عرض للطباعة
يا جماعه انا كنت عايش برا مصر وكنت بغير وببدل فى العربيات زى ما انا بغير فى الهدوم اشى المانى واشى امريكى ..المهم ..نزلت مصر واستقريت فى مصر وبدور على عربيه شبابى من 15الف الى 20 الف مش لاقى عربيه كويسه ...قولوا ليا اعمل ايه ولا اشترى ايه ...لو اى عربيه حوادث اشتريها واصلحها ... رجاء سا عدونى فى شراء اى عربيه ...اسف على الازعاج
السلام عليكم و رحمة الله و بركاته
ماهو يا باشا, ايه اللى خلاك تسيب بره و تنزل مصر ؟؟؟؟؟
لو تعرف ترجع بره تانى, ارجع .
مش عارف اقول اي حاجة
ده عنوان !!!! وبالله ادخل وهتتجنن ليه ده كله
في حد كان راكب الماني وبيغير في العربيات زي الهدوم
وبدور علي عربية ب15
!!!!!! انا مستعجب منك
ربنا يوفقك في حاجة ترضيك
كلامك غريب بصراحه :))
الماني ايه اللي ب 15 الا لو بيتلز
ايوه ياجماعه كلامه مظبوط المرسيدس والاوبل بره مصر بالاسعار دى
انا عندى انك تاخدها موصلات احسن انا زيك عايش بره مصر ويوم ما اشتريت عربيه والشركه طبعا هيا اللى بتدفع حقها جبت سيراتو موديل السنه اللى فاتت مع انى كنت اقدر اجيب فورد موستنج او جيمس يوكن اولكزس موديل قديم شويه ومردتش عشان لو اتعودت على العربيات العاليه دى مش هعرف اسوق عربيتى اللانوس وحضرتك بالمبلغ دا بتتكلم فى 128 ولو جبتها بعد اللى انتا سوقته دا فعلا مش هتركب عربيات تانى حاول تعلى المبلغ وربنا يكرمك بعربيه كويسه
اقتباس:
المشاركة الأصلية كتبت بواسطة bmya
يا ريت 15 تجيب بيتل نضيفه اصلا d:
ده كنت راكب النترا بعتها اشتريت لانوس مستحملتهاش شهر وبعتها وفضلت اني امشي كده بنفسي
يا باشا معلش انت ايه الي جابك
انا نزلت من 6 سنين وبحاول ارجع تاني برا مصر وبكل الطرق الممكنه
نصيحه لوجه الله واتمنى من الله ان تاءخذها ماءخذ الجديه ابعد بقدر المستطاع عن شد اى عربيه حتى وان وجدتها ببلاش معظم العماله فى مصر مؤلمين بمعنى الكلمه وغير كده فاجوميين لاءقصى درجه ممكن تبيع هدومك وينبح صوتك وتنتابك حاله نفسيه وتخسر كمان العربيه لالالالالالالالالاابالغ صدقنى
ممكن فولكس تكشف على الرقبه اولا عند سمكرى تعرفه او ثقه لايكون بها لحامات + دواسات الارضيه وخلف العجل واعمل حسابك على 2000 جنيها خارج ميزانية السياره لاءن نادرا ما تجد سياره شبعانه فى بلد جعانه \ وارشح لحضرتك الادا \ 125 فيات \ او هوندا قديم سيفك \ وربنا يوفقك
ههههههههههههههههههههههههه ههههههههههههههههههههههههه ههاقتباس:
المشاركة الأصلية كتبت بواسطة MASERATI
اوعدنا يا رب بسفريه حلوه:plusone2:
بص انا هكلمك بصراحة شوية و اعتبرنى زى اخوك
معلش انت كنت برة مصر و عايش عيشة كويسة و بتبدل فى العربيات و كله بتعبك طبعا و بمجهودك ازاى بتدور فى مصر على عربية فى الرنج ده المفروض حضرتك تدور فى رنج على الاقل ميقلش عن 40 ولا 50 الف علشان تبدا تركب عربية كويسة الى حد ما بس انا معرفش ظروفك ولا المبلغ المتاح فعلشان كده مش عاوز افتى
