عايز نصائحكم فى شراء ( كوبيه ) ....

**Mohab.Nabil** · 01-12-2011 06:38 PM

المشاركة الأصلية كتبت بواسطة formulator

بالنسبة لموضوع الهيونداى كوبيه:
أنا ركبت الهيونداى أول مانزلت من كام سنة, ولا فيها أى حاجة رياضية أو سبور.. (فـ السواقة طبعا)؟؟!!! شكل فقط. (ومبتذل كمان)

أزاى بتقولوا الستروين C4 coupe مفرقتش عن النسخة الـ5-doors؟؟!!!
لأ معلش.. اللى ساق الـC4 كوبيه فيه فرق وااااااااضح (محسوس جدا) فـ الهاندلينج والثبات عن الهاتشباك 5-باب منها..!! وفـ الغرز والمناورة الكوبيه أجمد بكتيييييير من الهاتش.

استاذ formulator

انا متكلمتش على ثبات ولا احساس سواقة خالص .. انا بتكلم على نقطة تانية خالص و هو احساس شخصى بحت لما تيجى تركب العربية .. الدخول للعربية نفسه .. القعدة فيها عاملة ازاى .. طبعا دا احساس و مختلف من شخص لشخص بس انا لما كنت بركب الهيونداى الكوبيه فى المعارض كنت بحس انى بركب حاجة زى عربيات نيد فور سبيد كده ... و انا مش بقارن انا بتكلم على احساس يا ريت حضرتك تكون وصلتلك فكرتى لأنى واضح مش عارف اعبر عنها اوى

بالنسبة لموضوع الـ c4 فأنا برضه بتكلم من النقطة ديه الاحساس لما جيت اركب ديه و اركب ديه برضه مش بسوقهم راكب بس محسيتش بفرق كبير .. السواقة فعلا ممكن تكون احسن و اكيد حضرتك ادرى بحكم الخبرة و التجربة ..

و تحياتى ليك

**masterzmind** · 01-12-2011 06:42 PM

طب يا جماعة يعنى العربية ثباتها ايه نظامه انا كدة احترت !!؟؟؟

بص يا باشا عشان انا مش معايا العربي دى الصراحة بس سوقتها فى الهرم مش على طريق سريع يعنى شوووف المواضيع القديمة فى قسم كيا وانت هتعرف الاجابه لوحدك واستنى رأى الاعضاء ملاك السيراتو وربنا يقدم اللى فى الخير ومتنساش الاستخارة

**kofta** · 01-12-2011 07:10 PM

المشاركة الأصلية كتبت بواسطة masterzmind

بص يا باشا عشان انا مش معايا العربي دى الصراحة بس سوقتها فى الهرم مش على طريق سريع يعنى شوووف المواضيع القديمة فى قسم كيا وانت هتعرف الاجابه لوحدك واستنى رأى الاعضاء ملاك السيراتو وربنا يقدم اللى فى الخير ومتنساش الاستخارة

انا منتظر رأى الملاك .....

طب و حضرتك لما سوقتها كان ايه رأيك فيها ؟؟

**masterzmind** · 01-12-2011 09:42 PM

عربية ما شاء الله فى الابشنز بس العافشة بدب شوية بس عادى مش اوى الصراحة فى اعضاء هنا بتكبر فى موضوع العفشة دى بصراحة هى مش ناشفة اوى يعنى لو عندك اوبترا ممكن تكون انشف سيكة منها اما الثبات انا قولت الله اعلم بس يا صديقى المشكله انى كل ما امشى على طريق سريع لازم الاقى الاتى عربية سيراتو مقلوبه او عربية فيرنا والاختيار ليك انت لو هجيب جديد فى عربيات اروبى ويابانى احسن منها الصراحة هجيب مستعمل الكوبيه صفقة رابحة انشاء الله

**sehs02** · 02-12-2011 03:04 AM

انا برضة مستني رأي حد من الملاك فيها .... انا سوقتها مرة على طريق السخنه و كانت ثباتها ممكتاز الصراحه بس الواحد مكنش بيجري اوي يعني 130-140 بس كانت تمام حاسس اني مالك العربية

**kofta** · 02-12-2011 05:07 PM

انا امبارح روحت معرض جمبى يا جماعة و لقيت عنده كوبيه واحدة بس

فا اتفرجت عليها و لقيت كا التالى :

فوانيس عادية , فتيس الشكل القديم ( 6 سرعات ) بصراحة مش مسدأ ديه , مفهاش esp , مفهاش بلوتوث

سعرها : 130.000 و بيقولى انها 2011 !!! ( وكيل )

هى مش 2011 فيها التعديلات الجديدة كلها ؟؟ بلوتوث , شفتات , فتيس الجديد , فوانيس ليدات ؟؟؟؟؟؟؟

