت تفيدنا :-)

---

الكهربائي قالى عاوز تعمل كتاوت تقوية للمارش بدل ما تغير مارش
بس انا لسه معملتش اللى قالى عليه
متابع معاكم
وشكرا

القواطيش الي عندك نحاس ام رصاص لو نحاس غيرهم بقواطيش رصاص

اقتباس:

---

المشاركة الأصلية كتبت بواسطة tarek_2005

القواطيش الي عندك نحاس ام رصاص لو نحاس غيرهم بقواطيش رصاص

---

+11111111111