هل يوجد تعريف محدد للعشم؟؟؟
رجاء المساعدة في إجابة هذا السؤال الصعب.
وجزاكم الله خيرا...
عرض للطباعة
هل يوجد تعريف محدد للعشم؟؟؟
رجاء المساعدة في إجابة هذا السؤال الصعب.
وجزاكم الله خيرا...
والله الكلمة دى ليها تعريفات كتير جدا على حسب الموقف
ياعنى مثلا
لو حد عايز منك حاجة يبقى عشمان فيك ولازم يعملة اللى عايزة وقدم السبت تلاقى الاحد
انما بقى لو انت اللى عايز حاجة من حد فطبعا ابو عشم مااااااااات واحنا خدنا اية من العشم والكلام دا كلة
انما اصلا الاصول العشم هو انك تعمل للى انت عارفة جميلة فى استطاعتك لو بتعملة شغل تخدمة فى الشغل مش اكتر
العشم انك تكون صديق او قريب او اي شخص بينك وبينه علاقه كويسه ويطلب منك او تطلب منه حاجه وانت متاكد انه هيوافق عشان عشمان فيه
يعني تبقي مش متوقع انه ممكن يرفض عشان انت عارف انه بيعزك قوي
العشم هوه أنك تكون جعان طول اليوم مكلتش وقدامك سندوتش كومبو
ويجييى صاحبك تقوله أتفضل يقوم واكله بمنتهى البساطه
المعمله خد وهات ... عمك عشم مات
ماقولة تكتب في بعض المحلات
جزاكم الله خيرا على مشاركاتكم
ماذا عن تحمل الأذى ؟
هل من العشم تحمل الأذى ؟
وإلى أي مدى (حسب تعريف العشم) يمكن للإنسان أو من الواجب عليه ان يتحمل الأذى؟؟
وأي درجات القرب بين الطرفين التي تجعل هذا التحمل واجبا حتميا بحيث انه اذا لم تتحمله صار عيبا وكنت ملوما عليه؟؟
ههههههههههههههههههههههههه ههههههههههههههههههههههههه ههههه
بجد من اجمل ما قيل عن العشم
بس احب اضيف في اخر كلامك
انه اكله وهو لسه متغدي اصلا
ههههههههههههههههههههههههه
==========================
العشم انك لما تكون بتشتغل في حرفه معينه او فاتح محل
بيكون نوعين
اولهم انك ساحر فبيجيبولك الحاجه مفرومه والمطلوب منك تشغلها باقل التكاليف او ب10% من التكلفه الحقيقيه
وثانيهم ان واحد صاحبك العشم ياخده ويجيبلك موبيلات العيله كلها (زي ما بيحصل معايا) وعاوزك تصلحهاله بدل ما انت قاعد فاضي مبتعملش حاجه وببلاش برضه
بس الحمد لله موتت 95% منهم هههههههههه
اي ان تعريف العشم
هم انك ومالك ووقتك وكل ما تملك في خدمه شخص ما قد تكون غير متذكر اسمه حتي
ولكنه فقط عشمان فيك
وفيه ناس بتبقي عاوز تشيلها من علي الارض شيل حبا وكرامه فيهم
ويزعل منك ويبقى شايل في نفسه وتكون مقصر إنك مطلبتلوش بيبسي يبلع بيه.
