تقرير صيانة 10000 لصني 2010
زي مانتم شيفين اسم العنوان هتلاقوا إن العربية بقالها مايقرب من سنتين .. أنا طبعا ساعتها مكنتش اعرف حاجة عن المنتدى الجميل ده .. فـدلوقتي حبيت إني اكتب تجربتي مع الصني في عدة صيانات مع إنهم قدام شوية بس عشان حبايبنا يستفادوا و
هم صيانة 1000 تمت وعملت تقرير بيها وهو
http://www.nilemotors.net/Nile/25812...لصني 2010)
صيانة 5000 تمت وعملت تقرير بيها وهو
http://www.nilemotors.net/Nile/258279-5000-2010-a.html
و 10000 و 15000 .. و قريب إن شاءالله هاعمل لسة صيانة 20000 ..
نيجي بقى للجزء الثالث لصيانات عربيتي صيانة 10000 بتاريخ 17.4.2011 بمودرن موتورز
ما قبل الصيانة
المرا دي بقى عملت 5000 في 5 شهور أي خدمة يا حضارات هههههههه .. طبعا الحمد لله العربية كانت جميلة بزيت 10000 .. مخلي العربية هادية قوي زي ماذكرت سابقا .. مكنتش هاعمل الصيانة ده أصلا عشان مكنش ليَّ ملاحظات أصلا .. بس قلت إيه زيادة الخير خيرين ..عشان الصيانة مهمة قوي .. بس قبل مروح بيومين كده . ركبت فرش أرضية عند واحد معرفة في الدقي بـ 300 شامل فرش الشنطة و شفت عند واحد صاحبي مركب حاجة اسمها عازل حراري قلت أما اركبه وركبته فعلا وإن شاء الله هنزلكوا بيه تقرير قريب .. آه وعملت حاجة كمان ركبت ستيكر 25 يناير على الازاز وستيكر من النهرده مش هكسر إشارة ههههههههههههه .. وقلت ايه أما اعمل الصيانة بقى ..
مرحلة الصيانة ..
رحت أنا بقى برده عند صاحبي لحد مزهق مني ههههههههههه كلل شوية اعمل صيانة عند نفس المهندس .. المهم قال لي هتعمل إيه قلته هاعمل صيانة 10000 قال لي هتغير زيت قلتله لأ .. قال لي أوكيه هنكشفلك على كل حاجة ونرجلش الفرامل .. قلتله توكل على الله ..
ما بعد الصيانة ..
خلصت بقى العربية المرادي في ساعة قالت المرادي نص ساعة بحلهم ههههههه .. راكبلي في الطاسات افافيز .. وظابطلي العربية وكله تمام .. آه وحطيتلي العربية على الكمبيوتر .. نيجي بقى للحساب .....
الحساب ..
حسبت أنا بقى .. وأعوذ بالله من كلمة أنا زي الناس مابتقول ههههههههه
صيانة 10000 :
150 جنيه
ضريبة مبيعات :
15 جنيه
مصروفات أخرى :
10 جنيه
=
175 جنيه فقط لغير تاني شفته بقى هههههههههههه
تجربة العربية ...
العربية فراملها بقت اجمد من الاول .. والباقي كله الحمد لله زي الفل ..
احب أكون خدمتكم بتقريري ده ..
