-
قعدت معايا سنة كانت ماشاء اله عليها و سافرت بيها مرتين فقط عشان هى كانت عربية تانية مش الاساسية
بس ليها موقف يحسب ليها
الحاجة الوالدة كانت سيقاها و حاجة دخلت فى الكاوتش من الجنب فرقعتة و هى تقريبا على 60 او 80
و الحمد لله محصلش اى حاجة مع ان الوالدة داست فرامل على الاخر و طلعت على الرصيف و نزلت تانى
و الحمد لله العربية مكنش فيها الهوا
بس بردو انا بكرر و بقول عفشتها وحشة
مع ان محصلش فيها حاجة خالص و هى معايا غير الصوت بتاع الاسكاترة المعروف فى مود 2008 تم علاجة بعد كدة
-
متابع لانى بفكر اجيبها لمراتى
-
الله المستعان
شكرا يا جماعة مع ان المشاركة ضعيفة لكن شكرا للناس الي اهتمت
-
انا جربتها وجامده جدااااااااااااااااااا وبجد ماشائ الله لغايه دلوقتى وناعمه وبتجرررررررررررررى
-
العربيه مع خالي بقالها 4 شهور تقريبا و ما شاء الله ربنا يباركله فيها عربيه كويسه جدا جدا بالنسبه لسعرها
و شكوته الوحيده دايما من العفشه فيها برضو اصوات تزييق و خبط شوويه لكن غير كده العربيه حلوه جدا
-
على قد فلوسها وقطع غيرها متوفرة عربية جيدة الى حد كبير توكل على الله و اشترى
-
العربيه ممتازه بالنسبه لسعرها
عيبها القاتل دبدبه فى العفشه من قدام وملوش علاج
لو يمشى معاك توكل على الله وهاتها
لو هيضايقك ابعد عنها
ومن الأفضل تجربها بنفسك
-
انا معايا ماتريكس وكنت اشتريت العربية دي قبل الثورة للمدام بتاعتي المهم اني مش باقارنها بالماتريكس بس هي في حد ذاتها عربية كويسة وبعدين اللي هاتدفعه عليها في التوكيل زيه زي اي توكيل تاني المهم انها كاملة من مجاميعة بالنسبة للاستخدام العادي وسريعة وشكلها شيك بس يعيبها العفشة وعلبة الدريكسيون والفتيس والعفشة تتربط كل 5000كم تحس بفرق والفتيس متهيألي هاتعرف تتعامل معاه بعد ماتظبط رجلك عالدبرياج لكن تخبيط علبة الدريكسيون مش هايتحل اعتقد وعايز اقولك اني بعد صيانة الالف طلعت شرم الشيخ بالعربيتين وبعديها مرتين الساحل واشتغلت من غير اي شكوى بس انا دلوقتي غيرتها بتيجو فلو حابب الغربية توكل على الله مش هاتتضايق منها خالص وآسف للإطالة....
-
بص يا باشا ..
أنا معايا العربية ده بالها أربع سنين
أداء العربية متاز من حيث الجري أو الثبات ... بس العفشة ناشفة و دة موجود في معظم العربيات الجديدة ... ذي السيراتو مثلاً
كم الكماليات الفالعربية ممتاز ... يعني فيها كماليات أكتر من اللانسر مثلا ... يعني هتحس إن العربية مدلعاك
قطاع الغيار موجودة في كل حتة و اسعارها رخيصة ... طاقم المساعدين القدام ب-300 جنيه مثلاً
لو ناوي تتعامل مع التوكيل فلزم يكون عندك الأول ثقافة التوكيلات عشان تعرف تحكم كويس عشان أنا بشوف ناس بتقول التوكيل زبالة و غالي عشان هما بيقارنوه بعم أحمد المكنيكي :) لكن مقرنهوش
بأي توكيل تاني
بس تقدر تقول إن التوكيل من حيث الأسعار كويس جداً ... من حيث الخدمة 90 %
-
أنا لاحظت ان الموديلات القديمة قبل 2009 الشكوى منها كتير وكمان على حسب اشتريتها منين واكتر الشكاوى من التوكيل عشان الناس مش بتعرف تتعامل مع التوكيل ازاي من غير ما يتنصب عليها... كمان فيه نقطة ساعات طريقة سواقة الناس بتبوظ العربية بسرعة... فيا ترى موديل 2011 حد يقدر يقولي عليه أخباره إيه معاه وحد ينصح بمكان معين في القاهرة نشتري منه العربية؟؟؟
Content Relevant URLs by
vBSEO 3.6.0 PL2