طلب تسعير عربيه برافو ناوى اشتريها ارجوكم ردوا على بكل حياديه لانى معتمد على رايكوا ا

السلام عليكم ورحمة الله وبركاته
انا قدامى عربيه فيات برافو
مواصفاتها كالتالى
موديل 2009
فتيس مانيوال
عداد الكم 50 الف كم
العربيه هو بيقولى يوم ما جيه يبيعها خبطت و موضحليش هو بيقول لو هو حكالى هحس انها جامده بس لو انا شفتها هلاقيها بسيطه و قالى انه ريح على حد و هو ماشى بيها عادى و انى اجى اعينها
العربيه عليها اقساط سنه بحوالى 30 الف قالى ممكن تدفع الفرق و تكملها او تدفع المبلغ كله اللى يريحنى

السعر 138 الف

ملاحظات انا فهمت منه انه مغير الكاوتشين اللى قدام ومممشيوش 1000 كيلو على بعض و برضه فهمت انهغير التيل الامامى مرتين و الخلفى مره .... انا خايف يكون كده كثير و هو كان هاريها دريفتات مثلا فهل مرتين تيل امامى و مره خلفى مناسب على 2009 و 50 الف كيلو ولا لأ ........... انا حاسس ان السعر كده كثير و خصوصا انها محتاجه تتصلح فى التوكيل فرأيكم ايه على المواصفات و السعر و لو كثير المفروض على المواصفات دى كام ؟؟؟؟؟ و اجيبها و لا ابعد عنهااااااا ؟؟؟؟؟؟؟؟؟؟؟؟؟؟؟

و انا نسيت اسأله ان كانت فبريكه ولا رشه و لو رشه تعمل كام ولو فبريكه تعمل كام و هل اقوله تصليح الخبطه على حسابه و لا اعمل ايه؟

معلش انا اول مره اجيب مستعمل
:E_braces[1]:
:hrm_prv:و الف شكر لكل رجالة المنتدى الكرام:hrm_prv:

اه نسيت اقولكم ان الرخصه باسمه

يا جماعه و الله منتظر ردكم و على اساسه ممكن اجيبها و ممكن اسيبها ارجووووو ردكم الكريم ياجماعه

التيل عادى مرات التغيير
خصوصا ان فى مصر غالبا الناس بتغير التيل قبل ما يخلص
الكاوتش برده عادى
السعر معرفش

انا لو مكانك ابعد عنها بلاد

من طبيعة شخصيتى البعد عن الشبهات ود شكلها كانت ماشيه فى البطال

مش طبيعى ابداٌ
ان

50 الف كيلو و سنتين استخدام ويغير الحاجات دى وبعدين العربيه مديونه وتخليص وروايه طيب ايه اللى زنقك

وبخاصه انها عربيه قطع غيارها قليله وغاليه

يعنى لو فيها حاجه هتخسرك وقت وفلوس كتير

وفى الآخر انت سيد قرارك

بس انا قولتلك رأييى بكل امانه

حضرتك ممكن تسأل في قسم فيات الناس هناك هتعمل معاك الواجب

اقتباس:

---

المشاركة الأصلية كتبت بواسطة عصام غنايم

انا لو مكانك ابعد عنها بلاد

من طبيعة شخصيتى البعد عن الشبهات ود شكلها كانت ماشيه فى البطال

مش طبيعى ابداٌ
ان

50 الف كيلو و سنتين استخدام ويغير الحاجات دى وبعدين العربيه مديونه وتخليص وروايه طيب ايه اللى زنقك

وبخاصه انها عربيه قطع غيارها قليله وغاليه

يعنى لو فيها حاجه هتخسرك وقت وفلوس كتير

وفى الآخر انت سيد قرارك

بس انا قولتلك رأييى بكل امانه

---

اولا شكرااااااا ياباشا على النصيحه و طبعا عندك حق بس هو الموضوع ان العربيه دى معدل تاكل تيلها الامامى من ناس ردت على انها بالكتير 30 الف كيلو و الخلفى 40 الف و قالولى طبيعى علشان العربيه سبور و بتجرى و فيها abs - ebd بس برضه انا هتأكد ثانى و موضوع التقسيط فالرخصه باسمه و انا هدفعله كاش و هو معاهم بقى :E_braces[1]: بس عموما انا فعلا لازم اتأكد و ربنا يسهل

