مساحة زجاج الادا

**emadelmahdy** · 27-11-2011 06:17 PM

عايز اعرف مقاس المساحة الادا عشان جيت اشترى المفروض اعرف رقم مقساس16 18 20 ياريت الرد وهى 2 مساحة سعر 10 جنية

**ahmedalramy** · 27-11-2011 08:26 PM

انا اول مره اعرف موضوع المقاس
انا اشتريتها 3مرات وهى هى مساحة اللادا

**emadelmahdy** · 27-11-2011 08:39 PM

البياع بتاع الاكسسوارات قالى لية مقاس وقالى على معتقد انوا باع مساحة للدايو مقاس 18 بس عايز يعرف لادا وشكرا على الرد

**lad** · 27-11-2011 09:54 PM

هيا 16 بس خليك فى ال15 عشان تتضمن انها ماتتزنئش فى الزجاج من فوق

**a7madramadan** · 29-11-2011 12:02 AM

انا لسه مغير بالنوع الرابر الكاوتش العريض شوية فرق كتير الحقيقة و سعر الواحدة 20 جنيه و بمجرد اني قولت للراجل نوع العربية جابهالي علطول ما سألنيش عن المقاس شكل البياع ده مش خبرة :d عموما انا فاكر رقم 16" ده كان على العلبة تقريبا والله أعلم بس خلاص رميتها للأسف

**ahmedalramy** · 29-11-2011 09:25 PM

المشاركة الأصلية كتبت بواسطة thediesel

انا لسه مغير بالنوع الرابر الكاوتش العريض شوية فرق كتير الحقيقة و سعر الواحدة 20 جنيه و بمجرد اني قولت للراجل نوع العربية جابهالي علطول ما سألنيش عن المقاس شكل البياع ده مش خبرة :d عموما انا فاكر رقم 16" ده كان على العلبة تقريبا والله أعلم بس خلاص رميتها للأسف

ممكن لو سمحت تقولى المساحات الكوتش العريضه دى جبتها منين او اقول ايه لبتاع الاكسسوار
لانى شفتها و عجبانى جدا وزهقت من المساحات الرفيعه

**a7madramadan** · 29-11-2011 10:46 PM

بيانات حضرتك بتقول انك فالقاهرة وانا في اسكندرية :) لو انت في اسكندرية تعالى على سموحة تحديدا عزبة سعد و هاوديلك للراجل بنفسي هوه ثالث محل جنب سعيد نصار اعتقد دا اشهر من نار على علم :) ... و لو من القاهرة شوف بقى اماكن بيع الاكسسوارات الي عارفها او اسأل الاخوة فالمنتدى هنا و اسأل على مساحات رابر Rubber وهم عارفينها بمجرد ما تقول الكلمة وكمان حاول تدور على نوع نظيف شوية عشان في انواع مش كويسة فالسوق بتبوظ بسرعة ومش محتاج تقوله على مقاسها لانهم المفروض عارفين :)