-
منتهى التسيب والاهمال
يعني ايه؟؟
يعني ايه وانا راجع النهاردة من اكتوبر على الدائري والدنيا بتمطر الاقي وانا عند نزلة الوراق الدنيا زحمة كالعادة وميكروباص ماشي على الرصيف اللي في النص لا وكمان نزل في الاتجاه العكسي وقطع الطريق مرة واحدة لحد مابقى ماشي في اقصي اليمين من الاتجاه المعاكس عكسي والنتيجة ان عربية لفت في الطريق من اللي جاين بسرعة في الطريق اللي في اتجاه اكتوبر وعربية تانية لحقت نفسها وقال ايه عربية نقل كانت هتلبس في العربية اللي لحقت نفسها
والغريبة بقى ان كان فيه عربية شرطة لوجان ام سي في واقفة على جنب في الاتجاه اللي الزفت ماشي فيه ومحدش حتى كلمه ولا قاله انت بتعمل ايه
وايه الحل في العيال دي؟
هنفضل لامتة كدة؟
متخيلين شكل العربية وهيا بتلف في الطريق وفيها واحد معاه مراته وعياله بسبب واحد ابن..... ....... وده اقل واجب اني اقول كدة
وفين الشرطة ولاد التيت اللي فرحانين بس يبلطجو على الناس؟
وفين المجلس العسكري اللذيذ اللي وعد الناس بالتغيير ومشفناش اي حاجة؟
الله يخربيت دي بلد على دي حكومة......
واسف على الانفعال بس تخيلت نفسي مكان العربيات دي
----------------------------------
لقد حصلت علي انذار مع وقف يوم لمخالفه القاعده 12 من قوانين المنتدي
يرجي مراجعه قوانين المنتدي
8.14م
28/11/2011
م.ع.12
-
فى الانيل موتسكلين صينى ماشيين عكسى فى الحارة اللى فى النص وبسرعه فى طريق الواحات وانت راجع من اكتوبر فى عز المطرة برضه
-
والله الواحد قرب يكره السواقه من اللى بيشوفه كل يوم دانا ناوى اعمل موضوع كامل عن الحجات دى قريب ان شاء الله
-
فعلا والله عندك حق بقة حاجة تقرف التسيب حتى فى ارواح البشر مشكل خطير ربنا يهدى....*
-
هي ديه مصر وهو ده أغلب شعبها ،،، لأني مقدرش أقول إن كل شعبها كدة ،،،،،، وربنا يعدي الفترة الهباب ديه على خير ونخلص بقى
-
اللي بيتصرف كدة المفروض ملوش دية ويلزمه رباية من اول وجديد
-
المشي العكسي علي الدائري بقي امر طبيعي ومسلم بيه
والأغرب من كدة عند المريوطية بقي تقريبا المنازل مطالع والمطالع منازل او بمعني ادق مفيش منازل ومطالع لأن كل مطلع ماشي اتجاهين وكل منزل ماشي اتجاهين
وفقه المعاكس انه انصح من كل العالم الفاضية الي مش عارفة قيمة الوقت وواقفة في الأشارة بضيع وقت فراغها بزعم انها ماشية صح
ربنا يهدي الحال
والله المستعان
،
،
-
السير عكس الاتجاه بقى شئ طبيعى جدا فى الطرق السريعة فى مصر ... يعنى على طريق الاسماعلية حدث ولا حرج عما تفعله الميكروباصات ده حتى طريق السويس لم يسلم من هذه الظاهرة
الاول كانت الناس تفتقد للوعى
حاليا الناس تفتقد الوعى والردع
-
كنت مرة راجع من الاسماعيلية وميكروباص قطع الطريق من اليمين للشمال مرة واحدة علشان يدخل يو تيرن
وواحد معاه تيريوس كان جاي بسرعة للاسف معرفش يتفاداه راح دخل فيه
طبعا سواق الميكروباص اول مااتخبط نزل جري والراجل ضربه بالنار في رجله علشان يعرف يخلص عليه وفعلا كان بجد هيقتله من اللي حصل ده
كل ده قبل الكامين بتاع ابو غالي بحوالي 600 متر او اقل ومحدش جيه يسأل
-
لسه ضارب سواق سزوكى كان ماشى عكس فى ميدان السواح
و منزلى مراتو تقولى بعد ازنك اعدى مردتش عليها راحت قعدالى على الكبوت روحت موقعها نزل يتخانق كالتو حتت علقه و ربنا اليسمحنى بقا بس انا افتريت عليه بس هو عصبنى جدا
و هو ماشى قالى والله لجيبك قلتلو انا ساكن فى كذا كذا و مستنيك
Content Relevant URLs by
vBSEO 3.6.0 PL2