فابريقه يا باشا شغل ممتاز فعلا
فابريقه يا باشا شغل ممتاز فعلا
الف الف مبروك
و شغل عالى جدا , و تقفيل فوق الممتاز .
بس انا اول ما شفت الصوره بتاعتك و انت فاكك الهوايات قفشتك و عرفت انك هتعدلهم .
ما شاء الله ,الله ينور .
بجد تسلم ايدك
بس انت مين اللى عرفك ازاى تفك كل التابلوه كده .
انا عندى العده بس مجرؤتش افك التابلوه قبل كده ,
يا ريت الطريقه و الشرح بتاع فك التابلوه و تركيبه تانى . و مشكور جدا على المواضيع الهايله دى .
و يا ريتك كنت قولتلى و انت شغال قبل ما تركب .كنت هقولك على بعض الاضافات التانيه كمان .
بس خلاص انت ممكن تفك و تعمل تانى الحته اللى فوق العدادات كاربون اسود . عشان تبان من وش العربيه . و فى كمان الحته اللى جنب الاوكره بتاعة الباب من جوا و كمان مكان الزراير بتاعه الازاز و فى حته عند درج التابلوه ,و حته فى الكونسل .بس بطريقه معينه عشان متبقاش كتير و اوفر ,و الالوان كمان .
ان شاء الله هبقى ارفقلك صور بالكلام اللى اقصده .
و جميل اوى الموضوع بجد
و يلا كده عوزين نسخن القسم و نعمل مواضيع جديده .
صحيح يا ياسر الكاربون بيلزق كويس على جلد التابلوه و الاير باج و الا لا
لانه مبيلزقش كويس على الفبر الاسود التانى .
و بالنسبه لموضوع انك بعد فتره لو عاوز تشيله واو تغير او تعدل غيره .معرفش فى التابلوه اه نظامه بس اعتقد مش هياثر لانه مبيتعرضش للشمس كتير
لكن لو مركب على صاج العربيه ممكن يسيب اثر .و لكنى لقت نوع اسبراى جديد بيشيل الاثار كلها و بينضفه بسهوله زى اعلان القطنه مبتكدبش (هههههههههه بس بجد بينضف بطريقه رهيبه )انا شلت الكاربون اللى على المرايلت و نضفت رجعت زى ما كانى لسه شاريها .بس مش عارف ينفع على البلاستيك بتاع التابلوه و الجلد و الا لا. الله اعلم
و السلام ختام
تعديل جميل ما شاء الله بس كنت ممكن تعمله بطريقه من التلاته :
1- طريقتك فى هذا الموضوع بس لازم تفك التابلوه عشان الشغل يبقى على نضافه . و لو حبيت تشيله لازم تفك التابلوه تانى ,الميزه انه ممكن يتشال عادى
2- ترشه و طبعا لازم يتفك .و العيوب مش هتعرف تفك الايرباج بتاع اللى جنب السواق .و مش هتعرف ترجع العربيه زى الاول الا بالرش تانى .و مش هتظبط زى الفبريكه. و هتبان و مع الوقت اللون هيبهت.
3- الطريقه بتاعتى الجديده و هى لسه فكره و ربنا يسهل و تنجح ,و الميزه .1- طبق الاصل من الكوبيه بنفس تعاريج الجلد و الكتابه اللى عليه .2- ممكن اعمل التعديل ده من غير ما افك اى قطعه من التابلوه او من العربيه عموما ما عدا الجنوط .3- لما احب اشيله هيتشال فى سهوله جدا و مش هياخد اكتر من 3 دقايق .4- مش هفك التابلوه و انا بشيله.5-عمره ما هيبوظ التابلوه باللزق لان مفهوش اى ماده صمغيه او لزق اصلا .6- بيعمل طبقة حمايه ضد العوامل الجويه كلها 7- عمره طويل و لونه مبيتاثرش بالشمس اصلا .8- قابله للتنضيف و التصليح لو حدث بيه شىء .9- عديم التاثير بالمره على الاير باج اصلا .و لا يؤثر على اى شىء فى التابلوه .او السياره عموما .بل بالعكس يعطيها طبقة حمايه .
يا قلبك الجامد انك تفكك فى العربيه بالطريقه ديه
بيلزق كويس بس لازم يتسخن كويس اوى باردوا وبيبقى عامل زى المنديل كدا من كتر ما هو طرى
وعلى فكرة مش بيسيب اى اثر يعنى انا كنت عامله على الجنوط ولما شلته كانت المكان اللى عليه اللزق انظف من الباقى .. مع ان الجتط بيتعرض لكل عوامل الجو وسخونة من الفرامل وشمس فا اعتقد مفيش منه اى ضرر
مش لازم افك التابلوه على فكرة عشان اشيله تانى انا عمله بطريقة ممكن اشده من برا بس براحة وهيفك
الايرباج بتاع الراكب سهل يتفك بس عايز وقت شوية وكل اللى فى الموضوع فيشة بتتفك منه بس مش اكتر بس انا افضل وانا بعمل كدا انى افصل البطارية.
الطريقة التانية دى بـ plasti dip مش كدا