-
اشتري منين جالاكسي اس 2
ازيكم يا جماعة انا استقريت علي اني اشتري سامسونج جالاكسي اس 2
بس حاسس اني لازم اشترية بالضمان دلوقتي لقيت توكيلين سكاي ويونيون جروب وانا خايف يكون فية اختلاف بين الاثنيت خاصة في موضوع الكوري والصيني اللي الناس بتتكلم علية في المنتديات العربية
ياريت مساعده من ملاك الجهاز ............اشتري منين؟؟؟؟؟؟؟؟؟؟؟؟؟؟؟؟
-
السلام عليكم
اخي الكريم كيفيك
انا معاك ان الضمان حاجة كويسة ... بس لما تدفع اكتر من 1300 جنيه علشان ضمان يبقي كتييير
بضمان في مووبايل شوب ب4500
ولو هاتجيبه دولي 3250 من عبد العزيز او لو هاتيبجه من السعوديه ........ وكده كده الضمان سنه وماشاء الله انا جبت نوكيا وسامسونج وغيرهم من السعويده ومحصلش حاجة ... ولو جيت بيعه لا قدر الله هاتخسر كتير اوووي
بالملبغ ده اجيب النوت :))
انا 2 زمايلي جايبنه من عبد العزيز وماشاء الله شغال معاهم فل وانت اولي بالمبلغ ده
وفي انتظار رد باقي الاعضاء
ومتنساش الاستخارة
-
اصلي حاسس الصراحة اني المفروض اني اشترية بالضمان ....وفي انتظار رد باقي الاعضاء
-
بس بييجى وعلبه وكل حاجة من عبد العزيز؟؟
وهل بيكون معاه ورقة الضمان الدولى؟؟؟
وهل فى مكان تانى اجيبه منه بالسعر ده غير عبد العزيز وقرفه
-
في انتظار مشاركات الاعضاء.........
-
ايون طبعا بالعلبة بكل حاجته لكنك جايبه من السعوديه
التليوفن والشاحن والسماعه وكابل اليو اس بي والكتالوجات
وهو كمان بيشغلهولك
وتقريبا معاه ورقة الضمان الدولي ... هو صاحبي مش متأكد
يا اما بقي تحاول تجيبه كسر زيرو
-
ياريت لو حضرتك تعرف محل معين في عبد العزيز تقولنا ع اسمه ..
-
اعتقد في واحد منهم جابه من محل اسمه التميمي في عبد العزيز وجاب من عنده الجراب والسكرين بروتكتور وكل حاجة
وهاسالك التاني برده واقولك جابه منين
-
ياريت تسالنا وتعرف المكان
عشان لو ده من عند التميمى اللى قدام الاوقاف هيكون حلو اوى ومكان مضمون
معلش هنتعبك معانا اوى
-
متشكر جدا ...بس هل حضرتك تعرف النوت نزل ولا لأ ولو نزل سعره في رينج كام ...
-
اعتقد راديو محمد طلعت برضوا من الشركات المعروفة هناك وهتلاقي عندها الجهاز
ومحل العجيل في ميدان سفير شفت عنده التليفون
-
هو التميمي غالبا اخر عبد العزيز يمينك اتجاه قصر عابدين كده ....... هو اكيد معروف هناك
بالنسبة للنوت ......... حلم عمري ههههههههههه
داخل مزاجي بشكل بشـــــــــــــــع
ان شاء الله بفكر اقلب الجلاكسي الاس اللي معايا وا اجيبه مااشاء الله حاجة حلوة ههههههههههه
لو الحجم مش مشكلة بالنسبة ليك يبقي النوت
وصدقا يعني
انا معايا الجلاكسي بقالي تقريبا 6 شهور ..... لما مسكت الجلاكسي 2 محستش بفرق نهااااااااااائي غير السرعه تلاحظها اووي طبعا بس مفيش حاجة تشدك
بل بالعكس صديقي اللي جابه الوانه مش عاجبه.... يعني سامسونج قعدت تحلي في الالوان اووووي لغاية ما ضربت منهم .... هو بيقلي لو الجلاكسي الاس كان نزل بفلاش مكنش حد بص للاس 2
هو سريع جدا ماشاء الله بس مش اللي يشدك.......... بس الكلام ده بعد ما مسكت الجلاكسي اس .......... لكن واحد تاني معاه نوكيا او htc او غيره هاينبهر بيه فعلا ماشاء الله
النوت شاشته كبيرة و لما ينزله الايس كريم كمان بالبروسيسور ال1.5 دويل كور هايبقي الدلع كلــــــــــــه ماشاء الله وكمان فكرة القلم ديه ابداع ماشاء الله
انا من رأي خليك في النوت .... منه تابلت ومنه تليفون
وشوف ده وشوف ده وربنا ييسرلك كل خير يارب العالمين
وبكرة برده هاسالك صديقي التاني لانه متابع جدااااااااا سوق الموبايلات وارد عليك ان شاء الله
اقعد بالعافية :))
-
انا كمان بفكر في htc Sensation لكن لما دورت علي النت لقيت الناس بتقول ان السامسونج احسن
طيب برضة مفيش حد رد عليا هوة فية فرق بين يونيون جروب وسكاي ولا لا
وكمان هل فية فرق بين الكوري والصيني لو فية حد معاه الموبايل يقولي هوة صيني ولا كوري لاني كنت هشترية من السعودية لكن لقيت ان فية فرق بين الاثنين الناس ببتكلم علية في المنتديات
-
اشكرك اخى العزيز SonaSteel
بالنسبه لصناعة التليفون فأعتقد كله صينى وده عادى جدا
-
برضة مفيش حد رد عليا هوة فية فرق بين يونيون جروب وسكاي ولا لا
وده قصدي علي الصيني والكوري
لمعرفة الفرق بين الجالكسي اس تو الصيني والكوري galaxy s2
-
اية يا جماعة مفيش رد ولا اية .....
-
بصراحة اللينك اللي انت حطيته يقلق اني اجيب الصيني
بس ممكن يكون اللي بينزل مصر كله صيني او العكس
انت روح هناك و قلهم عايز اشوف التليفون في اي محل وشوف العلبة
اكيد في كوري .... علشان هو خليجي بما انه بضمان دولي
-
طيب ممكن اسال علي حاجة كمان
انا شفت امبارح ال htc Sensation XE الصراحة شكلة تحفة لكن انا قلقان من البطارية ممكن اعرف اذا كان فية حد هنا معاه الموبايل ده يقول لي اخبار البطارية بتاعته اية
واخبار بطارية ال s2 اية من ملاك الجلاكسي لاني شفت الارقام علي gsm arena ومش مصدقها الصراحة
-
اية يا جماعة مفيش حد هناعندة الموبايل ده ولا اية......
Content Relevant URLs by
vBSEO 3.6.0 PL2