أنا ما قدرتش أقرأ كل التعليقات
رأيي
1- أولا تدرس أبعاد الموضوع
2- ما تحطش مبرر للغلط - ما فيش حاجة إسمها إنك أهملتها والكلام الفاضي ده - دي مخطوبة وحتى لو كانت مش مخطوبة فما فيش مبرر للي عملته
3- إنس موضوع عمك ولا ولاد عمك بتحبهم ولا بتكرههم
دي حياتك وحياة ولادك - ولو كملت الجواز وانت مش مقتنع تبقى أولا بتظلم نفسككككككككك وده أشد ظلم عند الله وثانيا بتظلم البنت لأنك هتشركها في حياة فاشلة ثالثا هتظلم أسرتك وأسرة عمك لو خربت العلاقات بينكم بسبب الزواج الفاشل
وكمان ما تنساش أن الزواج رزق وبيد الله وأنت غير مسئول عن مستقبل بنت عمك لو تركتها فلربما رزقها الله من هو أفضل منك - هذا أمر موكول إلى الله سبحانه وتعالى وليس لأحد
4- أنا لو منك هأسيبها طبعا وبطريقة غير مهينة لأنها لو مش قريبتك فأعتقد أنك ما كنتش هتفضحها وخصوصا إن اللي عملته خطأ وليس خطيئة مهما كان عظم الموضوع - فما بالك وهي بنت عمك فالمفروض أنك لا تفضح سر فسخ الخوبة إلا لعمك لو فوجئت بأن البنت تسئ إليك - اما لو حبيت تنبه عمك للأمر فتقدير رد الفعل يعود إليك فقط
5- أنا مش قادر أقولك من عفا وأصلح والكلام ده لأنك أولا على البر ولا توجد علاقة زوجية لكي تضطر أن تضحي من أجلها وكمان الموضوع مش موضوع إنها غلطت فيك ونقولك تعفوا وكده - لكن الموضوع هل هتقدر تعيش معاها بدون شك في المستقبل ولا ممكن الشك يستمر أو يزيد ويوصل إنك تشك في أولادك أو ما تقدرش تعيش حياتك وتتنقل بحرية وكل واحد بيضطر يسيب زوجته ويسافر هنا وهناك ويأتمنها على ولاده مش يشك فيها هي نفسها
تقييم الموضوع يعود لك لأن كل واحد له مقاييسه الخاصة وكل عائلة ولها السلوك المناسب لها ومعيارها للخطأ الذي يمكن تجاوزه والذي لا يمكن التغاضي عنه
ربنا ييسرلك الحال ويصلح حالها ويرزقكما أنتما الإثنين الزواج الصحيح والذرية الصالحة