للمتفائلين فقط : عن السعادة الزوجية ما بعد الزواج

**AHMEDCAR** · 29-11-2011 09:59 AM

المشاركة الأصلية كتبت بواسطة sheko_2000eg

ههههههههههههههههههههههه و الله يا ابو صلاح انا موضوعك ده مموتني من الضحك موضوع جامد جداً
و بخصوص ال5 سنين
انا الحمد لله 100/100 صدقني و الله العظيم ان مفيش يوم من الخمس سنين
نمت زعلان فيه من مراتي او سبتها تنام زعلانة مني .

خدها مني نصيحة و شوف انا بعمل ايه لان الموضوع ده مهم جداً
يوم الخميس بودي مراتي عاند مامتها و اخرج انا مع صحابي و ارجع ابات في البيت لوحدي .
يوم الجمعة بعدي عليها بعد الصلاة و اخدها و اروح لامي و نعد معاها و بروح بليل .
يوم السبت بسبها في البيت و انزل اتسرمح شوية و اخلص شوية مصالح و ازبط شوية حاجات في العربية و ارجع اتعشي و العب مع العيال شوية و انام عشان الشغل .
باقي ايام الاسبوع من الشغل علي الجم و بعدين البيت و بس .

مهم جداً تبعد عن مراتك يوم في الاسبوع مهم جداً تفصل يوم في الاسبوع صدقني هتفرق معاك اوي .

و علي فكرة يوم السبت سعات بخرج انا و مراتي .

الخطة دي تلتزم بيها ابتداء من بعد 6 شهور جواز . و اباه ادعيلي .
و دي خطة البقاء ههههههههه عرفت باه لزاي انا لسة عايش بعد زواج خمس سنين ههههههههههههههههههههههههه هههههه .

الراجل ده بيقول كلام زى الفل انا بعمل زيه على فكره بس ممكن تفصل اكتر من يوم خليهم يوميين

**أبو إياد** · 29-11-2011 10:02 AM

المشاركة الأصلية كتبت بواسطة a7med_pharma

حد يقولي إجابة مقنعة (بعيد عن كلمة الاستقرار والبنطلون المكوي والاكل و إبنك لما يتشعلق في رقبتك)

عندما سألوا الامام الغزالي ما هو الزواج يا امام قال "ان الزواج ليس لمفاتن انثي ولا لوسامة رجل وانما لإعمار بيت علي مودة ورحمة وسكينة ومحاط بسياج من طاعة الله سبحانه وتعالي"

**shaddadfalcon1** · 29-11-2011 11:02 AM

المشاركة الأصلية كتبت بواسطة أبو إياد

عندما سألوا الامام الغزالي ما هو الزواج يا امام قال "ان الزواج ليس لمفاتن انثي ولا لوسامة رجل وانما لإعمار بيت علي مودة ورحمة وسكينة ومحاط بسياج من طاعة الله سبحانه وتعالي"

جزاك الله خيرا

علي فكره يافارما انا ابتديت اقتنع ان انت اللي عندك مشكله وخصوصا لما بتتكلم علي اختلاطك بالناس لو بتبص للجواز بالطريقه دي

**mado83** · 29-11-2011 03:42 PM

المشاركة الأصلية كتبت بواسطة sheko_2000eg

بصراحة دي اكتر حاجات عجبتني بعد الزواج :
1- اصحي من نومي الاقي فطار .
2- هدومي دايما ً مكوية و مغسولة و متعلقة .
3- لما اتاخر بلاقي حد بيقلق عليا و دايماً بلاقي حاجة بتشدني اني اروح البيت بدري عشان في وحدة مستنياني في البيت .
4- لما جبت اولاد باه دي متعة الحياة ادخل القي شوية لعب صغيرة بتجري عليا و بتقول بابا جيه و سعات بيقولولي يا شريف منغير بابا بس بردو مبسوط بيهم اوي .
5- باكل اكل نضيف مش اكل من الشارع و دي كانت حاجة تعباني جداً ايام العزوبية .
6- الفلوس بتكتر اه و الله بجد ربنا بيرزقني اكتر من الاول و ده بسبب الجواز و العيال .
7- وقت محمب اخرج مع مراتي بخرج منغير مواعيد و منعير شروط و منغير اي مشاكل (مراتي و انا حر فيها)
8- اكلت اكل عمري مدوقتو قبل كده و ده لان مراتي مشاء الله طباخة ممتازة و امي كانت فاشلة للاسف في الطبيخ فدا عمل فرق كبير معايا .

