-
هوه المرور لسه كده ؟!!!!
مطولش عليكو انا اخويا الصغير عايز يطلع رخصه قيادة:tank: المهم انا طبعا استرجعت ذكريات تطليع الرخصه بتاعتى وتذكرت اختبار الاشارات وبعديه اختبار القياده وحكيت لآخويا على الخطوات طبعا الكلام ده كان من 9 سنين لقيت اخويا بيفأجنى بأن الوضع اختلف وان اختبار الاشارات اصبح عن طريق الكمبيوتر ومبقاش اشارات بقى اسئله عن مواقف ممكن تتعرض لها اثناء القياده وبيشوفو رد فعلك فى وقتها ايه وقالى كمان ان التسقيط بيبقى فى الاختبار ده وقالى ان اصحابه كلهم سقطو فى الاختبار ده وانهم دفعو رشوه علشان يعدو من الاختبار ده ولقيتو بيقولى ان فى واحد صاحبه يعرف ظابط فى المرور قاله هيبعتو لواحد جوه فى المرور بتاع فيصل وهيعديه من الاختبار .فبسال اخويا بحسن نيه وده فى مقابل ايه قالى ان الراجل الى جوه ده هياخد منه 100 جنيه ويعديه ومن غير ما يمتحن او حتى لو امتحن مش هيسقطوه. طبعا انا ثورت على اخويا وقولتله فلوس ايه الى هندفعها علشان تطلع رخصه قياده ومش هدفع رشوه وقولتله انى طلعت رخصتى فى ايام الكوسه بمجهودى ومن غير اى رشوه نيجى احنا بعد الثوره وندفع رشوه ...لأيه؟؟؟ قالى ان اختبار الكمبيوتر ده بيسقطو فى الناس وعلشان كده لازم ندفع علشان نخلص . وانا بصراحه مش عارف هل الكلام ده صح ولا اختبار الكمبيوتر ده سهل واصحاب اخويا الى سقطو فيه هما الى كانو تعبانين انا مش فرق معايا الفلوس على قد ماهو فرق معايا انى ادفع فلوس رشوه..انتو رأيكو ايه . تنصحونى اعمل ايه مع اخويا ادفعلو الفلوس ولا اخليه يروح يختبر وزى ماتيجى تيجى.
-
ههههههههههههه فكرتنى و الله ياباشا بايام الرخصه و بلاويها
انا احدث منك فى موضوع الرخصه لانى مطلعها من حوالى 6 سنين و كانت فعلا اختبار الاشارات ده كمبيوتر و على ايامي كان جهاز غريب كده يشبه الكمبيوتر و الكيبورد بتاعته عباره عن 3 زراير
بيجيلك على الشاشه سؤال من شاكله لو الرسمه ده شفتها معناها ايه و يديك 3 اختيارات و كل زرار باختيار
المهم يومها و انا بمتحن كنت رايح فارج صدري و عامل صايع بقى و بسوق قبلها بسنين بس كان ساعتها مش معايا عربيه و لما قررت و ربنا سبحانه اراد قلت اعمل الرخصه بقى
يومها كان المرور رايق و كنا حوالى 12 واحد بيمتحنوا اشارات و كنت اللى قبل الاخير
دخلت على الراجل قلتله صباح الخير
قالى ها هتعرف تجاوب و لا هتسقط زي ال10 اللى فاتوا
قلتله صباح النور عموما سيبها لله و هو قادر على كل شيء
قاتلى خش يا عم الصايع ورينى هتعمل ايه
قعدت على الجهاز و اتفرج بقى اكتر من 15 سؤال بسرعه بيتفروا قدامى و انا اجاوب
المهم قالى بعد ما خلصت ايه ده انت صايع بقى بجد و حليت 90% من الاسئله صح
طيب قولى بقى : و راح رازعنى كام سؤال اللى فاكرهم منهم
هو ايه فايده الدينامو ؟
ايه الفرق بين الاتوماتيك و المانيوال فى الدواسات ؟
و شويه اسئله كده على نفس النمط
جاوبته و ادانى الورقه و مشيت
لما طلعت من المكتب عنده لقيت الورقه مش مختومه وواحد ابن حلال قالى لازم يختمهالك فرجعت تاني ووقفت على الباب كده لحد ما الاخير يخلص عشان اعرف اكلم الباشا
