عمل الخير شىء واجب ولكن ان احنا نعمل حاجة زى دى عن طريق المنتدى, اسمحولى انا لا اوافق على حاجة زى دى لعدة اسباب واهمها :-
1- الموضوع فيه نسبة شبهة وبالذات من الناحية القانونية ومن الناحية الاجتماعية بمعنى ان ممكن واحد يدخل على المنتدى ويلاقى جمع تبرعات او ما شابه هيقوم يقول ايه العالم النصابة دى والكلام الى انتوا فاهمينه دة طبعا.
2- احب ان يكون عمل الخير شىء سرى بينى وبين ربى ولا احب ان يطلع عليه مخلوق بمعنى انى محبش اى حد يعرف انا عملت ايه وكام وفين علشان الثواب وطبعا منعا للاحراج.
3- المنتدى هنا مش وظيفته جمع التبرعات وتوصيلها لاحد عشان منعملش مشاكل وانشقاقات بداخل المنتدى , المنتدى دة اتعمل للسيارات واتعمل فيه فورمز اجتماعية للتواصل الاجتماعى , بمعنى انى ممكن بكرة اتزنق فى فلوس اقوم اجى لاصحابى هنا واقولهم يا جماعة انا محتاج مبلغ اد كذا وساعتها اكيد فى ناس هيساعدونى نما مينفعش انى اطلب لغيرى.
هذه وجهة نظرى وبالطبع هى قابلة للمناقشة وتحتمل الصواب والخطأ.