اقتباس:

---

المشاركة الأصلية كتبت بواسطة mohssenrashed

حضرتك ممكن تسأل في قسم فيات الناس هناك هتعمل معاك الواجب

---

:plusone2::plusone2::plusone2::plusone2::plusone2: :plusone2::plusone2:
شكراااااااااااااااااااااا ااا ياباشا

اقتباس:

---

المشاركة الأصلية كتبت بواسطة blazer

التيل عادى مرات التغيير
خصوصا ان فى مصر غالبا الناس بتغير التيل قبل ما يخلص
الكاوتش برده عادى
السعر معرفش

---

:hrm_prv: شكرااااااااااااااااا يا باشا

اولا يعني ايه مغير الكاوتش اللي قدام بس ايه القرف ده ؟ ده خساره يركبها اصلا لان المفروض الكاوتش يتغير كله على 40 او 50 الف كيلو ومعني انه غير اللي قدام بس يبقى غيره غصب عنه لانه كان فاحتها تفويت في الطلعات
الباقي ده عادي سواء تيل وكده
والخبطه هو يعملها في التوكيل وبعد كده تاخدها بعد ماينزل من تمنها لو اترشت
اما بقى بالنسبه للسعر فده اكيد عايش في الوهم والخياااااااااااال البعيد دي اخرها 85 او 90 لو مفيهاش الهوا مابالك ده شكله فاحتها وغير الخبطه اللي فيها وكذا حاجه
على فكره انا مره اخدت بيها مطب جابت قنطره ومقصين ودفعت فيهم 7000 جنيه في التوكيل والعربيه مكنش فيها خربوش وبكياسها ومبقالهاش شهر من الزيرو
انا كان معايا الديوال لوجيك موديل 2009 وبيعتها في 2010 بعد سنه بالظبط وكانت 95 الف واكتر واحد جاب سعر كان 110 وده واحد صاحبي تاني في الوقت ده كانت المانيوال بتتباع ب 90 او 95 بالكتير مابالك دلوقتي

نصيحة لوجة الله انت بتدفع فلوس مش بترمي فلوسك لية تشغل نفسك بكل المشاكل ية ابعد عن العربية الية فيها حورات كتير بفلوسك تشتري دماغك وتجيب عربية مفاش حاجة مش خبطة وعاوزة تتصلح وحوار لية كل ده

هيا سعرها زيرو كان كام ؟

اقتباس:

---

المشاركة الأصلية كتبت بواسطة yyy

هيا سعرها زيرو كان كام ؟

---

اللانا فهمته انها كانت ب 170 الف بس خلاص مبقتش بتنزل خلاص ال 150 حصان و حاولت ادور على حاجه رسمى لسعرها فى 2009 معرفتش

اقتباس:

---

المشاركة الأصلية كتبت بواسطة tyseer

نصيحة لوجة الله انت بتدفع فلوس مش بترمي فلوسك لية تشغل نفسك بكل المشاكل ية ابعد عن العربية الية فيها حورات كتير بفلوسك تشتري دماغك وتجيب عربية مفاش حاجة مش خبطة وعاوزة تتصلح وحوار لية كل ده

---

و الله انا بدور و دى اللى جات قدامى لحد دلوقتى و لقلة خبرتى انا قلت اعرف من الخبراء هنا يقولولى ايه رايهم فيها :00020140:

اقتباس:

