اولا السلام عليكم ورحمة الله وبركاته
عندي سؤال في غاية الأهمية
هل لو مشيت بالعربية وفيها رفرف او اكصدام لونه مختلف عن لون العربية ،فيها مشكلة مع المرور ؟؟؟؟
والله المستعان
،
،
عرض للطباعة
اولا السلام عليكم ورحمة الله وبركاته
عندي سؤال في غاية الأهمية
هل لو مشيت بالعربية وفيها رفرف او اكصدام لونه مختلف عن لون العربية ،فيها مشكلة مع المرور ؟؟؟؟
والله المستعان
،
،
اه هيعتبر ان العربية لونين ولازم يبقو مكتوب في الرخصة انها لونين
وهيدخلك فحص وحوار
طبعا الكلام ده كان زمان مش عارف بقى دلوقتي الدنيا فيها ايه
لاني كنت بفكر اعمل السقف لون سيلفر والناس قالتلي بلاش بسبب الموضوع ده
هو ممكن يتكلموا على السقف
بس مفتكرش حد هيتكلم عن اكصدام او رفر
ولو حد اتكلم هقوله انا لسه مغيره النهاردة وهبقى اروح ارشه
انا شفت واحد فى المرور كان بيفحص والاكصدام بتاعه كان مغيره بواحد جديد والظابط قاله انا المفروض اخليك تروح ترشه وتيجي تانى بس هعديها
لو هايتكلم هابقي امن ومتانه دا لو عاوز يرخم
لا صعب ان حد يتكلم معاك يا باشا لو ده لون الاستوك بتاع الاكصدام
لكن لو حضرتك ملون الاكصدامات فكده مخالفه علشان العربيه هتبقي لونين
بس الفتره دي لو عاوز تمشي ب 10 الوان محدش هيكلمك :)
شكرا لكل الي رد علي موضوعي
انا باختصار شديد جدا
غيرت الرفرف اليمين بواحد استيراد لونه مختلف تماما عربيتي زيتي وهو ازرق فاقع
وغيرت اكصدام امامي بواحد استيراد لونه فضي وبصراحة الكونتراست بتاع الفضي والزيتي شيك جدا جدا مع بعض
وغيرت اكصدام خلفي بواحد استيراد لونه تركواز وفي فرق لون بس مش نشاذ اوي لأن الفرق صغير بين الزيتي والتركواز بس بردو لونه مختلف
انا ناوي اعملها بس مش دلوقتي بصراحة
وماشي بيها علي كدة
بالنسبة للأمن والمتانة انا عندي بفضل الله جميع الأنوار والكلاكس شغالة والفلاشرات والغمازات
عشمي في ربنا ان محدش يوقفني من هنا لحد لما اعملها
والله المستعان
،
،
بالمرة في سؤال تاني
لو انا عملت النص التحتاني بتاع العربية كلها بلون فضي
يعني الأكصدامين ونص الأبواب والرفارف
هل لازم اثبتها علي الرخصة ؟؟؟
ولا امشي بيها كدة ؟؟؟
وهل لو اثبتها علي الرخصة هتقلل من ثمن العربية في حالة اعادة البيع ؟؟؟
والله المستعان
،
،