لقيت الشاب التانى واقف قدام الراجل بيقوله ها بقى يا محمد بابا عامل ايه و اخباره ايه ؟
بعت معاك الامانه و لا هو هيدهالى ؟
قاله لا هو قالى روح لعمو و قوله انه هيكلمك لما انا اخلص و يقابلك على طول يديك الامانه
قاله طيب يا محمد انت طبعا عارف الاشارات
قاله اه
قاله مبروك انت جبت 100% اتفضل يا حبيبي الشهاده اهى جاهزه و تمام من الصبح
طبعا انت عارف الامانه ايه هههههههههههههههههههه
عرفت بعدها ان الامانه 50 جنيه كارت شحن من واحد معرفه فى المرور بعدها
بس انت دلوقتى صح و الله المستعان على البلد
-
الاشارات سهلة جداااااااااااا
انا مطلعها ف 7 اللى فااات ولا اى حاااجة عاوزة بس تبقى مركز و اتكل ع الله
هم 12 سؤال ع الكمبيوتر و تختار الاجابة الصح ( و موجودة الاسئلة ع النت) و كل سؤال مدة اجابة دقيقتين و اللى بيبقى جنبك مش بيتكلم معااك خااالص وليك تغلط ف سؤال واحد بس
و مش محتااج خاااالص اى رشوة ف الكمبيوتر ( يمكن اللى بيحتاج الرشوة ال جهلة او الاميين (مش بهين حد ولا حااجة) عشان يعدو
السواقة بقى هى المشكلة لو الثورة وصلت للمرور ده يبقى اخوك حينجح او يسقط ب مجهوده لو لأ يدفع 50 ج للى قاعد جمبو حينجح ع طوووول
-
مرور فيصل ب 100 جنيه بس دلوقتي ؟؟؟
حلاوتك يا ثوره :)
-
انا مطلع الرخصه شهر 8 الي فات ب 110 جنيه بالظبط الاوراق والرسوم ومنهم 20 جنيه فقط لاغير رشوه للي قاعد جنبي
لاني انصدمت لما لقيت الفرامل والدبرياج مش شغالين عندي اساسا !!
وامتحان الاشارات كان سهل جدا يعني مش محتاج رشاوي ولا حاجه
والسعر الي سمعتو قبل ما امتحن الاشارات كان 150 جنيه للأمين الي قاعد جنبك عند الكمبيوتر في امتحان الاشارات !!
( مرور ابيس , الاسكندريه )
-
انا امتحان الكومبيوتر دة دخلته و نجحت فيه ب 97% بسهولة جدا
الكلام دة كان في 2007
-
انا فاكر انى روحت مع عمى اعدت فى الاستراحه و الورق جيه و كولو تمام دخلت امتحن سقتنى علشان مش لبس الحزام و بسوق بايد واحده كنت داخل بي تيوتا كرولا مانويل
سقتنى روحت دافع 100 جنيه علشان يكتبنى غياب و جيت تانى يوم و نجحت
لا امتحانت كمبيوتر و لا اشارات ولا اى حاجه من الكلام ده
مرور مصر الجديده المجيد
-
ههههههههههههه صعب تلاقي واحد مطلع رخصه بمجهوده في البلد دي كلنا كوسه ياباشا
-
لا 100 جنيه ولا حاجه انا مطلعها بـ77 جنيه رسوم الامتحان و شكراا على كده
و كان امتحان الكمبيوتر قلبوه و عدوا الناس كلها منه و كله كان جاب 100% فى الكمبيوتر و على العربيه ركبت و الى جمبى قالى دوس دبرياج دوست قام هو ادى الاول و قالى امشى لقدام مقيش 3 متر كده و قالى اقف وقفت \قالى دوس دبرياج قام هو جاب مرشدير و قالى ارجع عدل زى ما انت رجعت و قال يلا تعالى بكرة استلمها و قد كان و الحمد لله
-
يعنى مفيش فايده فى البلد دى . وبجد ياريت امتحان السواقه ده يعتبر امتحان من اساسه انما حاجه كده مالهاش لازمه يطلع لآدام وبعدين يرجه بضهره تانى . يا سلااااااااااام هو كده بقى بيعرف يسوق؟؟؟ يالله الى عاوزه ربنا هيكون
Content Relevant URLs by
vBSEO 3.6.0 PL2