السلام عليكم و رحمة الله و بركاته
ممكن لو -الموضوع مش شخصى- تقولنا, أنت كنت فين بره مصر عشان يبقى عندنا تخيل للصورة بره ؟؟؟؟
شكرا يا جماعه لكل الى فراء الموضوع انا بصراحه قبل ما اسافر كان عندنا عربيه ف البيت بس ما كنتش مقرب من سوق السيارات واسعارها فى مصر ..وبعدين سافرت السعوديه وبعد 3 شهور عملت رخصه وقررت اشترى عربيه روحت المعرض واشتريت جاكوار اكس تايب موديل 2002 بسعر 6000 ريال سعودى يعنى حوالى 9000 جنيه وبعدين نزلت مصر وقررت اعيش هنا وسط الاهل وكانت عايز ونفسى فى جولف 2 والله واقسم بالله كانت فى السعوديه بالفين ريال المهم انا قولت فى مصر هلاقيها ب20 الف مثلا...بس نزلت سوق الجمعه لكن صدمت بصراحه ....فكرت اشترى عربيه حوادث واصلحها بنصين مثلا من بور سعيد ..لكن والاغرب حتى سيارات الحوادث اسعارها فوق الخيال...عند موقع اسمه حوادث بيبيع عربيات حواداث لكن باسعار عربيات كويسه... فكرت اشترى ورق عربيه رانجلر واشترى وحده من السعوديه مثلا بحوالى 20 الف جنيه واقطعها نصين واجيبها على مصر..بس مش لاقى حتى ورق.... بصراحه حرام الى بيحصل فى مصر..اسف على الاطاله
اننضموا لحمله خلوها تصدى لما موديلها يعدى
السلام عليكم و رحمة الله و بركاته
آه قلبت على المواجع ... يا باشا أنا كنت عايش في ايطاليا ؛ و بدلت عربيات كثيرررررررر آخر عربية سبتها كانت جولف 4 فبريكا حالة 97 % موديل 2003 وغيرها كثير وطبعا هناك كانت مرتب شهر او 6 اسابيع بالكتير او ممكن اسبوعين كمان .... المهم بصراحة انا مش عارف حضرتك اذاي عاوز تركب عربية نظيفة في مصر ب 20 الف ؟؟؟؟ .... المشي احسن فعلا !!! كمان بلاش تشد اي عربية في مصر لانك سوف تفقدها و تفقد ادبك و ذوقك و فلوسك و حاجات تاني كثيرررررررررر وادعي لي ارجع تاني اعيش برة مصر .
فيات 132 2000cc او بى ام 316 1800 cc دول اللى ينفعوا بالسعر اللى حضرتك كاتبة وفى نفس الوقت شكلهم شبابى وقوتهم حلوة
يارب بعد الثورة حالنا يتعدل والجمارك يتعاد النظر فيها
والترخيص السنوي يتعاد النظر فيه
يعني ايه عشان راكب عربية فوق 2000 سي سي أدفع فلوس أكتر من 1600
ما أنا بدفعهم بنزين والبنزين عليه ضرايب أصلا
صبرنا يارب
استفسار من واحد مقيم في السعودية
إزاي
جاكوار اكس تايب موديل 2002 ب 6000 ريال
فين دي ؟
فى القريات وكانت جايه من الزرقا من الاردن وصاحبها الى قبلى اردنى وهيا اصلا كانت مستعمله فى اوربا حوالى 4 سنين وعلى العموم القريات دى بينها وبين الاردن حوالى 10 كم على حدود الحديثه وانا روحت كتير والعربيات الاوربيه منتشره هناك هناك علشان الجو برد ولو عايز ارقام معارض اكتبلك . مرسى على الردود