**Mohab.Nabil** · 02-12-2011 05:44 PM

المشاركة الأصلية كتبت بواسطة kofta

انا امبارح روحت معرض جمبى يا جماعة و لقيت عنده كوبيه واحدة بس

فا اتفرجت عليها و لقيت كا التالى :

فوانيس عادية , فتيس الشكل القديم ( 6 سرعات ) بصراحة مش مسدأ ديه , مفهاش esp , مفهاش بلوتوث

سعرها : 130.000 و بيقولى انها 2011 !!! ( وكيل )

هى مش 2011 فيها التعديلات الجديدة كلها ؟؟ بلوتوث , شفتات , فتيس الجديد , فوانيس ليدات ؟؟؟؟؟؟؟

مفيش حاجة اسمها فتيس شكل قديم و 6 سرعات .. القديم 4 سرعات و الجديد اللى شبه بتاع الفولكس شوية كده اللى فيه زى كورة فوق دا اللى 6 سرعات اللى فيه زرار برضه .. البياعين مش هيبطلوا نصب بقى

انا مش عارف بتاعت الوكيل ايه الاوبشنز اللى فيها

بس انا رحت اوتو سمير ريان قبل كده و عنده 2011 فيها كل حاجة و فوانيس جديدة و فتيس جديد بس خليجى و كانت بـ 132 بداية كلام بس الكلام ده كان من كام شهر و بالتوفيق ان شاء الله

**kofta** · 02-12-2011 08:42 PM

المشاركة الأصلية كتبت بواسطة mohab.nabil

مفيش حاجة اسمها فتيس شكل قديم و 6 سرعات .. القديم 4 سرعات و الجديد اللى شبه بتاع الفولكس شوية كده اللى فيه زى كورة فوق دا اللى 6 سرعات اللى فيه زرار برضه .. البياعين مش هيبطلوا نصب بقى :_alshmokh08[1]:

انا مش عارف بتاعت الوكيل ايه الاوبشنز اللى فيها

بس انا رحت اوتو سمير ريان قبل كده و عنده 2011 فيها كل حاجة و فوانيس جديدة و فتيس جديد بس خليجى و كانت بـ 132 بداية كلام بس الكلام ده كان من كام شهر و بالتوفيق ان شاء الله

انا حسيت برضو بكدة انها مش 2011 اعتقد ديه 2010

و قالى انا ممكن اجيبلك الخليجى 2011 بـ 140.000

معلش مكان اوتو سمير ريان فين بالظبط ؟ و هل مفيش حاجة قريبة فى الهرم تبقى مضمونة ؟؟

**pirlo2000** · 02-12-2011 08:57 PM

سلامو عليكم.....

موضوع ثبات العربية.... انا عن نفسي مجربتش اسوق bmw و mercedes و VW عشان احكم علي ثباتها بالنسبالهم..

بس انا اصلا مش بجري.... و المرات القليلة اللي جريت فيها محستش انها خفيفة.... كنت قريب علي الدائري و مستعجل كنت ماشي بيها 150 و غرز و كده و ماشالله مفيش مشاكل...

اعلي حاجة جبتها كانت 180 بس الطريق كان حلو برضه محستشي بمشاكل....

بس انا برضه زي مابقولك مجربتش عربيات اوروبي عشان اقول هي ثابتة زي الاوروبي و لا لأ...

بس عفشتها ناشفة .... يعني لو انت راكب كورولا بالنسبالك هتبقي عذاب...

بالنسبة للسعر احب اقولك الراجل اللي قالك130 من غير حاجة ده نصاب لامؤخذاه...

روح لمعرض اللي انا جبت منه و النهاردة كان منزل اعلان في جريدة واصل االي عاملة زي الوسيط... عنده 2011 كاملة ب 128.5 و اسمه سلطان اوتو في شارع النادي الاهلي م.نصر...

اتمني اكون افدتك..

**Mohab.Nabil** · 02-12-2011 09:07 PM

المشاركة الأصلية كتبت بواسطة kofta

انا حسيت برضو بكدة انها مش 2011 اعتقد ديه 2010

و قالى انا ممكن اجيبلك الخليجى 2011 بـ 140.000

معلش مكان اوتو سمير ريان فين بالظبط ؟ و هل مفيش حاجة قريبة فى الهرم تبقى مضمونة ؟؟

بص يا باشا

انا بصراحة مشفتهاش الا فى اوتو سمير ريان .. و هو مكانه فى مدينة نصر على الاوتوستراد عند مستشفى المقاولون العرب كده بس الناحية الثانية .

بالنسبة لمعارض الهرم انا معرفش حد بس ممكن حضرتك تبص فى معارض منتشرة كثير فى شارع فيصل بس انا رأيى تشوفها هناك بس لو هتشترى تشترى من مكان مشهور و مضمون و مش فارقة المشوار مرتين ولا حاجة .. مش هتشترى عربية كل يوم و بالتوفيق ان شاء الله