هل انتشار وغزو اللانسر دة
بالنسبة للناس اللي معاها العربية
دة حاجة تبسطهم ولا تزعل ؟
نفسي الاقي اجابة علي السؤال دة ؟؟
عشان ناس بتقول اة وناس بتقول لا
عرض للطباعة
هل انتشار وغزو اللانسر دة
بالنسبة للناس اللي معاها العربية
دة حاجة تبسطهم ولا تزعل ؟
نفسي الاقي اجابة علي السؤال دة ؟؟
عشان ناس بتقول اة وناس بتقول لا
والله دى بترجع لدماغ كل واحد وطريقة تفكيره يعنى ممكن واحد ياخدها بشكل إيجابى ويحس انه أختار صح لأن كل الناس بتتجه فى نفس الإتجاه وكمان انتشار العربية هايرخص قطع غيارها وهايخلى صيانتها سهلة لوجود أماكن كتير تقدر تشتغل فيها غير التوكيل.
وفى ناس تانية ممكن تاخدها بشكل سلبى وتقول ان العربية بقت شعبية وكل الناس راكباها ودى الناس اللى بتحب دايما انها تكون مميزة عن غيرها
لكن أنا فى رأيى ان اللى بيشترى اللانسر يبقى بيدور على المضمون أكتر من التميز ، وفى رأيي ان انتشار العربية تعتبر حاجة كويسة للغالبية العظمى من مالكى اللانسر.
الله ينور عليك يا أبوسيف أنا معاك تماما فى كلامك ! أنا شخصيا لا أحب الناس اللى بتقول عليها شعبية أنتشارها دليل على نجاحها ذى الموبايلات تماما 90% من الناس معاها نوكيا ليه؟؟ الأسباب كثيرة نفس الحكاية بالنسبة للانسر أنا شخصيا مبسوط يا سيد محمد :D وربنا يبسط الجميع
هو فعلا انتشار العربية بيدل على ان العربية كويسة .. يعنى مش معقولة الانتشار ده كله والعربية وحشة يبقى كده فى حاجة غلط مش معقولة واحد يقع فى الغلط والناس كلها ماشية وراه كده من غير تفكير .. الناس دلوقتى بقت واعية قبل ما تشترى بتسأل وتشوف وتتفرج و تدور فى الانترنت وتعمل كل حاجة عشان محدش يضحك عليها
والانتشار فعلا بيخليك تحس ان كل يوم ان اختيارك كان مظبوط عشان فى غيرك لف ودور وفى الاخر وصل لنفس النتيجة
وفى الاخر كل واحد بيجييب الى يريحه وربنا يبارك للكل فى عربياتهم
أنا معاكم تماما فى كل اللى قلتوه وهى فعلا بقت شعبية لكن شعبية مميزة!!! لكن لحد دلوقت مش شايف انعكاس لانتشارها على أسعار قطع الغيار والكماليات والاكسسوارات!!
العربية جميلة لكن أحد أهم أسباب إنتشارها هو أن العربية دي بيوزعها الجيش بتسهيلات كبيرة جدا لأفراده و مثلا لو حد راح منازل الضباط في مدينة نصر هيلاقي العربية دي منتشرة جدا
مثال آخر العربية 307SW إلي أنتشرت بسبب أنها بتتوزع لأفراد الشرطة و الألوية بتسهيلات و تخفيضات عالية