---

المشاركة الأصلية كتبت بواسطة khalid_adel

اولا يعني ايه مغير الكاوتش اللي قدام بس ايه القرف ده ؟ ده خساره يركبها اصلا لان المفروض الكاوتش يتغير كله على 40 او 50 الف كيلو ومعني انه غير اللي قدام بس يبقى غيره غصب عنه لانه كان فاحتها تفويت في الطلعات
الباقي ده عادي سواء تيل وكده
والخبطه هو يعملها في التوكيل وبعد كده تاخدها بعد ماينزل من تمنها لو اترشت
اما بقى بالنسبه للسعر فده اكيد عايش في الوهم والخياااااااااااال البعيد دي اخرها 85 او 90 لو مفيهاش الهوا مابالك ده شكله فاحتها وغير الخبطه اللي فيها وكذا حاجه
على فكره انا مره اخدت بيها مطب جابت قنطره ومقصين ودفعت فيهم 7000 جنيه في التوكيل والعربيه مكنش فيها خربوش وبكياسها ومبقالهاش شهر من الزيرو
انا كان معايا الديوال لوجيك موديل 2009 وبيعتها في 2010 بعد سنه بالظبط وكانت 95 الف واكتر واحد جاب سعر كان 110 وده واحد صاحبي تاني في الوقت ده كانت المانيوال بتتباع ب 90 او 95 بالكتير مابالك دلوقتي

---

الف شكر لاهتمام حضرتك و متابعتك كمان فى الموضوع الثانى كمان فى قسم الفيات:ilikeit:
و طبعا حضرتك عندك حق و انا قلقت من موضوع الكاوتشات اللى قدام ده برضه و اللاثنين تيل:redeye: ..... و حسيت ان السعر غالى قوى بس انا سعرها بيقع قوى كده ؟ يعنى انا عندى صحبى جابها مش فاكر بالظبط كام بس بمبلغ اكثر من 100 الف يعنى مش فاكر بالظبط بس بحاجه و 30 برضه بس انا قاقت لما اقيت عربيه قريبه فى الحاله على 120 الف

اللهم قد بلغت

اقتباس:

---

المشاركة الأصلية كتبت بواسطة khalid_adel

اللهم قد بلغت

---

هههههههههههههههه و انا شاهد انا كمان :36_2_55[1]: طب رايك اعمل ايه ياباشا يعنى لو عايز برافو استعمال كويس 150 حصان مانيوال اجيبها منين ؟ و هل فى عربيه حضرتك تنصحنى بيها بس تكون فى نفس الاداء يعنى السحب و الامان و القوه ؟

استاذ khalid_adel انا فى حاجه جات فى دماغى دلوقتى ... حضرتك بتقول انه ممكن يكون فاحتها تفويت فى الطلعات ...... بس لو هو كده مش المفروض كان غير الكاوتشات بفتره كبيره قبل ال 40 او ال50 ..... و العربيه عامله 50 و مغير من الف يعنى عامله 49 صح ؟ ....... انا بس بفكر بصوت عالى مع حضرتك .... ياريت تقولى ايه رايك فى الكلام ........ بس السعر فعلا مبالغ فيه ده فيه تاجر عارض العربيه على 120 الف :))))))))

بس يا باشا هو بالنسبه لكتر الفرك ده مش حيقطع الكاوتش هو بس بيمسحه وكده
وهو اصلا المفروض يغير الاربعه مع بعض وده الطبيعي كل 40 او 50 الف كيلو لكن كون ان هو يغير اللي قدام بس قبل مايبيع علي طول يبقى مش عايز اغلط
والله اعلم برضه باللي حصل
والتاجر ده مستني زبون ميعرفش
لكن لما اقولك من سنه كانت ال 150 بتتباع مستعمل ارخص من ال 120 عربيتي ساعتها وكانت عامله 90 او 95 يبقى بعد سنه ايه ؟؟

اقتباس:

---

المشاركة الأصلية كتبت بواسطة khalid_adel

بس يا باشا هو بالنسبه لكتر الفرك ده مش حيقطع الكاوتش هو بس بيمسحه وكده
وهو اصلا المفروض يغير الاربعه مع بعض وده الطبيعي كل 40 او 50 الف كيلو لكن كون ان هو يغير اللي قدام بس قبل مايبيع علي طول يبقى مش عايز اغلط
والله اعلم برضه باللي حصل
والتاجر ده مستني زبون ميعرفش
لكن لما اقولك من سنه كانت ال 150 بتتباع مستعمل ارخص من ال 120 عربيتي ساعتها وكانت عامله 90 او 95 يبقى بعد سنه ايه ؟؟

