الموضوع: حدث قبل منتصف الليل.....قصة كل يوم

المشاركة الأصلية كتبت بواسطة A7MED_PHARMA

طرقات على الباب الزجاجي للصيدلية
" إتفضل الباب مفتوح" كلمة روتينية يرددها برتابة كلما طرق أحدهم باب الصيدلية ليلا
صرير المزلاج الثقيل للباب يعلو , ليظهر خلفه ذلك الشاب
وسيم كذكـــر الغوريلا
ذكي كالبقرة
قوي كعاصفة تخرج من جناحي بعوضة
رائحته بعطر زهرة تنمو في مرحاض منزلك
أنيق كذكر العرسة بعد موسم التزاوج
يدخل الذي إصطلح على تسميته (فلان)
فلان :"إزيك يادكتور"
فارما :" إزيك يابوحميد" بإشمئزاز متواري خلف ضحكة باردة
فلان متقدما لداخل الصيدلية :" والنبي يادكتور عاوز أغير على رجلي"
فارما بملل روتيني :" حاضر"
ويبدأ فارما في تطهير الجرح الغائر في ساق الوسيم

تدخل ريفية حمقاء ساذجة بلهاء خنفاء بغباء تقول :" عندك بوليس النجدة؟"
فارما بذات الملل الروتيني :" إيه ياعثـــل ؟ "
تنظر الجميلة البلهاء بغباء وتقول :" بوليس النجدة بتاع الصراصير؟"
فارما متأففا :" مفيش والله ياحبيبتي ؟"
تخرج البلهاء بغباء
....*
ينتهي فارما من تضميد الجرح بساق الوسيم
الوسيم :" دكتور معندكش ترامادول علشان رجلي بتوجعني " يقولها راسما وجه كلب يوشك صاحبه أن يطلق النار على رأسه
فارما :" مفيش والله"
الوسيم :" طيب أمادول , اللترادول , تيدول ؟؟؟؟"
فارما بكلمات صفراء تخرج من بين إبتسامة صفراء:" معنديش والله"
الوسيم الحاذق:"طيب أباتريل ,,, أموتريل ..؟"
فارما يعيد نفس الإجابة
الوسيم الساحر:" طيب مفيش ترامادول؟"
ينفخ فارما ويعيد نفس الإجابة على السؤال المكرر
ينهض الفتى وينقد فارما قيمة الغيار وتطهير الجرح
وقبل أن يغادر
بإبتسامة حنون صافية :" مش عاوز حد يشتغل يادكتور..أصلي عاوز شغل"
فارما :" تشتغل هنا إيه يعني ؟"
الوسيم الباهر الحسن:" زي مالبنات بيشتغلوا هنا .. أشتغل زيهم"
فارما :" البنات بيمسحوا ويكنسوا ويسيقوا , وبياخدوا 50 ج في الشهر"
الوسيم الرائع الخيال:" حد لاقي يادكتور .. أنا موافق , أجي أشتغل إمتى؟"
فارما ببراءة طفل رضيع :" انا مش محتاج حد دلوقتي ..لو إحتجت حد هقولك"
الذكي الماهر :"ربنا يكرمك يادكتور .. تاخد سيجارة ؟"
فارما بذات البراءة :" شكرا ياحبيبي .. ربنا يخليك"
الذكي القوي :" طيب مفيش طيب حبايتين ترامادول ؟"
فارما بملل حقيقي :" ياحبيبي مش قولتلك مفيش مرة .. هتغنيها؟"
القوي الشجاع:" طيب ماتزعلش يادكتور .. طيب اباتريل طيب ؟"
فارما بملل يتصاعد :" ياحبيبي بكره .. بكره عدي عليا ..مش فاضي دلوقتي "


قصة بقا تانية مش فاضي أكتبها
بس هقولكم
واحد غلبان(ع الاقل لبسه بقول كده)
داخل عليا النهاردة الصبح
"تعبان يادكتور ومش معايا تمن الدوا ومحتاج ضروري .. وأنا مش من هنا)
قلت طالما مش طلب فلوس .. يبقا يمكن محتاج علاج فعلا
تأمر ياحج
" عاوز فلوموكس كبسول"
إديته شريط .. قالي لأ عاوز علبة
قولتله معلش ياحج ده أخر شريط
"عاوز سوبرافيت كبسول"
إديته شريط .. قالي لا عاوز علبتين
قلت في بالي (تيتتتتتتتتتتت) شحات وعاوز رغيف قمح
"وظهري بيوجعني وكنت باخدله فولتارين كريم"
أديله الحجم الصغير منها .. يقولي لأ عاوز الكبير
" وكنت عاوز حزام ظهر علشان ظهري .. وعاوز علبتين ديكلوفين حقن بسرنجاتهم.. وعاوز كيس قطن كبير .. "

الدم غلي في دماغي
دماااااااااااااغي فااااااااااااااااااارت
أعمل إيه
أرمي أمه بره الصيدلية .. ولا أعمل إيه
قلت لنفسي " عند ربنا والأعمال بالنيات"
إديته شريط فلوموكس+علبة سوبرافيت+الجازون كريم
بسسسسس
كنت أعمل معاه إيه ده؟؟؟
تيتتتت

والله انت طيب وقلبك كبير فكرتنى بواحد دخل عليا محل الاتصالات بتاعى وقال ملقيش عندك عيش فينو......