حل الي كل من يمتلك مساعدين في شنطة السيارة و المساعدين تلفت

بسم الله الرحمن الرحيم
السلام عليكم و رحمة الله و بركاته


طبعا اغلب العربيات الحديثة و خاصة الهاتش باك بيكون فيه في الشنطة 2 مساعدين عشان الشنطة تفتح للأخر
مع الوقت بنلاقي الشنطة مبقتش تفتح زي الأول بمعني
ان لما تيجي تفتحها ع الاخر تلاقيها نزلت فوق دماغك و مش بتمسك

و انا طبعا جالي صداع من كتر ما نزلت فوق دماغي :banzai:

و طبعا اول ما تقول الكلام ده لأي واحد يقولك المساعد خلاص باظ روح جيب واحد جديد و تلاقيهم بــ200 جنيه و يمكن اكتر في حتتين حديد ملهمش لازمة من وجهة نظرك

فلتوصلت لحل للموضوع ده معرفش اذا كان حد عمله قبل كده و لا لأ
لكن قولت اقولكم عليه

جبت الزرادية و فتحت الشنطة ع الاخر و جيت عن طرف المساعد و قرصت حاجة بسيطة ع المساعد بس قرصة خفيفة عشان المساعد ميكسرش او يقفل اوي فالشنطة متتفتحش

و ده صورة للمكان اللي قرصت عليه بالزرادية فوق

http://img228.imageshack.us/img228/3976/99577173.jpg

و بكده الشنطة رجعت تفتح عادي زي الأول بدون ما تنزل ع دماغي تفرتكها كالمعتاد :nemoflow:


و فيه فكرة بقي لو حبينا الشنطة تفتح ع مرحلتين او تلات مراحل


لو مرتين هنقرص ع المساعد من الطرف فوق زي ما عملنا و هنقرص في الوسط بكده هتفتح ع مرتين


لو حبينا ع 3 مراحل
يبقي عند الطرف فوق و عند الطرف تحت و في الوسط


يلا كل واحد بقي محتار في الموضوع ده و زعلان ع الشنطة اللي بتنزل كل ما يفتح يعمله و يقول ايه الاخبار

بس بنبه للمرة التانية
خلي بالك بدل ما تكسر المساعد و تيجي تقول اكسل هو السبب
تدوس سنة بسيطة اوووووووووووووي ع المساعد يعني تكاد تكون لا تذكر


و بالتوفيق ان شاء الله

شكرا علي المجهود ياباشا

ماشى يا إكسيل لما أشترى عربيه ..هبقى أجرب

حط ايد مقشه وخلاااااص
ههههههههه

طيب انا مش فاهم القرص ده بيعمل ايه ؟؟

هو المساعد ده بيبقي زيت ؟؟ ولافكرته إيه.......ومافيش حد بيصلحه طيب ولاإيه..؟....أنا شفت ناس بتخرم المساعد وتحط مسمار .....بس الحل بتاعك أعتقد أحسن لو الناس نفع معاها........................................ بالمناسبه مبروك لقب ناشرصحفي أول مره أشوفها.......الأرباح بالنص بقي ..........أيوه بتبصلي ليه مش أنا اللي وصيت عليك.........‏

بصراحة دى مشكلة عندى من يوم مااشتريت العربية بس البية الميكانيكى عمل حل خلى المساعد من المساعدين يفتح على الآخر وراح مدية بونطة لحام وثبتة يعنى لما افتح الشنطة اربط الساعد مكانة ولم اعوز انزلها افق المساعد من مكانة....*

هي الشنطه مبتقعش علي دماغي ماسكه نفسها في كل المستويات ..

بس المشكله أول ما بفتحها مبتفتحش لوحدها لازم حد يرفعها ، ودي حاجه رخمه مع الفتح من داخل العربيه

اقتباس:

---

المشاركة الأصلية كتبت بواسطة rompo10

شكرا علي المجهود ياباشا

---

نورت يا ريس :)

اقتباس:

---

المشاركة الأصلية كتبت بواسطة tarekzein

ماشى يا إكسيل لما أشترى عربيه ..هبقى أجرب

---

ان شاء الله :)

اقتباس:

---

المشاركة الأصلية كتبت بواسطة elawany13

حط ايد مقشه وخلاااااص
ههههههههه

---

لأ كنت باستخدام عصاية الكوريك ههههههههه

اقتباس:

---

المشاركة الأصلية كتبت بواسطة ganash

طيب انا مش فاهم القرص ده بيعمل ايه ؟؟

---

بتقفل ع الجزء المتحرك لما يطلع فبيمسكه شوية في المساعد بدون ما ينزل تاني :)

اقتباس:

