اعمل ايه يا جماعه فى الرخصة ؟؟؟؟؟؟؟؟؟؟

انا معايا عربيه هيونداى جيتز 2005 شاريها من حوالى 3 شهور
المهم العربيه كان فيها توكيل وانا التوكيل التانى فا عندنا واحد فى العيلة ربنا بقى يسامحة اديته الورق والتوكيلات علشان يعمل فيه حاجه كده علشان العربيه انقلها باسمى بدل التوكيلات وقاللى انها بتاخد وقت قولت ماشى
من يومين ببص فى الرخصة افتكرته علشان انا ميعادى فى التجديد جه فابتصل بيه لقيته بيقولى يااااااه خلاص معلش هاروح اعملها بكرة
اول حاجه ينفع اجدد الرخصة بالتوكيل ؟؟
تانى حاجه عايز اعرف التجديد هايتكلف كام بالضبط مع العلم ان العربيه موديل 2005 و 1100 سى سى ؟؟؟؟؟؟
ارجو الافادة

ينفع التجديد بالتوكيل فقط لمدة سنة واحدة لاغير....*

يا باشا امشى عدل يحتار عدوك فيك انت تاخد الورق بتاعك بنفسك بدون اى تدخل من حد وتروح تنقل ملكيه علشان دى فلوسك ومحدش هيخاف عليها غيرك انت يا باشا


وتقريبا نقل الملكيه 770 جنيه يعنى مش فلوس مقابل ان مالك فى جيبك يا باشا وتحافظ على عربيتك من اى عمليه نصب لا قدر الله

اقتباس:

---

المشاركة الأصلية كتبت بواسطة sakr1964

ينفع التجديد بالتوكيل فقط لمدة سنة واحدة لاغير....*

---

عن تجربة لو التوكيل مش مكتوب فيه التجديد مش هيتجدد لو عملت ايه لو مكتوب فيه الترخيص والتجديد ممكن تجدد وترخص كمان باسم صاحب العربية

اقتباس:

---

المشاركة الأصلية كتبت بواسطة احمد المصرى

يا باشا امشى عدل يحتار عدوك فيك انت تاخد الورق بتاعك بنفسك بدون اى تدخل من حد وتروح تنقل ملكيه علشان دى فلوسك ومحدش هيخاف عليها غيرك انت يا باشا


وتقريبا نقل الملكيه 770 جنيه يعنى مش فلوس مقابل ان مالك فى جيبك يا باشا وتحافظ على عربيتك من اى عمليه نصب لا قدر الله

---

شوف حضرتك انا من 3 سنين اشتريت بولو 2001 برضه بتوكيل وروحت اعمل نقل ملكيه فى الشهر العقارى دفعت 1650 جنيه مع العلم انها كانت فاضيه وكمان 1000 سى سى

اقتباس:

---

المشاركة الأصلية كتبت بواسطة hamada2u2000

المهم العربيه كان فيها توكيل وانا التوكيل التانى فا عندنا واحد فى العيلة ربنا بقى يسامحة اديته الورق والتوكيلات علشان يعمل فيه حاجه كده علشان العربيه انقلها باسمى بدل التوكيلات وقاللى انها بتاخد وقت قولت ماشى

ارجو الافادة

---

هو ايه اللى بياخد وقت بالظبط ؟؟ تسجيل العربية؟؟؟...الموضوع بياخد حوالى نص ساعة لو فى شهر عقارى كويس...و ممكن يزيد شوية حسب الزحمة و المكان

نظرياً بما انك تانى توكيل ما ينفعش ترخص غير لما تسجل..و لو جددت الرخصة مش هاتبقى باسمك

الافضل لو رسوم الترخيص مش كبيرة تنقلها باسمك و تخلص بما انك كده كده بترخص