اعمل اية يا جماعة انا هتجنن ؟

**mido1234567890** · 25-11-2011 01:08 AM

بوسو الاول السلام عليكم
يا جماعا انا قربت اتجننالعربيات كتير اوى انا معايا فى حدود 100 الف و عايز اجيب عربية تكون الهورس باور عالى وتكون 1600 وتكو ثابتة على الارض وتكون موديل جديد شويه انا فاكرت فى opel astra gtc , enjoy بتاعتها mazda 3 2008 or kia cerato 2010 ساعدونى

**rompo10** · 25-11-2011 01:39 AM

بص ياباشا المازدا عربيه محترمه لكن قطع غيارها خرااااااااااب بيوت انا كنت هاجبها سالت علي الكبالن بس في التوكيل ب 13000 جنيه طبعا دا كلام فاضي سيبك منها ثانيا العربيات 1600يقولك 130 حصان عند 6500 لفه في الدقيقه طبعا دا كلام فاضي لان دا معناه ان 130 حصان مش هايبقوا شغالين الا عند 6500 لفه ودا مابيحصلش انت معاك 100000 بي ام 318 موديل 2000 او 2001 او باسات او هوندا سيفك وانا ارشح الهوندا وربنا معاك

**minicooper20** · 25-11-2011 01:47 AM

ماذدا 3 عربيه الانتا محتجها
العربيه من انتيمى اغلى حاجه غيرها كانت علبه الفيوزات ب 700 جنيه استيراد غير كده مشوفتش
و الله انا شايف بعينى قطع غيارها بالنسبه لانها معمره سعرها ممتاز جداااااااااااا
العربيه 2006 عمله 120 الف كيلو مجاش نحيه العفشه لحد دلوقتى والعربيه حرير

**madaxman** · 25-11-2011 02:26 PM

انا سمعت بردو ان المازدا قطع غيارها مولعه
لو غاوي تعديل وكدا ممكن تجيب لانسر وتسقطلها مكنه مايفك 2.4 سي سي مثلا
لو مش غاوي عليك وعلي الهوندا عربيات الله اكبر عليها

**mido1234567890** · 25-11-2011 03:25 PM

شكرا يا جماعه بس عايز رايك في اوبل استرا gtc وكيا سيراتو

**minicooper20** · 25-11-2011 05:14 PM

اوبل توكيل زباله و اعطال هلاميه تحس انك راكب وركبه فضائيه
السيراتو عفشه ناشفه و منتشره اوى

**mido1234567890** · 26-11-2011 11:53 AM

شكرا يا جماعة يعنى دلوقتى الواحد يدور على mazda ya honda ya bmw bas ana 3ayz 7aga tkon el hors power bta3tha 3lya shwaya 3an el cerato

**حماده المصري** · 26-11-2011 12:29 PM

بص انت لازم تستبعد الكوري كله بالمبلغ الي معاك ده ولا اي عربيه كوري تفكر فيها خالص

انت معاك دلوقتي مبلغ يوفرلك حاجتين ثبات وسرعه وممكن تستغنى عن وحده فيهم وهي السرعه انما الثبات معاك كده كده طول ما انت بعيد عن الكوري

ممكن جيتا او اوكتافيا طبعا ثبات ملوش حل انما سرعه مش جرايين بيجمعوا ببطء

معاك هوندا سيفيك وتويوتا كرولا جرايين جدا وثباتهم كويس جدا وخصوصا السيفيك

ممكن بقى تفكر في ليون يوزد بس هتبقى مانيوال

ممكن بقى 318 موديل 2000 يزيد او يقل موديل وحسب الحاله

المازدا مستبعده لانها مش جرايه وقطع غيارها هبل مع اني بعشق العربيه دي فعلا سواقتها ممتعه فوق الوصف

اوبل طبعا جميله اوي اوي بس التوكيل برضو هلاس شويه

انا بشرحلك هوندا او كورولا والاتنين عكس بعض وحده واطيه وعفشه ناشفه اوي وثابته جدا
والتانيه عاليه شويه وعفشه انعم عفشه في العالم فعلا وثباتها برضو جميل
والانين مواتيرهم زي بعض في الغالب