الموضوع: تقرير عن تغير عفشة أفيو 2008

المشاركة الأصلية كتبت بواسطة أشرف العدوي

نخش في الموضوع على طول

طقم مساعدين أمامي kyb تايلاندي غاز و زيت 620 جنيه
طقم مساعدين خلفي kyb ياباني زيت فقط 188
طقم بيض مقص ctr كوري 95
تيش ميزان ctr كوري 75
بارات دركسيون ctr كوري 120
2 جلبة مقص تايلاندي 30
طقم طنابير كوري 160
طقم تيل أمامي كوري 60

يبقى كدة المجموع 1348
ظبط زوايا و ترصيص 40
مصنعية و كاوتشة ( بتتحط بين المساعد و السوسته أمامي . غير موجودة بالفبريكة ) و جاز و بنزين لغسيل العفشة 250

يبقى التكلفة الكلية 1638

طبعاً انا مارضتش اجيب اي حاجة اصلي لاني كنت مجربها في العربية اصلاً و كانت زي الزفت

ملاحظات مبدئية

طبعاً اصوات التزييق اختفت تماماً

الأحساس طبعاً مختلف كلياً و انا سايق


في اسعار بعض المساعدين أنواع اخرى

ماندو خلفي 200 ( و ده أقل سعر )
أمامي ماندو غير موجود بالسوق
نوع صيني امامي 300

أصلي أمامي من 680 حتى 850 و نوعه ماندو بس بيقولوا عليه اصلي


معلومة لأصحاب الاوبترا
سعر الأربع مساعدين kyb بس مش عارف تايلاندي و لا ياباني 1200

في حاجات كنت واخدها بسعرها الأصلي لأنها من محل صاحبي الانتيم طبعاً مش هينفع اقول أسم المحل هنا

المساعدين الأمامي الـ kyb يعتبر مش موجودين في السوق حتى المستورد نفسه مش عنده و هتيجي بعد 15 يوم و سعرها عند المستورد 566 جنيه و الدفعة الي جاية غالباً هتبقى اغلى علشان سعر الدولار حسب كلامه

قلبت السوق على طنابير ريمسا للأفيو مش موجودة نهائي

اي خدمة

أبو آسر حبيبي في مأساة الآفيو - أحب أقولك ربنا يباركلك على التجديدات - و يجعل نصيبك غير نصيبي - علشان أنا عملت كل اللي انت عملته - مساعدين كي واي بي و جلب كوري و كاوتش ياباني و تغيير اسكاترا و طنابير و كل شيء و برضه النتيجة صفر - أنا جبت المساعدين دول من سنة قبل الثورة مباشرة و اضطريت أرجع للماندو علشان النشفان بتاع الكي واي بي - بس أنا ماصبرتش عليهم لما يطبعوا و بانصحك ماتعملش زيي و تصبر عليهم و انشاء الله تمون النتيجة مختلفة
بس بعد اذنك يا باشا تصورلنا و توصفلنا الكاوتشة اللي بين المساعد و السوستة اللي انت اتكلمت عليها دي علشان انا مش عارفها رغم اني حفظت عفشة الافيو
يكونش قصدك على الصدادة التيفلون البيضاء اللي شبه الاكورديون - دي موجودة عندي فابريكة وللعلم عربيتي مصري
عموما احنا في انتظار الصور و الوصف حتى و لو كانت هي علشان فايدة باقي الأعضاء
و ماتنساش تقولنا ايه وضع أصوات العفشة بعد التجديد من ناحية التخبيط في النقر و المطبات الصغيرة