مشورة فى ال mba تعليم عن بعد ولا الاكاديميه البحريه

بعد بحث و تمحيص

الجامعه الامريكيه و عين شمس بيدوا MBA من جامعه ادنبره
الجامعه الامريكيه بتتكلف فوق 80 الف مستريح

عشان تاخد الشهاده من الاخر من جامعه ادنبره - الكلام عن الجامعه ديه اونلاين كويس جدا و كمان شهادتها كويسه جدا

فى الاخر الجامعه الامريكيه هتدرسلك الكتب بتاعه التعليم عن بعد اللى بتدعمه ادنبره من خلال دكاتره الجامعه الامريكيه و بتمتحنك فى الاخر الامتحانات من ادنبره

فلو درس لواحد تقريبا الشهاده هى هى بس هيقولوا درستها فين و مش محبوب فى الدول العربيه و مصر موضوع انك قعدت فى بيتكم تذاكر

ديه هتتكلف 43 الف جنيه


الاكاديميه البحريه الشهاده معتمده فى مصر و الدول العربيه و مالهاش اعتماديه بره و هتتكلف برضه فى نفس الحدود 40-50
بس ده تعليم اكاديمى يعنى فيه دكتور و شرح و فيه thesis فى الاخر و كل حاجه بس اعتماديتها عالميا لا ترقى لاعتماديه ادنبره و لا اكنها موجوده بس عربيا و مصريا موجوده

ايه رأيكم ؟؟؟
حد يكون عنده فكره و شاف و جرب و فاهم يقولنا ايه النظام :)

منقول

اقتباس:

---

تم الارسال 17 April 2007 - 11:59 AM
جئتكم من سبأ بنبأٍ عظيم

اتصل بي صديقي في المجلس الأعلى للجامعات وقلب لي الأمور رأساً على عقب بخصوص شهادة الماجستير لأي تخصص .. ومش عارف الأخبار دي هاتعتبر وحشه ولا حلوه ...وإليكم الإفادة في نقاط :

1- لا يوجد شي إسمه شهادة ماجستير مُعتمدة من المجلس الاعلى للجامعات المصرية تم الحصول عليها من خارج مصر .. لإن شهادة الماجستير هي شهادة مُنتهية – مش إكسبير ولكن – هي شهادة مُستقلة بذاتها ... كإنك واخد كورس يعني .
2- وبالتالي ما بنفعش أحصل على ماجستير إدارة أعمال من جامعة كمبريدج مثلاً وأروح أقول للمجلس الأعلى للجامعات يالله أنا عايز أحضر دكتوراه في جامعة تابعة لكم .. لماذا ؟
3- لإن شهادة الدكتوراة في علوم ... كذا وحط إنت بقى إدارة أعمال تسويق مش عارف إيه او شهادة الدكتوراة في فلسفة الهندسة لازم يسبقها شهادة ماجستير من نفس نوعها .
4- في حين إن شهادة الماجستير التي سنحصل عليها من خارج مصر ستكون بغرض .. وخد بالك معايا ... إنك تبقى بروفيشنال في مجال إدارة الاعمال مثلاً .. وبالتالي ما ينفعش يبقى الموضوع سمك لبن تمر هندي .. وهذا النوع من الشهادات بيُسمى executive study في حين حصولك على شهادة الدكتوراة من نوعية PHD لازم يسبقها ماجستير أكاديمي يؤهل لهذا النوع ..
5- لكن أعتقد إن من حقك إنك تحضر دكتوراة من نوع DBA مثلاً
6- وبالتالي إنت لما تروح تقول للمجلس الأعلى للجامعات : لو سمتحوا إعتمدوا لي شهادة الماجستير اللي أنا حاصل عليها من جامعة إكس واي زد خارج مصر .. فهايسألك ليه يابني ؟ ما تروح تشتغل بها وإنت حر بقى . ومش هايخليك تكمل دكتوراة عندهم ... واللي عرفته حتى لو كنت حاصل عليها من الأكاديمية العربية .. وعايز تكمل في جامعة أخرى مصرية مش هايسمحلك إلا في الأكاديمية نفسها .
7- وبالتالي أختار إنت بقى الجامعة أو الجهة اللي تريحك وخد منها تلك الشهادة .


حد فهم حاجه .. عشان اللي فهم يفهمني اللي فهموا
هذا والله أعلى وأعلم

---

الكلام منطقى

لو انت واخد بكالوريوس هندسة اسمه العلمى Bachelor of Engineering Science

ويعرف بالاختصار الاتى BESc

بكالوريوس العلوم الهندسية

وبالتالى لو حبيت تكمل دراسات عليا يبقى لازم تعمل ماجستير وفيما بعد دكتوراة وتبقى اسمها ماجستير فى العلوم الهندسية ودكتوراة فى العلوم الهندسية

وبالتالى ماجستير ادارة الاعمال مش من نفس فصيلة شهادة العلوم اللى انت واخدها

فهمت حاجة؟؟

اقتباس:

---

المشاركة الأصلية كتبت بواسطة محمد عز

الكلام منطقى

لو انت واخد بكالوريوس هندسة اسمه العلمى bachelor of engineering science

ويعرف بالاختصار الاتى besc

بكالوريوس العلوم الهندسية

وبالتالى لو حبيت تكمل دراسات عليا يبقى لازم تعمل ماجستير وفيما بعد دكتوراة وتبقى اسمها ماجستير فى العلوم الهندسية ودكتوراة فى العلوم الهندسية

وبالتالى ماجستير ادارة الاعمال مش من نفس فصيلة شهادة العلوم اللى انت واخدها

فهمت حاجة؟؟

---

تمام فاهم
بس انا مش عايز اعمل دكتوراه
انا عايز اعمل ماجيستير عشان فرص عمل افضل و تعليم يوافق منهج معين فى الاداره
مش عايز ابقى دكتور اكاديمى

تعتمد على انت ناوى تشتغل فين

لو شغلك هيكون خارج مصر بمعنى هتكون مقيم خارج مصر ويتطلب الامر منك تصديق ومعادلة شهاداتك يبقى الاعتراف العالمى مطلوب

لو شغلك هيكون فى مصر يبقى الاعتراف المحلى كافى وخارج مصر الاعتماد الاساسى على الخبرة وده مش معناه ان الشهادة مش مطلوبة ولكن الاهتمام بالشهادة بيبقى اقل شويا من مصر

دا رابط فيه منح شوفوا شروطها ممكن تكون متوافقه عليكم
http://www.mbascholarships101.com/li...-scholarships/

و فيه منحة كلية وارتون ممولة من مؤسسة محمد بن راشد ال مكتوم حلوه جدا بس اخر ميعاد للتقديم 30 نوفمبر , لواي حد ورقوا جاهز ممكن يقدم فيها

و فيه منح تانيه ممكن تدوروا عليها

و ربنا يوفق الجميع

حضرتك مين قالك انه شهادة الأكاديمية غير معترف بيها خارجيا في مجال الـ mba انا طالب في الأكاديمية يا فندم وبقولك اديني فرصة لحد بكرة ان شاء الله اجيب لحضرتك رقم الإستعلام بتاعهم تتأكد احسن بالتلفون كمان

لو ظروفك تسمح بالحضور و الانتظام
يبقى الاكادميه فورا و بلا جدال
حتى لو شهادتها اقل فى الاعتراف العالمى من الجامعه التى بها الدراسه عن بعد
يكفى مهارات الاتصال و الشرح المباشر
ستكون الفائده اكبر بكثير