---

المشاركة الأصلية كتبت بواسطة Taiwo

هو المساعد ده بيبقي زيت ؟؟ ولافكرته إيه.......ومافيش حد بيصلحه طيب ولاإيه..؟....أنا شفت ناس بتخرم المساعد وتحط مسمار .....بس الحل بتاعك أعتقد أحسن لو الناس نفع معاها........................................ بالمناسبه مبروك لقب ناشرصحفي أول مره أشوفها.......الأرباح بالنص بقي ..........أيوه بتبصلي ليه مش أنا اللي وصيت عليك.........‏

---

الله يبارك فيك يا تايو , اما بالنسبة للربع و النص و الكلام العجيب اللي بسمعه ده فأحب اقولك انا ندل و الاندال كثير و كما قال الشاعر : عيش ندل تموت مستور :colsmil:
بالنسبة موضوع المسمار هو فعلا فكرة حلوة لأنك بتخرم في المساعد الجزء الثابت و تفتح الشنطة و تحط المسمار فالشنطة متنزلش و ممكن تخلي الشنطة برده ع اكتر من مرحلة في الحال بانك تخرك في الوسط خرم تاني

و فكرتي شبيهة بالموضوع ده لكن كل الموضوع اننا هنضيق المساعد شوية من الجنبين بدون تخريم لأن في الجزء المتحرك اخر الماسورة كاوتشة عريضة شوية فالضيق ده يحجزها انها تنزل شوية و متنزلش الا بايديك

بس كده تمام بقي عندنا حليين للموضوع ده لأن فيه ناس كتيير بتعاني منه :)

اقتباس:

---

المشاركة الأصلية كتبت بواسطة sakr1964

بصراحة دى مشكلة عندى من يوم مااشتريت العربية بس البية الميكانيكى عمل حل خلى المساعد من المساعدين يفتح على الآخر وراح مدية بونطة لحام وثبتة يعنى لما افتح الشنطة اربط الساعد مكانة ولم اعوز انزلها افق المساعد من مكانة....*

---

و نعمة الميكانيكية الفتكين ههههه
بس ليه كل ده كان ممكن يخرم فعلا و يا دوب تحط مسمار ع المستوي اللي انت عايزه او زي ما عملت موضوع تضييق الماسورة :)
و ممكن تجرب و تشوف بدل موضوع الشنكل ده عشان الشكل العام

فكره حلوه والله
طيب مفيش نوع معين من العربيات المساعدين فيها معمره زى السيفيك مثلا"
يعنى الواحد يبدل مساعدين الفيات 132 بمساعدين شنطة السيفيك 92
ينفع ؟؟؟؟؟؟؟

اقتباس:

---

المشاركة الأصلية كتبت بواسطة ahmed_h_g

فكره حلوه والله
طيب مفيش نوع معين من العربيات المساعدين فيها معمره زى السيفيك مثلا"
يعنى الواحد يبدل مساعدين الفيات 132 بمساعدين شنطة السيفيك 92
ينفع ؟؟؟؟؟؟؟

---

مهي المشكلة مش في النوع كل الانواع بتيجي بعد مدة و تبوظ ده شئ عادي في كل العربيات
بالاضافة انك حتي لو لقيت واحد من دول ركب هتلاقي سعره عالي عشان الاصلي

فافضل حلين ليه بقي
ياما تضييق المساعد اللي هي الماسورة الثابتة عن الطرف فوق لما الشنطة تكون مفتوحة
ياما تخرم في المساعد خرم بسيط يا دوب تفتح و تحط مسمار في الخرم بحيث الشنطة متنزلش :)

اقتباس:

---

المشاركة الأصلية كتبت بواسطة axel

مهي المشكلة مش في النوع كل الانواع بتيجي بعد مدة و تبوظ ده شئ عادي في كل العربيات
بالاضافة انك حتي لو لقيت واحد من دول ركب هتلاقي سعره عالي عشان الاصلي

فافضل حلين ليه بقي
ياما تضييق المساعد اللي هي الماسورة الثابتة عن الطرف فوق لما الشنطة تكون مفتوحة
ياما تخرم في المساعد خرم بسيط يا دوب تفتح و تحط مسمار في الخرم بحيث الشنطة متنزلش :)

---

هجرب موضوع خنق الماسوره
الف شكر

ياستاذ اكسل الدكتور طبعا لحم مساعد واحد اوك جيت اجرب تجربة حضرتك فى المساعد التانى حلف بالطلاق مهو واقف حاولت الين دماغة واقرصله ودانة زى ما حضرتك شرحت بس اها حانعمل ايه دماغ المانى بعيد عنك ما بتلنش بسهولة....*

اقتباس:

---

المشاركة الأصلية كتبت بواسطة ahmed_h_g

هجرب موضوع خنق الماسوره
الف شكر

---

تمام بس خلي بالك متقرصش اوي و الحل التاني موجود و هو المسمار :)

اقتباس:

