الموضوع: ما تريد معرفته عن الباك فاير-أستكمالاً لتعديل العادم-

بسم الله الرحمن الرحيم

السلام عليكم و رحمة الله و بركاته ...

الموضوع ده انا عامله بفضل ربنا أولاً و أخيراً ... أستكمالاً لموضوع كنت عامله قبل كده أسمه
"كل ما تريد معرفته عن الديفيل و تحسين نظام العادم"
http://www.nilemotors.net/Nile/235931-a.html

و الموضوع ده عامله أستكمالاً للأولاني و ارجو من الدارة أنها تلحقه بيه و يبقى كله موضوع واحد !! علشان الموضوع الولاني يكون موسوعة كاملة على قد منقدر نساعد بيها الناس في أي حاجة تخص العادم

أولاً و أخيراً أحتسب أجره لله تعالى .. عل و عسى الله ان يجعل تلك المعلومات في ميزان حسناتي ،، و أن ينتفع بها كل من يقرأها ..... آمين
======================================

الموضوع باين من عنوانه ،، الباك فاير و كيفية عمله في العربية ....

والله الناس كتير بتقولك "جيب موبينه.. و وصلها ببوجيه و هوا حيعمل باك فاير "

و في الي بيعملها بطريقة ميعنة كده من غير موبينة ولا حاجة .. بس ده بيبقى في العربيات الكاربراتير ... من غير أي تعديل ،، علشان الأنجيكشان بتكون نسبة الوقود الغير محترق في العادم تقريباً صفر .... بالتالي مش حيتعمل باك فاير !!

طيب أيه دخل الوقود بالعادم ... بالباك فاير ؟؟؟؟؟

أقولكم أنا ...

أيه هوا الباك فاير أصلاً ؟؟

الباك فاير مصطلح معروف عند الصنايعية المصريين "ألا من رحمه الله" و هو ان البوجيه بيكون مش مناسب لنوع عربيتك ،، بالتالي بيفضل لسه سخن و متوهج حتى بعد متبطل العربية ،، فغصب عنك و عنه حيحرق الخليط بتاع الأحتراق !!!!!! حتى و انت قافل الكونتاكت
و ده بينشأ عنه هزززة جامدة اوي اوي في الموتور بالكابود كده !! و طبعاً ممكن يجيبلك جوان بوش سليندر كامل "حسب كلام الصنايعية الي أتكلمت معاهم في الموضوع ده !! "

طيب ما هوا تعريف الباك فاير بجد !!
هوا في منه نوعين :
1-من الكاربرايتر...نفكس منه ده
2-من العادم ... نركز فيه بقا
زي الصورة دي كده



طيب أزاي أخلي عربيتي تعمل كده طاااااه ؟؟؟

في أكثر من طريقة ..تعالو نستعرضهم مع بعض و نعرف ازاي ؟؟

الطريقة الأولى :
~~~~~~~~~
أنك تحسن و تعدل نظام العادم بتاعك بالكامل ،، من اول الهيدرز لحد الآخر ... علشان تعرف تسمع الفرقعة بتاعت الباك فاير .. و تشوفه

ليه ؟؟

لأن ببساطة ،ن العربية الستوك "مواصفات المصنع" بتنزل بحيث نظام العادم بتاعها بيمنع الباك فاير ،، حيث انه لو فضل بقايا وقود غير محترق في العادم .... "ده أن وجد يعني لأن العربيات الحديثة الأنجيكشان دلوقتي بيبقى الموضوع ده فيه صعب أوي" .. المهم العادم الأصلي بتاع العربية بيعمل على انه يكتم صوت العادم و يمنع حدوث فرقعة و كذلك المحول الحفزي ،، بيعمل على عدم أحتراق البقايا الغير محترقة من الوقود ده بطريقة أو باخرى دون الخوض في التفاصيل

تحسين نظام العادم ،، بيحسن سحب الموتور و تسارعه و بالتالي غصب عنه بيطلع كمية وقود غير محترقة "حبة صغيرين طبعاً... لكن العادم لما أتحسن ،مقاومته لخروج كمية من الوقود الغير محترق تماماً قلت ،، مما يزود فرصة الباك فاير
بالتالي الطريقة الةحيدة أنك تخلي العربية تعمل باك فاير بالأكزوزت العادي بتاع العربية ،، حتضر تلجأ لحكاية الموبينة و البويجه و خلافه !! الغلط جداً !!! و ذي مقريت في مواضيع كتير.. الطريقة دي بتدمر المحول الحفزي ،، و الموتور ،، و ممكن في مرة تخلي الهيدرز بالجكمان يسيبو الموتور أصلاً و يقعوا !!!!!!


الطريقة الثانية ..التي يتخذها المعظم مكملة للأولى
~~~~~~~~~~~~~~~~~~~~~~~~~~~~~~~~
لأنها لن تجدي نفعاً الا بعد تطبيق الطريقة الأولى :)

