الموضوع: صيانات الصني 1000,5000,10000,15000......... متجدد باستمرار

زي مانتم شيفين اسم العنوان هتلاقوا إن العربية بقالها مايقرب من سنتين .. أنا طبعا ساعتها مكنتش اعرف حاجة عن المنتدى الجميل ده .. فـدلوقتي حبيت إني اكتب تجربتي مع الصني في عدة صيانات مع إنهم قدام شوية بس عشان حبايبنا يستفادوا و

هم صيانة 1000 تمت وعملت تقرير بيها وهو
http://www.nilemotors.net/Nile/25812...الف لصني 2010)


صيانة 5000 تمت وعملت تقرير بيها وهو
(تقرير عن صيانة 5000 لصني 2010)http://www.nilemotors.net/Nile/258279-5000-2010-a.html

صيانة 10000 تمت وعملت تقرير بيها و هو
http://www.nilemotors.net/Nile/258551-10000-2010-a.html

نيجي بقى الجزء الرابع لصيانات عربيتي صيانة 15000 بتاريخ 6.8.2011 بمودرن موتورز

صيانة ال 30.000 فى التقرير ده

http://www.nilemotors.net/Nile/31470...post3874589650

تقرير صيانة ال 15.000
ما قبل الصيانة ..

دي بقى يا جماعة من أسوء أيام عشتها مع العربية .. لان العربية قبل مروح الصيانة . بدأت اسمع فيها صوت طرقعة كده وانا ماشي على طريق مش ممهد .صوت بصراحة مستفز قوي . الصوت اللي كان عند الأستاذ atefadel و عملوا عند السبع اللي هو لحام الفيبر اللي ورا يمين فاكك وبيخبط في السقف .. بس أنا عرفت الموضوع ده بعد الصيانة ده بكتير. و كمان بقيت باسمع صوت تزييء الكرسي اللي جنبي .. وكمان العربية اتخبطت بس خبطة جامدة شوية من عند الرفرف قدام شمال بس والدتي كانت بتسوقها لأني كنت مسافر .. دخل في العربية ربنا يحميكم يعني منهم .. نص نقل .. هو عندوا بقى الشبكة ولكابوت اتنو .. وانا الرفرف باظ بس مش قوي يعني .. طبعا كانت أول خبطة للنيسان فكنت زعلان قوي بصراحة .. بس الحمد لله اتردت على البارد بـ 50 جنيه .. طبعا دول 3 مشاكل حصلولي قبل الصيانة ..

الصيانة ..

طبعا بقى اللي زاد وغطى كمان إن صاحبي اللي في التوكيل سابوه .. وكنت متضايق جدا عشان مكنش حد هيحللي المشاكل غيره .. بس الحمد لله في هناك مهندس محترم قابلني وكده .. وقال لي هتعمل صيانة 15000 قلتله آه .. قال لي في مشاكل في العربية حاسسها قلتله طبعا على مشكلة الصوت والتزييء .. قال لي هنعملهالك قلتله ماشي .. وقال لي عايز زيت قلتله آه 10000.. المهم العربية دخلت وكن في رمضان بليل ..

ما بعد الصيانة ..

المهم العربية قاعدت ساعتين جوه .. المهم أنا اتخنقت من المدة ده .. بس عادتها يعني .. قال لي عملنالك كل حاجة .. وقال لي إيه الصوت كان من غطى الخشب بتاع الشنطة مكنش معدول .. ساعتها أنا استغربت وقلتله ازاي راح قال لي هو منه بكل ثقة .. طب والتزييء قال لي تمام و اتظبط .. قلتله تمام

الحساب ..

حسبت أنا بقى على

صيانة 15000 : 75 جنيه
فلتر زيت : 50 جنيه
زيت موبيل 1 : 210 جنيه
ضريبة مبيعات : 33.50 جنيه
مصروفات أخرى : 10 جنيه
=
378 جنيه فقط لاغير

تجربة العربية

طبعا الزيت فوق العربية شوية .. وباقي الحاجات ولا حاجة فيها اتعملت ولا الصوت راح .. ولتزييء قعد يوم كويس ورجع تاني .. ومشيت متضايق جدا .. و رحتلهم بعدها باسبوع عشان صوت الطرقعة ده .. وعملت مشكلة عشان مكانوش عايزين يشوفوا العربية عشان لازم احجز .. قولتلهم احجز ايه .. إذا كان وانا حاجز معملتوش حاجة فيها صح .. المفروض ده حقي .. وبلاش أقول الباقي عشان نظام المنتدى .. المهم ركب العربية ولف بيها لفة حلوة .. و لقى الصوت جاب واحد صنيعي من جوه وقالوا اركب كده واسمع الصوت .. لفوا تاني وراح واقف وفتح من ورا الكنبة كده لأ ازاز من ساعة الازاز متكسر .. قال لي الصوت منه .. برده مكنتش اعرف موضوع أستاذ atefadel .. رحت ماشي ورحت شايل الازاز كله ومندف مكانه وبرده الصوت زي ما هو ..

بعدها بقى على طول بقت بقعد عالمنتدى كتير وبستفيد من الصقور .. وعرفت بعدها الصوت منين .. وعرفت حاجات كتير اوي مكنتش عارفها .. فعلا يا جماعة المنتدى ده وخصوصا قسم نيسان ده كنز ومرجع لينا لاي حاجة محتارين فيها .. وبصراحة لولا القسم مكنتش ارتحت ...... أنا بقى إن شاء الله في صيانة 20000 هرُوح مركز أوتوا اجيبت هاقولهم على كل حاجة وإن شاء الله يعملوهالي ..

كده بقى يبقوا انتهوا سلسلة صياناتي لحد دلوقتي يارب يكونوا عجبوكم .. ولو عاجبوكم بجد .. ماتبخلوش علي بدعائكم ..

تقرير صيانة ال 30.000

http://www.nilemotors.net/Nile/31470...post3874589650
احب أكون خدمتكم ...