الفئة السعرية مش تصنيف... كدة انت بتلغى عنصر الquality
MMamdouh
عرض للطباعة
مهو السعر هو اللى بيحدد الكوالتى
يعنى الكوالتى العالى زى الالمانى واليابانى سعرهم ضارب فوق
والكوالتى المتوسط بسعر اقل زى الكورى والصينى اللى داخل عافيه فى نفس الفئه مع انه اقل
فبالتالى اللى انا شايفه هنا فى مصر الفئه السعريه هى اللى بتحدد
اصل لو الكوالتى بس يبقى المفروض عربيات كتييييير تتسحب من السوق
عموما احنا فى مصر بلد العجائب
فعلا احنا فى بلد العجائب
انت فاهم الموضوع بالعكس
انا معاك ان السعر بيحدد الكوالتى... بس دة مش معناه ان السعر بيحدد فئة
لان ببساطة لو قولت مثلا فئة 100 الف جنية هتلاقى فيها عربية اوروبى صغيرة بكماليات محدودة و عربية كورى متوسطة بامكانيات حلوة و عربية صينى كبيرة فيها كل حاجة فى الدنيا ممكن تلاقيها فى عربية و عليها طيارة هليكوبتر هدية....
هل معنى كدة ان دى عربيات متساوية مع بعض من ناحية الحجم او الامكانيات الفنية؟
هل معنى انى باخد كماليات اكبر بكتير من العربية الصينى انها الافضل؟؟
هل معنى ان الاوروبى امكانياتة و كمالياتة قليلة انه وحش؟
هل ال3 عربيات عمرهم الافتراضى واحد؟
طبعا الاجابة لا على كل الاسئلة بالتالى السعر مينفعش يبقى فئة... يعنى مينفعش نقول فئة ال70 الف... انما نقول فئة السيارات العائلية المتوسطة الحجم
MMamdouh
ماهو مافيش تصنيف واحد علشان تحدد هو التصنيف بيبقا على اساس ايه
و اللهى انا شايف اننا هنا فى مصر اللى بيحدد الموضوع ده فعلا هوه السعر
عشان اى واحد لما يجى يجيب عربية بيسأل انا معايا فى حدود مبلغ معين و يبدأ يشوف ايه الحجات اللى فى السعر ده اللى يجيبوا ديه أول خطوة
و طبعا كل ماركة عربية بيبقى معروف ترتيب الفئات فيها مثلا هيونداى
بيكون الفيرنا و بعدين الأكسنت و بعدين الألنترا و بعدين السوناتا و كل وحده فيهم ليها حدود سعر معينة و بتكون نازله بكماليات معينة بحيث تنزل بسعر معين تقدر تنافس بيه عربيات معينه من شركة تانية
ده اللى بيحدد الفئة من وجهة نظرى
زى الجيتا و الفانتزيا و السيفيك دولت فئة بينافسوا مع بعض و ايه اللى خلهام نفس الفئة طبعا عشان السعر ان الفئات ديه أقرب لبعض فى السعر و نزلين عشان ينفسوا بعض فى السعر ده