الموضوع: أمي مقتنعة إنها هتموت قريب ..لا حول ولا قوة إلا بالله

المشاركة الأصلية كتبت بواسطة نور القمر

بابا توفى من اكثر من 3 سنين وكذلك تيته والدته قبله ب 8 شهور
ومن يوم وفاتهم وانا بحلم بيهم على الاقل مرة اسبوعيا ومنها احلام اني طالعة عندهم او هم عندنا
وده دليل على تعلقي الشديد بهم وافتقادي لهم
وكان في حلم اني في مستشفى بزور قريبتي بتعمل عملية في ضهرها وجدتي ام ماما الله يرحمها جات لي في المستشفى وقالت لي هتموتي وانت راجعة من المستشفى
ويجي الحلم بعد كام شهر يتحقق وقريبتي دي والله العظيم يتحدد لها عملية في ضهرها واعتذرت لها انا مش هروح لك المستشفى عشان حلمت كذا كذا من مدة
ويوم العملية قلت العمر واحد والرب واحد ولو ربنا كاتب لي الموت هموت في سريري
وروحت ورجعت واديني حية ارزق
لكن ده ميمنعش اننا نعمل لحياتنا كأننا نعيش ابدا ونعمل لاخرتنا كأننا نموت غدا
ربنا يخلي لك الوالدة ويديها الصحة

:) واضح إن الموضوع شائع عند الجنس اللطيف... شكرا جزيلا على ردك والأمور كويسة دلوقتي الحمد لله

المشاركة الأصلية كتبت بواسطة zago

انا لو مكانك اقلب الموضوع تهريج


زمان وانا صغير كانت والدتي تعبانه
كنت كل شويه اخش الاوضه أقولها ( ماما أوعي تموتي لحسن ملقيش حد يعملي الاكل :))
اعوذ بالله طول عمري بتاع مصلحه
:)

ههههه أحلى مصلحة اللى تاخدها من والديك ...لأنهم بيعطوها بحب

المشاركة الأصلية كتبت بواسطة shaddadfalcon1

اكيد واحشها بس او بتفكر فيه كتيير عشان كده بتحلم بيه
قولها كده وعلي فكره احنا دايما لما حد يحلم انه مات الناس تقوله عمرك طويل مش عارف ليه الموضع ده بيبقي بالعكس في الأحلام

:) شكرا لمرورك

المشاركة الأصلية كتبت بواسطة mohammadrashee

الحمد لله اني قدرت اوصلها المعلومه ولوعايزني اكلمها كمان اشرحها الموضوع بالتفصيل انا تحت امرك

ربنا يكرمك ويبارك لك يا أخي... لو استدعت الحاجة إن شاء الله هأتواصل معاك ... جزاك الله خيرا

جزاكم الله خيرا جميعا وجعل مشاركاتكم كلها في ميزان حسناتكم فقد فرجتم عني ضيقا...اسأل الله لي ولكم ولوالديكم وأهليكم وافر الصحة والسعادة وطول العمر