طرمبة البنزين !! لازم تكون مغيرها بواحدة أقوى و أحسن !! علشان تضخ بنزين أكتر سواء العربية أنجيكشان ولا لا!!!

معنى كده كمية بنزين اكتر و كمية بنزين مش حتتحرق حتكوم اكتر

و طبعاً سواء الطريقة الأولى و التانية ،، في كلتا الحالتين ،، اداء العربية حيتحسسسسسن جداً


الطريقة الثالثة :
~~~~~~~~~~

أنك تحط التعديلات الي بتقوي الموتور و الهورس باور بتاعه !! معظم المواضيع الي قريتها ،، كانت بتتكلم ان كل متقوي الهورس باور بتاع الموتور كل ميعلى الباك فاير و يبقى أقوى و أقوى

مثلاً أنك تعدل الرشاشات بتانية أكبر ،،

تزود كامات !!

و أخيراً تعمل أي سي ريماب

الطريقة الرابعة ,,, و دي طريقة واطية !! و معفنة و مش عايز أقولها ،، بس للاسف حقولها نقلاً للخبررة الي في الموضوع مش اكثر

و بحذررر منها جداً !! متنفعش تتعمل ،،
و هي أنك تشيل المحول الحفزي بتاعك ،، كل ده بيزود صوت الفرقعة بتاعته و يزود كمية النار الي طالعه من ورا

الطريقة الخامسة ،، أنك تشيل علبة الكاتم الخلفية و الوسطانية كمان
================================================== ======

بمعنى أصح ،، حتمشي بعربية بتجعررررررر و مجرد متدوس بنزين مش حتلاقيها أصلاً !!

بس في المقابل ،، صووووت مزززززززززززععععععععععععج اوي !! و فرقعة طبعاً حتكرهك في العربية و سنينها !! كل متدوس بنزين و تسيب

او و أنت بتنقل من جير للتاني



و رغم كل ده في ناس بتستخدم البوجيهات الي بتتحط في آخر انبوب العادم الي ميعتبرش باك فاير ،، و ما هوا الي تحايل على العربية علشان تعمل باك فاير

الحاجة الي بتسبب ضرر على الموتور :(

أي نعم بيعمل اداء بس ضرره أكبر !!

أنت كده عندك الباك بريشر الي على الموتور زاااااد اووووووي !! لأنك مش معدل العادم بتاعك !!!

لما تعدل العادم صح !! و عامل هيدرز توسع مواسير و تركب علب كتم صوت رياضي صح حيظهر معاك الباك فاير

على الأقل ساعتها ممكن تستخطم حكاية الموبينة دي ،، على الأقل أنت أصلاً بالتعديلاات دي قللت الباك برشير على الموتور ،، و ساعتها لما تستخدم طريقة البوجيهات و ييزيد الباك بريشر ده

مش يحكون بنفس المعدل لو انت مش معدل في العادم بتاعك !!!


المصدر
How to make your car exhaust backfire and pop? | How To Fix & Repair Things Yourself