-
مشكلة فى باور السياره
باور العربية بتاعتى تيريوس 2000 كان ممتاز جدا وفجأه لقيته اصبح تقيل جدا يكاد يكون مش موجود والسياره واقفة او ماشية على السرعات البطيئة ( اول - تانى - تالث ) ولكن على السرعات العاليه فوق ال 80 ك ابص الاقيه اتظبط
وعلى فكرة وان واقف لو زودت بنزين الباور بيخف ويبقى كويس اشيل رجلى من البنزين الاقيه راح
حد عنده معلومة عن المشكلة دى
اكون شاكر جدا ليكم
-
-
ايه ممكن تكون المشكله فى طلمبة الباور يا باشا
وهل هذه الطلمبة قابلة للاصلاح
-
ايه يا جماعه محدش واجهته المشكلة دى قبل كده
-
بص الاول علي زيت الباور لو ناقص زوده ولو لقيت في زنة وانت بتلف الدركسيون يمين وشمال تبقي طرمبة الباور بتودع وهي السبب في تقل الدركسيون
-
انا لما بكسر الدركسيون يمين على الاخير او شمال على الاخر ما بسمعش زنه بس بسمع زى ما يكون فى حاجة بتنفخ هوا كده
-
ايوة يا افندم الصوت اللي بتسمعه ده من طرمبة الباور والمفروض متسمعش اي اصوات خالص وانت بتلف الدركسيون
عموما بص ع ريت الباور زي ما قلتلك وسيب الموضوع لحد ما الطرمبة تجيب اخرها خالص وبعدين غيرها
-
شكرا يا باشا على الاهتمام وسرعة الرد
وعلى فكرة زيت الباور على الماكس ومش ناقص
-
بس خلاص سيب الطرمبة لما تجيب اخرها وصوتها يبتدي يعلي اوي والدركسيون يبقي تقيل اوي وبعدين غيرها بس نصيحة لما تشتريها هاتها جديدة بلاش استيراد
Content Relevant URLs by
vBSEO 3.6.0 PL2