المشكلة ليست في عمل الخدمات المجانية ولكن ما أقصده هو الأسئلة التي كتبتها في المشاركة السابقة وهي:
(وان كان ايضا الخدمة المجانية مع كثرتها هي نوع من الأذى المادي حيث أن هذا العمل هو مصدر رزق لك وليس عمل للهواية او قتل الفراغ )
ملحوظة :
كده ممكن تطمئن أني لن أفكر أبدا في تصليح الموبيل عندك أبدا :Oc_sun1[1]:اقتباس:
بس الحمد لله موتت 95% منهم هههههههههه
كلمة مطاطة وتعريفها يختلف من شخص لاخر
ولكن اغلب التعريفات المادية للعشم تنصب حول الحصول على خدمة مجانية
وهناك تعريفات معنوية للعشم كتحمل اذى الأخرين من الأصدقاء والخ وهناك تعريف اعجبنى منقول
اقتباس:
عليك ان تكتم غضبك وغيظك حتي عندما تتشاجر مع احد أصدقائك {المتعشمين} بعد ان يخطىء بحقك او يشتمك ..فليس لديك الحق هنا ان تثور لكرامتك او ان تنتظر منه اعتذرا لانه فعل ما فعل وقال ما قال من قبيل العشم فيك . وعندمت يتدخل صديق او قريب بشكل فج ومباشر في تحديد تصرفاتك وامور حياتك الخاصة ويصادر آراءك وافكارك فعليك الا تغضب لانه يقوم بذلك من باب العشم وعليك لا تنفعل وتتضايق عندما يستخدم صديقك هاتفك لمحادثه اهله في الخارج لمدة ساعه لانه يستعمل جهازك عشما بكرم ومحبتك وعندما يطلب منك احد اصدقائك توظيف قريب له لايملك اية شهادات او خبرات ومعروف عنه عدم الالتزام بعمل ما عليك الا تخيب ظنه فيك حتي لو اثر ذلك في وضعك الوظيفي لانه يتعشم فيك مساعدته من دون نقاش ولابد ان تعطل مصالحك وعملك من اجل ان تقوم بتسيير مصلحة معطله لقريب او صديق لانه يتعشم فيك التفاني تجاهه حتي لو كان قد خيب املك في اكثر من موقف فكم من الاساءات الانسانية ترتكب تحت يافطة العشم والتي نكتشف علي ارض الواقع انها بعيدة عن المحبة والثقة بل اهمال واستغلال وعدم احساس بالمسؤولية واستهانة بمشاعر الطرف الآخر فالصداقه القرابة والزمالة لاتعني ايذاْ طرف لطرف آخر ولاتستوي مطلقا في الاخذ الدائم من دون عطاء وليس من حق احد ان يستغل صديقه او قريبه بحجة
وماذا إذا تحملت من الأذى الكثير (علما بأنه ليس هناك أي علاقة صداقة أو قرابة) ثم إذا فاض بك الكيل وخرجت من صمتك واعترضت...تكون المفاجأة ان الطرف الأخر يوجه لك اصابع الإتهام أنك انت المخطيء لأنك لم تشتكي من قبل و توضح له أن مايفعله يؤذيك !!!
العشم هو اثنين فى واحد او واحد على واحد
على فكره ده راجع لان اصلك طيب وبتيجى على نفسك خوفا على شعور الاخرين
وبالنسبه للطرف التانى عاوز اقولك ان ده طبيعى عند اصحاب الامبالاه والكل يتهمك بالخطاء وانت من جواك على يقين انك صح وانك راضيت ضميرك
بدليل انك تحملت الاذى ولم تشتكى واصبحت انت المتهم والمتسبب فى الاذى النفسى ليك بنفسك
نصيحتى : خليك زى ما انت لان مهما الناس قالتلك اتغير انت مش هاتعرف . دى طبيعه
ربنا يوفقك ويبعد عنك الناس دى
اخي الكريم أستاذ ابو اياد
اشكر لك هذه الكلمات الرقيقة ودعوتك الطيبة
المشكلة أن الأذى واضح وضوح الشمس لا مجال في أن يفهم خطأ أنه بنية صافية أو غير مقصود أو يحتاج ان ينتظر الطرف الاخر حتى اقوم بالتنبيه انه خطأ
يعني تخيل مثلا(أمثلة تصورية وان كانت قريبه من الواقع):
ان تصبح كل يوم تجدني وقد القيت صندوق القمامة امام باب بيتك واذا اقرضتني شيء لاستخدامه أرجعته اليك بعد الحاح منك ثم تفاجأ انه تالفا ثم اني لا أبالي بأي ازعاج أسببه لك في أي وقت من اليوم ليلا أو نهارا ولا اعتبار لفرق السن بيني بينك الذي قد يقرب من 10 سنوات
ثم اقوم بتجريح سيارتك كل يوم بسيارتي ثم اطلب منك أن توصلني بسيارتك الى مكان عملي ويجب ان يكون بيتك مفتوح لي ليل نهار....الخ...الخ ...
هل هذا النوع من الأذى يحتاج الى تنبيه ؟؟؟؟!!!!
