مين أحسن عربية ذات ماركة مشهورة و ضمان عادى (3 سنيين أو 60000 كم) و لا عربية مش منتشرة أو جديدة فى السوق وضمان اطول ( 5 سنيين أو 100000 كم)
عرض للطباعة
مين أحسن عربية ذات ماركة مشهورة و ضمان عادى (3 سنيين أو 60000 كم) و لا عربية مش منتشرة أو جديدة فى السوق وضمان اطول ( 5 سنيين أو 100000 كم)
الأولانية عن خبرة دي بلد بتخاف من الجديد
أنا عن نفسى أفضل ماركة جديدة أو مش منتشرة بس بضمان حقيقى أطول
والله حسب فلوسك ... ونظرتك للصيانه بعد كده ... وكمان قطع غيار (متوفره ولا لا وبكام )
أكنك بتقول إلنترا ولا سيراتو :)
أنا حختار الشكل إلي يعجبني مش حيهمني الضمان لأن ٣ سنين و-٦٠٠٠٠ مش قليلين
"مش منتشرة" دي كلمة لو اتقالت عن العربية اللي أنت عاوزها , إجري بعيد عنها على طول
أنت لاقي فلوسك ؟؟
لا حد حيشتريها منك ولا التوكيل اللي عنده ضمان طويل ده حيسأل فيك بعد خمس سنين
تعرف حد بيبيع مسمار لسيفيك قديمة ؟؟ أو شاريد قديمة ؟ أو فورد قديمة ؟؟؟
أحسن حاجة لمصلحتك , اركب زي القطيع والحمد لله حاليا القطيع بيركب عشرة عربيات على الأقل و زمان مكنش فيه غير اللادا و الفيات
والقاعدة دي تنطبق على الدول برة مصر كمان
لما رحت الخليج سألت الناس بتركب معظمها إيه , قالوا تيوتا و شيفورليه , طبعا ركبت مع الناس
أما صحبي اللي فرحان بالسعر وركب مرسيدس علشان حلم طفولته
يا خرابي على اللي حصله يا خرابي
=========
يرجى من العضو الكريم
مراجعة قوانين المنتدى
حيث أنه يحذر استخدام اللون الأحمر لأنه مخصص للإدارة فقط
ويرجى تصغير حجم التوقيع لأنه مخالف ايضا
وشكرا
الادارة 3
انا عن نفسي اخترت ماركه مشهوره علشان خاطر الصيانه والتوكيل لو مش مشهوره
انا مضمنش صينتها ولا توكيلها حتي لو اداني 10 سنين ضمان او 500 الف ك.م ......
انا راي المشهورة طالما احسن
في وجهة نظر بس في الضمان الطويل ،،
الضمان الطويل يعني التوكيل هيكسب منك خمس سنين ،،
مصاريف صيانة في التوكيل ،،
و معروف ان معظم الناس مبتلتزمشي بالصيانة في التوكيل اكتر من 40 الف كم
يتأكد بس ان العربية مفهاش عيوب صناعة
و بعد كده يخلع
لأن مصاريف صيانة التوكيل مبالغ فيها جدا
بس لو أكيد لو عربية مش منتشرة التوكيل حايولع صوابعه العشرة شمع علشان يعمل سمعة كويسة و يبيع و يكسب و ادينا شايفين غبور مثلا