صدقوني الجواز ده نعمة من عاند الله و لازم ننعم كلنا بيها.
بالمناسبة انا متزوج من 5 سنوات و عاندي ولدين تؤام سنتين و نص .

ربنا يهديكم لبعض ويبعد العين والشيطان عنكم
وعلى فكره انا عايز اقول ان كل اللى متجوزين وبيفضلو يقولو الجواز وحش ونكد والكلام ده هو بيبقى بهزار بس بعد كده اللى بيقول حاجه زى دى بيصدقها وبيفضل تمسك بكلامه مع العلم انه ممكن يكون فعلا سعيد فى زواجه ولكن كلامه ده اللى بيخليه يصدق نفسه انه مش مبسوط

**shaddadfalcon1** · 29-11-2011 04:50 PM

المشاركة الأصلية كتبت بواسطة mado83

ربنا يهديكم لبعض ويبعد العين والشيطان عنكم
وعلى فكره انا عايز اقول ان كل اللى متجوزين وبيفضلو يقولو الجواز وحش ونكد والكلام ده هو بيبقى بهزار بس بعد كده اللى بيقول حاجه زى دى بيصدقها وبيفضل تمسك بكلامه مع العلم انه ممكن يكون فعلا سعيد فى زواجه ولكن كلامه ده اللى بيخليه يصدق نفسه انه مش مبسوط

صحيح مليووووووووووووون في الميه وده اسمه الوهم او الوحي حاجه زي كده
انت بتوحي لنفسك ان مراتك وحشه والشيطان بيزين الفكره في دماغك لحد ماتبتدي تصدق انها حقيقه
يعني حاجه كده شبه Inception

**friendship7897** · 29-11-2011 04:58 PM

الله عليكم كللكم - أنا مبتسمة من بداية الموضوع
حواركم جميل أوي ( المتزوج <شداد ، أبو صلاح ،شيكو > بيتكلموا بجدية ولكن فيها مرح ومرارة ، وغير المتزوج < شنهوري ، وأحمد العدوي> بيتكلموا بمرح ، ولكن فيها جدية ومرارة ) وكل واحد نفسه يكون مكان التاني بالمميزات فقط ويسيب العيوب - هههههه وربنا يوفقكم
أقنع نفسك أن اليوم خير من الأمس وأن غدا سيكون بإذن الله خير وتفائلوا بالخير تجدوه

ولكن .....

**m000dy** · 29-11-2011 07:07 PM

وغير المتزوج < شنهوري

هههههههههههههههههههههههه
الحق يا عم بقيت شنهورى ملك الجن ههههههههههههههههههههههههه هه

اللى يغيظ بقى ان الواحد مننا يقف ويخطب ويقول انا مالى واصرف على واحده تانيه ليييييييييييييه
واحد غلط وخلف انا اتحمل نتيجة غلطه واصرفلها على بنته ليييييييييييه ههههههههههههههه
وفجأه تلاقيه تانى يوم يقوللك خطوبتى الخميس اللى بعد اللى جاى
يانهااااااااااااااااااااا ر
طب وكلام امبارح يا عم الاب الروحى للعذاب وزعيم القوائم الفريه
يقوللك اصل الحاجه جابتهالى ومصره عليها وعاوزه تجوزنى وبسرعة

اقوم انا باصص له من تحت النضاره كده واقوله
الحاجة بردو
:)
اقل من شهر وواحد من اللى ماسكين لواء العذوبيه هاتلاقيه داخل هنا يعزم الرجاله على فرحه وساعتها يبقى محدش سمى عليه وموضوعه عندى بقى :)

**shaddadfalcon1** · 29-11-2011 09:10 PM

اتنين زمايلي في الشغل والصراحه كان سنهم كبير واحدد فيهم عمال يقولي جواز وايه وبتاع ايه انا مش مقتنع اصلا يعني مش زي فارما بيقول ليه اجيبه لنفسي لا ده عدي المرحله دي
بعدها بفتره بسيطه جدا لقيته باعت ميل وبيقول تعالو خدو شوكلاته انا كتبت كتابي

التاني بقي من 5 سنين وخطب واحده زيملتنا في الشركه من شهر

ولما تفكرهم باللي كانو بيقولوه يقولك انا بس مكنتش لاقي بنت الحلال واعتقد ده هو حال كل اللي بيقاوحو ياما مفيش امكانيات ياما مش لاقيين بنت الحلال