كلاكيت لانوس 2 - 2006 أول مرة

**i_samy** · 25-11-2011 08:05 AM

صباح الخير
خلونى أبدء من الأول
أنا كنت راكب 128 موديل 2000 -- أول عربية فى حياتى -- شوفت معاها أيام حلوة وهنية -- وشهور منيلة بستين نيلة - لمدة 6 سنين -- والحمد لله ربنا وفقنى وبعتها مع إبراز عيوبها للى هايشتريها
-- وقررت شراء سيارة أخرى بسرعة عشان سكنى فى مكان بعيد شوية داخل 6 أكتوبر ولازم عربية

فعرض عليا والدى شراء سيارة أخى إللى كان فعلا عاوز يبيعها ويجيب بروتون جين 2 - 2012 --- وبالفعل إشتريت السيارة إللى نوعا ما أنا عارف تاريخها فى الصيانة الدورية فى توكيلها فى البداية ثم فى مركز الصيانة (فرست كار) -- وكانت كل التقارير الصادرة عن المركز تفيد بما تم تصليحه أو تغييره وحالة العربية الممتازة .................... ولكن

بعد ما أستلمت العربية من فرست كار
غيرت مساعدين
غيرت إسطوانة وديسك وبلية
غيرت زيت فتيس
وأخيرا
طلعلى حاجة إسمها ماستر علوى (أنا معرفش ده يعنى إيه) - لإن إمبارح عملية نقل الغيارات كانت ناشفة وصعبة جدا -- دا غير إنى لما ركنت شوية وجيت أركب وإدور -- لاقيت الفتيس آفش على الآخر ومش عاوز يتحرك من مكانه ولما آجى أدور العربية وأدوس دبرياج بس (بدون غيار لإن الفتيس آفش) العربية بتمشى - فجالى ميكانيكى وقالى لو حصل تانى كاريك للدبرياج علشان يفك وهاتلاقى كل حاجة رجعت زى ما كانت دا غير إن الماستر العلوى للدبرياج عاوز يتغير

ياترى هل ده صحيح ولا لأ؟

**i_samy** · 26-11-2011 01:58 AM

شكرا لكل من إهتم بالرد عليا

الموضوع طلع ماستر سفلى

شكر لكم :(

**ahmed_mido1889** · 26-11-2011 02:14 AM

اعذرني يا باشا لسه شايف الموضوع حالا

بس هو دي مساتر الدبرياج اللي بتنقل الحركه من الدواسه للفورش

**zocor742** · 26-11-2011 07:34 AM

مبروك ياباشا

**i_samy** · 27-11-2011 04:53 PM

كلاكيت تانى مرة
روحت للميكانيكى بتاعى فى 6 أكتوبر لما حسيت إن الميكانيكى إللى فى الهرم عمال يمطوحنى
بعد ماتم حل كرتيرة زيت الفتيس وإتغسلت كويس جدا وجبنا جيوان جديد مع أنبوبة سيليكون إسود وإشتريت زيت فتيس 2 كيلو شيل 90 --- وجدت إن الكرتيرة برضه بتنقط زيت ولا أعلم (ليه) -- دا غير إن الميكانيكى قالى إن الزيت ده ممكن يكون جاى من الفتيس نفسه من جوه (أنا مش فاهم حاجة) -- بس بصراحة الراجل ده عمره ما ضحك عليا فى شئ -- أنا راجع مركز الصيانة تانى يوم الأربع لأنى حاسس إن الموضوع كبير ------------- بس كنت عاوز خبرائنا فى الدايو لانوس يقولولى هل التشخيص ده سليم ولا ممكن يكون حاجة تانية مع العم أننى لا أبخل أبدا على سيارتى مهما كان نوعها ولكن أحب أعرف إذا كانت حاجة هايفة ولا كبيرة --------- ياريت تردوا عليا المرة دى

**tarek_2005** · 28-11-2011 12:12 AM

احتمال كبير الفورش عايز يتغير او الديسك وموضوع نتسريب الزيت عيب صنايعي لابد من تغيير الصنايعي وخلي بالك لتحرق الفتيس لو نشف الزيت جواه من التسريب ده يجب مراجعة زيت الفتيس وعدم السير بالسيارة الا بعد حل موضوع تسريب الزيت اياً كان زيت فتيس او موتور المهم انه لا يبقي تسريب الزيت بدون حل لانه روح الموتور والفتيس الزيت وانتا كدا بطلع روحهم

**i_samy** · 30-11-2011 11:22 AM

شكرا لكل من ساهم برخبرته فى تلك المشكلة .... لكن رأى ميكانيكى 6 أكتوبر كان هو الصحيح
المشكلة أولسيل الفتيس هو المسئول عن التسريب وليست الكرتيرة ..... أنا الأن فى فرست كار منتظر خروج السيارة