---

المشاركة الأصلية كتبت بواسطة sakr1964

ياستاذ اكسل الدكتور طبعا لحم مساعد واحد اوك جيت اجرب تجربة حضرتك فى المساعد التانى حلف بالطلاق مهو واقف حاولت الين دماغة واقرصله ودانة زى ما حضرتك شرحت بس اها حانعمل ايه دماغ المانى بعيد عنك ما بتلنش بسهولة....*

---

شوفت بقي الفرق بين الدماغ الألماني و الياباني هههههه الياباني بيتأقلم

الحقيقة انا مش قادر اوصل لموضوع اللحام ازاي انا افتكرت انه عملك شنكل
بالنسبة الخنق ازاي قصدك مش بتطلع و تثبت و لا مش عايز تتفتح اساسا
لو مش يتطلع يبقي الخنق مش اوي لو مش عايزه تطلع يبقي قرصت اكتر من اللازم و ممكن تعدلها بالدق الخفيف
و اقولك ع حل تاني اجدع بقي

اخرم المساعد خرم رفيع اوووي عند الطرف و الشنطة مفتوحة برده و لما تحب تفتح الشنطة تحط المسمار تقفل الشنطة تشيل المسمار و تقفل :)

شوف هو فتح الشنطة على الآخر الى ان فتح المساعد على آخرة راح قافل علية ببونطة لحام اكهرباء يعنى بالبلدى ثبتة ....
طبعا كلنا عارفين المساعد ليه منيم بيبات فيه ودا بيبقى فى الشنطة اللى انا اعمله افتح الشنطة واربط المساعد مكانى كانه فاتح توماتيكى ولما اخلص مصلحتى افكه تانى طبعا هوا بيفضل ثابت من الطرف الاخر اما الطرف اللى فى الشنطة هوا اللى بيتفك ويتربط وهنا طبعا المساعد حر الدوران يعنى يربط 100%....

يارب اكون وصلت لحضرتك الفكرة....*

شكرا علي نقل التجربة
بس ماهي هتوسع مع الوقتا من كتر الفتح والقفل

بس مؤقتا هي فكرة كويسة

انا عندي عشان تمسك نفسها لازم افتحها علي الأخر وافضل افتح فيها جامد عشان تمسك نفسها

والله المستعان
،
،

فكره جميله بس معنديش مساعدين ف الشنطه :)

اقتباس:

---

المشاركة الأصلية كتبت بواسطة sakr1964

شوف هو فتح الشنطة على الآخر الى ان فتح المساعد على آخرة راح قافل علية ببونطة لحام اكهرباء يعنى بالبلدى ثبتة ....
طبعا كلنا عارفين المساعد ليه منيم بيبات فيه ودا بيبقى فى الشنطة اللى انا اعمله افتح الشنطة واربط المساعد مكانى كانه فاتح توماتيكى ولما اخلص مصلحتى افكه تانى طبعا هوا بيفضل ثابت من الطرف الاخر اما الطرف اللى فى الشنطة هوا اللى بيتفك ويتربط وهنا طبعا المساعد حر الدوران يعنى يربط 100%....

يارب اكون وصلت لحضرتك الفكرة....*

---

لا تمام وصلت

اقتباس:

---

المشاركة الأصلية كتبت بواسطة syd

شكرا علي نقل التجربة
بس ماهي هتوسع مع الوقتا من كتر الفتح والقفل

بس مؤقتا هي فكرة كويسة

انا عندي عشان تمسك نفسها لازم افتحها علي الأخر وافضل افتح فيها جامد عشان تمسك نفسها

والله المستعان
،
،

---

فعلا في بداية تلفها عملت معايا كده لازم افضل افتح فيها جامد عشان تثبت
في الاخر مبقتش راضية تثبت
ففكرت في الحلول ديه اللي هي الخنق او المسمار و لقيت حل جديد هقوله كمان

اقتباس:

---

المشاركة الأصلية كتبت بواسطة moh19227

فكره جميله بس معنديش مساعدين ف الشنطه :)

---

مفيش مشكلة لما تجيب تبقي تعملها :)

شكرا لمرورك

يا شباب الحل الجديد اللي لقيته
مفتاح الربط اللي بيبقي مع عدة العربية اللي هو زي اللي بنفك و نربط بيه الانبوبة بس صغير تقريبا اللي عندي رقم 17 و 19 بحط الـ17 عند الماسورة بتاعت المساعد و الـ19 عن حتة الكاوتش اللي بتبقي حوالين ازاز الشنطة من جوة و بيثبت الشنطة
و ممكن نجيب حتة خشبية نقطعها بحيث تتحط بنفس النظرية او اي حتي معدن عمولة بيحيث يتقطعوا ع شكل مفتاح الربط

يبقي كده عندنا 3 حلول

1- الخنق ع المساعد
2- خرم المساعد و وضع المسمار
3- وضع دعامة بين المساعدة و الشنطة


و اي فكرة تيجي تاني في دماغي هبقي اقولكم عليها :)