واضح ان في اجماع انه ماينفعش طيب دلوقتي لو حبيت اغير اركب ايه مرسيدس وانا الصراحه مش هاعرف ازود مبلغ كبير دلوقتي
عرض للطباعة
واضح ان في اجماع انه ماينفعش طيب دلوقتي لو حبيت اغير اركب ايه مرسيدس وانا الصراحه مش هاعرف ازود مبلغ كبير دلوقتي
اعلى بالفئه ياعنى لو معاك 316
اعلى بيها كاموديل اوكا فئه على قد الفلوس المعاك لاكن لو الفلوس قليله خليك مع عربيتك قدام مريحاك
لو مرسيدس منصحكش بردو لان لو هتجيب في نفس فلوسك الي هتبيع بيها هتلاقي العربية ارخم من الي كانت معاك
من الاخر انت متعود علي بي ام ( شبابي) هتتحمل رخامت العواجيزي؟؟؟؟؟؟
تصور انك جبت البومة وشوف واحد معاة عربيتك القديمة واجرى جمبة وسخنة وقولى احساسك لما تتقطع ..او شوف حبة رملة واكبس بنزين وبص فى المراية على ضهر العربية الى ثابت مكانة واترحم على ايام الدرفتات ...اقولك على حاجة اسهل امسك طريق سفر وخد ملفاتك بطبيعة سواقتك واسمع احلى صووت تصفير كاوتش من البومة وحس باحساس المراجيح على كبر :]:] ببساطة جدااااا صعب
أنا ركبت اللانسر الشارك موديل 2008 و كل اللى شدنى فيها هو شكل العدادات اللى هو جميل جدا فى كل الموديلات الجديده تقريبا و أداء استهلاك بنزين أفضل من البى إم دبليو و هذا الأداء فى الأستهلاك محسن فى كل السيارات الجديده بما فيهم البى إم دبليو. غير ذلك لا ثبات و لا حتى بجد شكل داخلى و الإمكانيات هتجدها موجوده فى بى إم دبليو مودي 1997 - 1998 مع فارق كل هذه السنوات ال 10 أو ال 9 لكن ما تجده فى بى إم دبليو موديل 1997 - 1998 تجده فى سيارات لانسر و تويوتا موديلات 2008 و 2009 و 2010 إلخ...
أنا من رأيى غنك تبحث عن سيارات لانسر بومه للبيع و تروح و تجرب تقود بنفسك و أنت هتعرف الفرق بنفسك و أنت اللى تقرر.
لا مؤاخذه ياجماعه.......س س س سيبووووووه سيبوووووه......سيبونى انا ارد عليه....ياراجل حرام عليك ده انا لسه هاركب اول ركوبه ليا ملكى مش بتاعة والدى واول مافكرت فكرت فى البى ام دبليو بس انا دماغى رايحالها مش قادر اقاوم ......الناس اللى عارفه انى بفكر فى الدبانه بيتنططو اليومين دول واللى يقوللى هاتلك لانسر بوما مستعمل اقولهم ..لأ...طب فيرنا زيرو اقولهم يعععععععععع....اقسم بالله انا مفيش عربيه بتدخل دماغى زى البى ام......ده انا بشوف ال e30 ولا الدبانه بتهبل.......تخيل نفسك كده ركبت اللانسر البوما وانت ماشى لقيت جنبك e30 ولا e36....انا متهيألى هتبقى عايز تنزل وتقولو بعد اذنك ادينى لفه....معلش انا طولت عليك بس احنا بيت عيله و عندنا كذا عربيه معانا بوما ...البومه خفيفه على الطريق و ملفاتها وحشه وتحس انها فقيره فى الاوبشن...بس الحق يقال تكييفها حلو جدا...واسف مره تانيه...........البى اماويه بيشجعوا واحنا معاهم :)
صرفت نظر والله خلاص انا اسف هو الواحد مايعرفش يفضفض معاكم (انا قلت لولدي اغيرلك عربيتك اللي هي الاسكودا قالي هاتجبلي ايه قلتله لانسر قالي مالكش دعوه بعربيتي وخليك في عربيتك لانسر ايه يامعفن)انا اتشتمت بسبب البومه كتير اوي
ههههههههههههههههههههههههه ههههههههههههههههههههههههه هههههههههه والله ضحكتنى جامد جدا ياباشاالمهم انك........بس انك تخليت عن الفكرة......بوما ياراجل ....بوما....هو انت معاك بى ام موديل كام ؟؟
اقول ايه بعد اللى الناس قالته. :U_thin1[1]: . اخرك يومين تلاته و هتعرف انت عملت ايه فى نفسك. :pffft: حاول تشوف حاجه اعلى او موديل احدث تكون حالتها كويسه بلا بومه بلا حدايه :wink05:
عربيتي 96 وعملت مشكله كبيره بيني وبين الاعضاء بسبب السرعه القصوي ليها انا ناويت ان شاء الله علي 2001 او 2002 بس هاستني شويه