فى البداية نستبعد الميكانيكى اللى قال لك كاوتش صباب لأنه مبيفهمش حاجة
كاوتش الصباب ممكن يؤدى الى خروج دخنة مزرقة من الشكمان لكن عمره ما يخلى الزيت يطلع من خرطوم الفايض الى العمة
الزيت من خرطوم الفايض معناه حاجة من اتنين، اما ان الشنابر كبسها اصبح ضعيف وبالتالى الضغط بيهرب من حيز الحريق الى حيز الزيت فى غرفة الكرنك ولا منفذ له بالتالى غير من خرطوم الفايظ، وطبيعى ان الخليط الساخن جدا هيبخر معاه كمية من الزيت الموجود فى غرفة الكرنك وياخده معاه من خرطوم الفايظ الى العمة
او ان الزيت اللى انت بتستعمله الflash point بتاعته منخفضة وبالتالى بيتبخر مع حرارة المحرك
هناك تجربة بسيطة جدا
غير نوع الزيت الى نوع زيت ثقيل ذو نقطة تبخر مرتفعة، وانا اقترح عليك شل x100
وبعدين نضف العمة وراقب بخر الزيت
لو البخر راح يبقى فعلا مشكلة زيت
لو مراحش بيقى انت محتاج طقم شنبر