الموضوع: استفسار بخصوص الفرامل الabs فى الصنى سوبر صالون

المشاركة الأصلية كتبت بواسطة sameh_oo7

السلام عليكم ورحمة الله وبركاته

استفسارى بخصوص الفرامل الabs فى الصنى سوبر صالون :

ازاى اعرف ان الabs شغال فى كامل قوته ؟؟؟

علشان انا كنت ماشى على الدائرى النهارده على سرعة 120 وفجأة اتوبيس خد خنتى

ومكنش قدامى غير انى ادوس فرامل فدوست فرامل جامد ... وحسيت بالرجرجة بتاعت الabs وسمعت

صوت فرملة الكوتش اكنى بكارك فرامل واسيب واكارك تانى وهكذا ... بس العربية موقفتش مكانها زى ما

الناس بتقول زحفت شوية . والحمد لله مرت فى سلام ، اول مادوست فرامل جامد الناس اتخضت

وفتحتلى الطريق:oc_sun1[1]:

ارجوا الرد وتحياتى للجميع

صنى سوبر صالون 2012_ ماشية 3400كم

المشاركة الأصلية كتبت بواسطة M.Nabeeh

ربنا ستر

الحمد لله ربنا كبير

المشاركة الأصلية كتبت بواسطة Ahmazong

بص يا سامح بيه .. اكيد العربية هتزحف بسيط بين كل قافلة وقافلة للقم الفرامل .. اكنك بتدوس وبتسيب .. بتدوس وبتسيب .. بتدوس وبتسيب .. بس abs بيعمل الشغلانة ده بس اسرع منك شوية 12 ل 15 مرة < دوسة > في الثانية .. كتير وبسرعة صح هههههههههه .. ( ههههههههه اكيد طبعا )لو العربية مفيهاش abs بقى هتلاقي أول ماتدوس تروح زاحفة عالاخير لأن اللقمة بتاعت الفرامل بتقفل على الطنابير مرة واحدة .. لكن اللي فيها abs بتقفل 12 مرة في الثانية زي ما قلت قبل كده .. ولو عايز تجربها بجد روح شارع فاضي واجري اويييييي وبعد كده اكبس مرة واحدة .. لو زحفت اويييي يبقى abs فيه مشكلة .. لو زحفت بسيط قوي لدرجة مش ملحوظة يبقى abs تمام ...... والله اعلم

اكيد لازم اجربها فى شارع فاضى لكى يطمئن كلبى ههههههههههههه حلوة كلبى ديه

المشاركة الأصلية كتبت بواسطة atefadel

طيب اة رأي حضرتك لو هي مفيهاش abs
هل كنت تتوقع الوقوف بالشكل دة ولا كانت فيها مشكلة

لا طبعا ده فرق شاسع انا الالنترا اللى كانت معايا قبل الصنى كان زمنها فرجت الدائرى كله عليا من قوة صوت زحف الكوتشات لكن فى الصنى الصوت كان بيروح وبيجى اكنك بتكارك بس بسرعة جدا وكان الصوة مش قوى وكمان كانت هتلعب خفيف من ورا لكن الصنى ولا الهوا اول مادوست فرامل عدلت نفسها ....* انا بس قصدى من الموضوع ان الabsسمعت انه مبيزحفش....*بس الفرق واضح طبعا