---

طيب يا استاذ خالد انا اللى اعرفو ان الـ 150 كانت اغلى من كل فئات الـ 120 و اوبشنز اعلى و موتور اقوى ليه بتتباع ارخص من الـ 120 ؟

و لو فيه واحدة 150 قدام حضرتك كويسة فى الرينج ده ياريت تقولى عليها

اقتباس:

---

المشاركة الأصلية كتبت بواسطة khalid_adel

بس يا باشا هو بالنسبه لكتر الفرك ده مش حيقطع الكاوتش هو بس بيمسحه وكده
وهو اصلا المفروض يغير الاربعه مع بعض وده الطبيعي كل 40 او 50 الف كيلو لكن كون ان هو يغير اللي قدام بس قبل مايبيع علي طول يبقى مش عايز اغلط
والله اعلم برضه باللي حصل
والتاجر ده مستني زبون ميعرفش
لكن لما اقولك من سنه كانت ال 150 بتتباع مستعمل ارخص من ال 120 عربيتي ساعتها وكانت عامله 90 او 95 يبقى بعد سنه ايه ؟؟

---

تمام فهمت قصد حضرتك و الف شكر ياباشا بس فعلا لو جن حاجه كوبيه قدامك ارجوك قلي عليها و الف الف شكر:b4_388:

والله ياجماعه مفيش قدامي دلوقتي بس حتي اسألو محمد قاسم كان بيقولي على كام واحده بالسعر ده سنه 2010 وانا ببيع بتاعتي
بس الصراحه ال 150 احسن بكتييييييييييير من ال 120 وكنت ساعتها نفسي اجيبها اوي لانها افضل في حاجات كتيره اوي وتستاهل
وبالنسبه لسعرها ده فكان اقل لان انتو عارفين الاوروبي والمانيوال بتتباغ ارخص من الاوتو في اعادة البيع وكده

اقتباس:

---

المشاركة الأصلية كتبت بواسطة khalid_adel

والله ياجماعه مفيش قدامي دلوقتي بس حتي اسألو محمد قاسم كان بيقولي على كام واحده بالسعر ده سنه 2010 وانا ببيع بتاعتي
بس الصراحه ال 150 احسن بكتييييييييييير من ال 120 وكنت ساعتها نفسي اجيبها اوي لانها افضل في حاجات كتيره اوي وتستاهل
وبالنسبه لسعرها ده فكان اقل لان انتو عارفين الاوروبي والمانيوال بتتباغ ارخص من الاوتو في اعادة البيع وكده

---

يا باشا انا مش بكذب حضرتك او اقصد اى حاجة من كده خالص .. انا بس كنت مستغرب ازاى هى اعلى فى السعر كزيرو و اعلى فى الاوبشنز و الموتور و بتتباع ارخص

الـ 150 فعلا تحفة و عشان كده بسأل حضرتك لو فيه حاجة فى الرينج ده ابيع عربيتى و ازود شوية و اجيبها عشان لو بالسعر ده صفقة رابحة بكل المقاييس

هى لونها ايه؟

اقتباس:

---

المشاركة الأصلية كتبت بواسطة kareemz

هى لونها ايه؟

---

اسود !! و صاحبها فى وسط البلد .... لو تعرف عنها حاجه ارجوك قولى وشكرا

اقتباس:

---

المشاركة الأصلية كتبت بواسطة kareemz

هى لونها ايه؟

---

باشا مستنى ردك :00020140:

اقتباس:

---

المشاركة الأصلية كتبت بواسطة bor3ey

باشا مستنى ردك :00020140:

---

لا اللى أعرفها كان لونها موكا .. و كان واحد بيبيعها من فترة وأنا عملت له اعلان .. بس مش عارف اتباعت ولا لأ.

ده لينك الاعلان .. ممكن تكلمه تشوفه باعها ولا لأ.

http://www.nilemotors.net/Nile/187513-a.html

لا يا كريم باشا دى ال 120 حصان انا عايز ال 150 حصان لو رسيت على ال120 هجيبها جديده ان شاء الله ::)