اقتباس:
مهما الناس قالتلك اتغير انت مش هاتعرف . دى طبيعه
أزمتي في حياتي...
طبعا قريت موضوع حضرتك من الاول بس كنت محتاج امثله علشان اقدر اوضحلك وجهة نظري لان العشم ده بحر مابيخلصش ماشاء الله
اولا بالنسبه للعشم و بعض ردود الاخوه كلامهم حلو بس الكلام ده يمكن يكون زمان لكن دلوقتي الكل بيستعبط بقي بيستنطع فيها لما يلاقي قصدك مره في خدمه وانت عملتها كده يعني هايقولك ده راجل خدوم و ميه ميه نبقي نرمي هيلب عليه :00020140:
فقدامك حاجه من اتنين يأما تعملها و خلاص و تقابل بعد كده من اللي هاييجي منه
يأما توزنها بميزان عدل بمعني تشوف كل واحد بالنسبالك هو ايه و مكانته و هل عملك خدمات قبل كده ولا لأ و كده يعني و علي اساسه تقرر بقي هاتعملهاله ولا لأ
ممكن واحد يقصدك اول مره في حاجه و تقول اهي اول مره ماشي هايجيلك تاني و هو ماعملكش خدمه ولا اي حاجه مقابل اول خدمه انت عملتهاله دي تقوم منفضله كده يعني ممكن تحرجه علاشن يحس علي دمه (انت مابتعرفنيش الا في المصالح..بهزار يعني)
معلش بص هو التعامل مع البشريه دي مشكله في حد ذاتها و ياما هاتتعلم بس المهم الدرس اللي تتعلمه تحفظه علشان مايتكررش تاني
الامثله اللي حضرتك قايلها دي مش عشم ده اسمه استنطاع او لامبالاه من اللي قدامك علشان عمل حاجه مره و حضرتك ماتكلمتش فهو قال ده باين عليه عادي (علي حضرتك يعني) و للاسف لازم يبقي ليك موقف حاسم في الامور دي يأما هايفضل الوضع كما هو عليه و للاسف العينه من الناس دي مش هاتفهم انك مضايق ولا بالتلميحات و لا بالاشارات حتي دول لازم يتقالهم الكلام كده خبط لزق علشان البعيد مابيحسش و ماتقولش مش هاتعرف تحاول دلوقتي علشان لما هاتيجي تقولها هاتقولها و انتي هادي علي اساس ان الموضوع مش كبير اوي غير لما تفضل ساكت تفضل ساكت و الموضوع بيزيد هاتنفجر و اوعي وشك بقي ساعتها و كله ياخدله ساتر و كلام كده :_Alshmokh08[1]::_Alshmokh08[1]::_Alshmokh08[1]:
ارجوا اكون وضحتلك وجهة نظري
مع الوقت هاتتغير لانك لازم تتغير علشان تغير حاجات كتير مضايقاك فهتلاقيك ارتحت
مشوار الاف ميل يبدا بخطوه تتتارار :44::44::44:
اخي الكريم أستاذ walidadel
اشكرلك ردك الكريم وتفاعلك مع الموضوع
أحيانا كثيرة اشعر فعلا ان المشكلة تكمن في داخلي أنا وليس في الناس لأني لا أواجه الطرف الأخر من أول مرة شعرت فيها بالضيق واحاول ان التمس له العذر وأن ليس بطبعي رد الناس إذا ماطلب مني خدمة وكنت قادر على ادائها والله أكون في منتهى السعادة.
ولكن كما وضحت أنا أزمتي في تحمل الأذى الزائد عن الحد والغير مبرر في مقابل معاملتي للطرف الأخر والتي أظن انها معاملة طيبة فتجدني اشعر بالغليان بداخلي ثم لا استطيع إلا ان أقابله بابتسامة واعامله بكل ود رغم البركان الذي يتأجج بداخلي لكن هذا البركان لا يفلح في كسر الحاجز النفسي لطبيعتي الهادئة و يصعد الى الفوهة التي هي لساني ليحرق من أمامي بل يظل مكبوتا داخلي يحرق في نفسي واعصابي...
أشكرك مرة أخرى لمشاركتك الطيبة وجزاكم الله كل خير...